Réttur - 01.01.1962, Blaðsíða 27
EGGERT ÞORBJARNARSON:
22. þing Kommúnistaflokks
Ráð st j órnarrí k j anna
Hið margumtalaða 22. þing Kommúnistaflokks Ráðstjórnarríkj-
anna var haldið í nýrri og nýtízkulegri þinghöll í Kreml dagana 17.
—31. október síðastliðinn.
Um það bil 5000 fulltrúar nær 10 milljóna sovézkra flokksmanna
sátu þingið. Ennfremur gestafulltrúar 30 milljóna flokksmanna
kommúnista- og verkalýðsflokka í 80 löndum auk sendinefnda frá
ríkisstjórnum nokkurra Afríkuríkja.
Þingið fjallaði um þrjú meginmál, skýrslu miðstjórnar, hina
nýju stefnuskrá flokksins og breytingar á flokkslögum. Mál málanna
varð stefnuskráin.
Svij)mót þingsins einkenndist fyrst og fremst af framtíðarvið-
horfum hinna 220 milljóna íbúa Ráðstjórnarríkjanna. Það var
engin tilviljun, heldur táknrænt, að meðal þingfulltrúa voru tveir
fyrstu geimfarar mannk'ynsins, þeir Gagarín og Títoff.
Til þess að reyna að glöggva sig nokkuð á sess þessa þings i
sögunni, er ekki úr vegi að huga að nokkrum staðreyndum þess
límahils, sem þingið var haldið á.
Megin einkenni okkar tíma er samkejjjmin milli hinna tveggja
þjóðfélagskerfa, liins sigrandi sósíalisma og hins fallandi kajiital-
isma.
í þessari samkeppni er sósíalisminn að vinna á, en kapílalisminn
að tapa.
A síðasta hálfum öðrum áratug breyttist sósíalisminn úr kerfi
eins lands í heimskerfi margra landa með um þriðjung mannkyns.