Réttur - 01.08.1971, Blaðsíða 23

Það er einkum tvennt, sem hefur sett svip
sinn á sögu Svörtu hlébarðanna þau fáu ár,
sem samtökin hafa starfað. Hið fyrra eru til-
raunir þeirra til að koma á samvinnu við
aðra róttæka stjórnmálahópa, hið síðara eru
árekstrar þeirra við lögreglu og dómstóla.
Huey P. Newton, helzti leiðtogi samtak-
anna, var handtekinn haustið 1967 eftir að
hafa lent í átökum við lögregluna og herferð
sú, sem samtökin hófu skömmu síðar til að fá
hann látinn lausan, átti mikinn þátt í að
samtökin komu undir sig fómnum í stór-
borgunum í Norðurríkjunum. I febrúar 1968
tókst bandalag með Svörm hlébörðunum og
Stokely Carmichael og fylgismönnum hans.
Skömmu síðar tekst samvinna við ýmsa rót-
tæka hópa um samstöðu við forsetakjör 1968.
Morðið á Martin Luther King í apríl 1968
varð til þess að ydda þær andstæður sem fyrir
voru og sannfærði marga um tilgangsleysi
hinnar friðsamlegu baráttu. Haustið 1968
slitnaði upp úr þeirri samvinnu, sem komizt
hafði á um vorið vegna þeirra kosninga sem
framundan vom, og í nóvemberl968 varð
Cleaver, sem verið hafði frambjóðandi flokks-
ins að fara úr landi. Huey P. Newton var um
sama leyti dæmdur til 214 árs fengelsisvistar.
Hann var látinn laus á sl. ári „vegna form-
galla við framkvæmd réttarhaldanna". Talið
er líklegt að yfirvöldin hafi gripið til þessa
fáðs til að friða „almenningsálitið", þ. e.
vegna gagnrýni ýmissa róttækra og frjáls-
lyndra manna úr hópi hvítra. Newton á hins
vegar að koma fyrir rétt á nýjan leik.
Árið 1969 einbeittu Svörtu hlébarðarnir sér
að pólitísku fræðslu- og vakningarstarfi og
létu stöðugt meir til sín taka. Yfirvöldin litu
starfsemi þeirra mjög alvarlegum augum eins
°g kemur fram í ummælum yfirmanns alrík-
islögreglunnar J. Edgars Hoover um að sam-
tökin „ógnuðu öryggi þjóðarinnar". Lögregl-
an í New York hóf í apríl 1969 fjöldahand-
Bobby Seale
tökur á félögum og trúnaðarmönnum sam-
takanna. Voru þeir ákærðir fyrir að hafa ætl-
að að fremja skemmdarverk á opinberum
byggingum. Dómstólarnir létu ekki sitt eftir
liggja. Höfðað var mál gegn Bobby Seale og
hann ákærður fyrir morð. Framkvæmd réttar-
haldanna yfir honum var með hreinum en-
demum. Ákærði var keflaður og hlekkjaður
við sæti sitt í réttarsalnum vegna þess að
hann talaði of mikið! Niðurstaða réttarhald-
anna varð sú, að Seale var dæmdur í 4 ára
fangelsi fyrir að hafa sýnt réttinum óvirð-
ingu. Ofsóknarherferð stjórnarvalda gegn
hreyfingu hinna svörtu hlébarða hefur enn
ekki linnt og síðasti áfangi hennar er ákæran
á hendur Angelu Davis, en mál hennar er
nú fyrir dómstólunum. Er hún ákærð fyrir
hlutdeild í morði.
143