Réttur - 01.08.1971, Blaðsíða 8

LúSvik Jósepsson
I.
FISKVEIÐILÖGSAGA
50 MÍLUR
Með landráðasamningnum 19-51, uppgjöf-
inni fyrir brezku árásarvaldi eftir að sigur var
unninn, höfðu fyrrverandi stjórnarflokkar
ofurselt Bretum og Haagdómstólnum valdið
um stækkun fiskveiðilögsögunnar, þvert ofan
í íslenzku landhelgislögin frá 1948.
Þáverandi stjórnarandstöðuflokkar lýsm
þennan „samning" þá þegar ólöglegan og
að engu hafandi og standa við það nú, er
þeir hafa náð meirihluta.
128
Tíu ára reynsla af fiskveiðunum sýnir að
50 mílna lögsaga er jafn óhjákvæmileg fytir
ísland nú og 12 mílna fiskveiðilögsaga var
1958. Þar sem fiskveiðar eru grundvöllur
alls efnahagslífs íslands, gegnir um þessa út-
færslu alveg sérstöku máli, sem gerir það
að verkum að þjóðir sem ella vilja halda
fast við 12 mílna fiskveiðilögsögu, ættu að
fást tll að virða einhliða útfærslu hjá okkur.
Annað mikilvægt atriði kemur og til álita.
Eyðing lífsins í sjónum er orðið alþjóðlegt
vandamál. Með vaxandi veiðitækni er gengið
svo á fiskstofnana að þurð vofir yfir. Einnig
frá alþjóðlegu sjónarmiði er því útfærsla
íslenzku fiskveiðilögsögunnar nauðsynleg, til
verndar fiskstofninum á einhverjum auðug-
ustu fiskimiðum heims. Meðferð síldarstofns-
ins sýnir bezt hættuna.
Og enn bætist annað við:
Skefjalaus gróðafíkn stóriðjuauðvaldsins
hefur leitt til þess að eitruðum úrgangsefnum
er fleygt í sjó og vötn. Rínarfljót er þegar
orðið pestarlækur. Eystrasalt er eyðilegging-
unni undirorpið.
Ákvörðun alþýðustjórnarinnar íslenzku
um 100 mílna mengunarlögsögu er því bráð-
nauðsynleg ráðstöfun, þjóðlega og alþjóðlega
séð. Það er bókstaflega baráttan fyrir lífinu
í sjónum og lífsgrundvelli fólks í lands, sem
hér er háð í senn gegn skefjalausri ágengni
rányrkjuvalds sem og tillitslausri eyðingu lífs
af hendi stóriðjuvalds, sem magnað er slíkri
gróðafíkn að engin mannleg takmörk þekkir.
Um einbeitta og afsláttarlausa framkvæmd
50 mílna fiskveiðilögsögu og 100 mílna
mengunarlögsögu þarf öll þjóðin að standa
einhuga bak við alþýðustjórnina. Framtíðar-
grundvöllur efnahagslífs Islands er í veði og
varðveizla fiskstofns á beztu fiskimiðurn
heims fyrir fiskneytendur annars staðar í ver-
öldinni.
J