Réttur - 01.07.1966, Side 8

208
RÉTTUR
Þegar liann kom lieim, útskrifaður lögfræðingur og gekk í málflytj-
endafélag Jóhannesarborgar, lá veröldin og frami hennar fyrir fót-
um þessa bráðgáfaða ættstóra manns. Hann giftist Molly Kriege,
systurdóttur konu Smuts hershöfðingja, sem var einn kunnasti hers-
höfðingi Búa í stríðinu 1899—1902, og ráðherra í Suður-Afríku frá
því sambandið var myndað 1910 og síðan lengst af forsætisráð-
herra og flokksforingi.
Skarpskyggni Fischer og heiðarleiki gerði hann brátt að einum
virtasta og eftirsóttasta lögfræðingi við dómstóla Suður-Afríku.
Það bregður skæru Ijósi yfir hið svívirðilega þjóðfélagsástand,
sem nú ríkir í Suður-Afríku nýnazismans, að einmitt þessi maður,
— sem kost átti alls hins æðsta frama, ef lífshugsjón hans hefði
verið að „komast áfram“, — skuli þann 11. nóvember 1965 hafa
verið handtekinn af fasistiskri lögreglu Suður-Afríku, eftir 10 mán-
aða skipulagðar mannveiðar, — dulklæddur, undir fölsku nafni
og með andlitið umskapað og plast-lagt.
Abram Fischer var meðlimur í Kommúnistaflokki Suður-Afríku,
meðan sá flokkur var leyfður að lögum, — og eftir að hann var
bannaður 1950, varð Fischer heimsfrægur fyrir hinar snjöllu varnir,
þegar frelsishetj ur Afrikumanna voru leiddar fyrir rétt, ákærðar
fyrir þau „landráð“ að 'berjast fyrir lýðræði og jafnrétti í landi
sínu. Frægust af þessum málaferlum urðu þau, sem háð voru 1956
—61 gegn 156 foringjum, er börðust gegn „apartheid", og voru
af öllum þjóðflokkum Suður-Afríku, — og síðan „Rivon,ia“-réttar-
höldin gegn Nelson Mandela, Walter Sisulu og sjö öðrum frelsis-
hetjum 1963—4, — og var þó Fischer verjandi í mörgum fleiri
réttarhöldum og ætíð einkenndist málsvörn hans af sömu snilli og
hugrekki.
Fischer varð fyrsti forseti South African Congress of Democrats,
þegar þau lýðræð.issamtök voru stofnuð 1954.
Ætíð barðist hann ótrauður fyrir málslað lítilmagnans og hinna-
ofsóttu, — þessi maður, sem átli öllu að tapa og ekkerl að vinna,
hvað auð og völd snerti, með því að helga líf sitt og frábæra starfs-
hæfileika þessari hugsjón réttlætisins.
1964. var Fischer tekinn fastur ásamt 13 öðrum forystumönnum í
baráttunni fyr.ir lýðræði og jafnrétti. A meðan á þeim réttarhöldum
stóð, fékk hann að vera frjáls gegn ca. hálfrar milljónar króna trygg-
ingu. Hann fékk meira að segja að fara til Englands í október 1964
til að verja mál við dómstól þar út af viðskiptadeilumáli í Rhodesiu.
Þegar málaferlin hófust aftur í janúar 1965, mætti Fischer fyrir