Réttur - 01.01.1962, Síða 58
58
11 É T í U tt
notaði hann engu að síður tímann síðar meir, er hann var flótta-
maður í Svíþjóð, til þess að læra verkfræði í bréfaskóla og tók verk-
fræðipróf í Stokkhólmi aldarfjórðungi eftir borgarastyrjöldina.
Yrjö Enne var eldlegur áhugamaður, þekktur í verklýðshreyf-
ingu Finnlands sem hrífandi ræðumaður. Ifann var einn af fremstu
sérfræðingum finnska Kommúnistaflokksins í efnahagsmálum.
En líf hans var erfitt, eins og flestra baráttumanna finnskrar verk-
lýðshreyfingar. Hið langa, erfiða og hæltulega starf, er Kommún-
istaflokkur Finnlands var ofsóttur og bannaður, tók á krafta hans
og heilsu, því aldrei hlífði hann sér. 1927 var hann í fyrsta sinn kos-
inn á þing, en settur í fangelsi árið eftir. í átta ár sat hann í fang-
elsi finnska afturhaldsins og sú þjáning sagði líka til sín. Og þegar
umskiptin urðu eftir stríð, varð lítill tími til hvíldar. Starf hans var
þrotlaust, helgað verklýðshreyfingunni til síðustu stundar. Hann
var og allt sitt líf mikill áhugamaður um íþróttamál og löngum for-
ustumaður í íþróttasambandi verkamanna.
Daginn, sem Enne dó, hafði hann tekið þátt í stjórnarfundi Lýð-
ræðisbandalagsins, flutt þar ræðu og síðan hafði hann farið til af-
hjúpunar minnismerkis yfir Yrjö Sirola, er var einn af ágætustu
forvígismönnum finnskrar verkalýðshreyfingar, þingmaður verk-
lýðsflokksins frá 1907 og utanrikisráðherra í verklýðsstjórninni
1918.
A heimleiðinni úr kirkjugarðinum hné Yrjö Enne niður. Hjarta-
slag var hanamein hans.
Yrjö Enne var fulltrúi finnska Lýðræðisbandalagsins í Norður-
landaráði. Hann átti sæti á þingi Norðurlandaráðs í Stokkhólmi
1959, í Reykjavík 1960 og í Kaupmannahöfn 1961. Þegar hann
heimsótti ísland 1960 tók hann hér kvikmynd af „Sögueynni“, svo
fagra að allir vinir hans dáðust að hve vel lionum hafði tekizt.
Það er mikil eftirsjón af slíkum mönnum sem Yrjö Enne, en það
er gott að hafa kynnzt slíkum manni og finnska verkalýðshreyfingin
og Kommúnistaflokkur Finnlands munu varðveita minninguna um
hann sem einn af sínum beztu baráttu- og forustumönnum.
E. O.