Réttur - 01.01.1962, Blaðsíða 33

R E T T U R
33
gert ráð fyrir — við hliðina á launahækkunum og minnkandi launa-
spennu — kerfisbundnu afnámi persónulegra útgjalda, svo sem
húsaleigu, skatta, fargjalda o. s. frv., eftir því sem framleiðslustig
þjóðfélagsins leyfir á hverjum tíma.
Ennfremur hlaut flokkurinn að glíma við vandamál eins og það,
hvort það fyrirkomulag ætti að ráða á breytingaskeiði sósíalismans
til kommúnismans, að framlag manna til þjóðfélagsins yrði örfað
með persónulegri vinningsvon. Stefnuskráin skar úr þessu máli á
jákvæðan hátt, það er að segja hún gerir ráð fyrir því, að sú megin-
regla sósíalismans, að menn skuli hvattir til aukinna afkasta og
bættrar vinnu með efnahagshlunnindum, muni haldast allt tíma-
bilið þar til þjóðfélag kommúnismans hafi yfir að ráða gnægð
efnahagsverðmæta.
A sviði alþjóðamála hlaut kommúnistaflokkurinn — einmitt í
sambandi við samningu á uppbyggingaráætlun kommúnismans —
að gefa Ráðstjórnarþjóðunum svar við grundvallarspurningum
eins og þeirri, hvort rétt væri að berjast fyrir friðsamlegri sambúð
mismunandi þjóðfélagskerfa, hvort rétt væri að skora á auðvalds-
ríkin í samkeppni um bezlu b'fskjör til handa þjóðunum.
En þessar spurningar eru samofnar spurningunni miklu um það.
hvort styrjöld sé óumflýjanleg milli sósíalistiska heimsins og hins
kapítalistiska, eða hvort rétt sé að gera ráð fyrir þeim möguleika
— og þar með að berjast fyrir honum —, að unnt sé — þrátt fyrir
það að imperíalisminn felur alla sína lífstíð í sér styrjaldarhættu
— að koma í veg fyrir styrjöld og tryggja heimssigur sósíalismans
án styrjalda.
Einnig þessum spurningum svarar stefnuskrá Kommúnistaflokks-
his jákvætt.
Með hinni nýju stefnuskrá Kommúnistaflokks Ráðstjórnarrikj-
anna er greinilega brotið nýtt blað í sögu mannkynsins.
Eramvarðarsveit hinnar sósíalistisku sóknar mannanna, Ráð-
stjórnarþjóðirnar, hafa í fyrsta skipti í sögunni samið og sett á
hagskrá prakliska og pólitíska framkvæmdaáætlun um uppbyggingu
kommúnismans í landi sínu, og gengur nú þegar af miklu kappi að
framkvæmd hennar.
Sögulegt gildi stefnuskrárinnar verður vart ofmetið.
bræðilegt gildi hennar er mikill ávinningur fyrir sósíalismann
u>u allan heim.
3
L