Réttur


Réttur - 01.04.1973, Síða 55

Réttur - 01.04.1973, Síða 55
kvæmdastjóri þessarar samfylkingar er Betty Sinclair, ritari verkamannaráðsins í Belfast og framámaður i Kommúnistaflokki Irlands. CRA samtökin krefjast almennra leynilegra kosn- inga og afnáms á skilyrði um eign til kosningarétt- ar, sem hingað til hefur tryggt unionistum stjórn- artaumana, jafnan rétt til atvinnu, húsnæðis o. s. frv., afnám undantekningarlaganna (Special Power Act), ,,B Special" lögreglu og annarra kúgunar- tækja. Undirtektir undir þessar kröfur voru langt um- fram það sem forgöngumenn CRA höfðu gert sér vonir um. Kúgaðir kaþólikar voru reiðubúnir til átaka, breyttu byggðasvæðum og bæjarhverfum í ,,eyjar“ og varnarvirki, neituðu að greiða leigu- afgjöld og vexti og fylktu liði til fjöldagöngu á götum úti. Fólkið vopnaðist til andstöðu gegn kúg- un og ofbeldi unionista og hægrisinnaðra ofbeldis- manna, svo sem William Craig og lan Paisley. Báðir armar IRA hófu aðgerðir. Koma fjölmenns brezks herliðs varð til þess að skerpa andstæðurnar og fjölga hermdarverkum, svo sem við mátti búast. Nýlenduþjóðir Breta í Afríku þekkja af raun alltof vel komu slíkra herja sem að nafninu til eru sendir til að „koma á röð og reglu", en auka aðeins andstæðurnar, leiða af sér blóðböð, ólgu og óeirðir. Brezkur her hóf skot- hríð á göngu andunionista í Derry 30. janúar 1972 og margir óvopnaðir létu lífið — einn átak- anlegasti en ekki eini atburðurinn. Sprengingar, götubardagar og ofbeldi hefur verið daglegt brauð fólksins I Belfast og viðar á Norðurírlandi siðan brezkar hersveitir komu þangað. Stormont þingið hefur verið leyst upp og Bretar hafa komið á „beinum yfirráðum" með William Whitelew sem stjórnanda til að fást við ástandið. En blóðugt ofbeldi heldur áfram og andspyrnan hættir ekki meðan demokratar eru fangelsaðir og ógnarstjórn Breta er í fullum gangi. öfgasinnaðir hægrimenn vopnast opinskátt og hóta stjórnarbylt- ingu í anda lan Smith. Alda gremju og fordæm- ingar fer vaxandi sunnan landamæranna. (rland er á hraðri leið til borgarastyrjaldar. Kommúnistafl. Irlands (sem er eini stjórnmála- flokkurinn bæði sunnan og norðan landamæranna), Irski lýðveldisherinn (IRA) og önnur demókratisk samtök krefjast þess að hætt verði fangelsunum og aðgerðum brezka hersins; að minnihlutanum á Norðurírlandi verði tryggt jafnrétti; einingar írsku verkalýðshreyfingarinnar. Án efa mundi þetta duga langleiðina til að draga úr núverandi kreppuástandi, en það er augljóst að enga langframa lausn er að finna innan þess ramma sem þvingað var upp á þjóðina fyrir fimmtíu árum. Það getur ekki orðið varanlegur friður og framfarir i litlu landi sem hlutað hefur verið í tvennt og annar parturinn hersetinn og stjórnað af erlendu ríkisvaldi. Eins og stendur er ekki raunhæft að tala um að sameina þessi sex greifadæmi Irska lýðveldinu undir núverandi stjórn þess. Ekkert er fjarlægara vilja lýðveldisstjórnarinnar undir forustu Jack Lynch og Finn Fail flokksins en árekstrar við Brezka konungsrikið, þeir liggja flatir fyrir brezku íhalds- stjórninni. I kjölfar handtöku lýðveldisleiðtogans Sean Mac- Steofain kom ómannúðleg og ólýðræðisleg löggjöf sem einn leiðtogi andstöðunnar lýsti ágætlega með þeim orðum, að hún væri af þeirri gerð sem aðeins hefði mátt vænta i Suður-Afriku. (Áður hafði hann skýrt frá því, hvernig hann og flokkur hans hafði lúffað og snúið við blaðinu til fylgis við tillöguna!) Það er þvi ekki hægt að leita til núverandi leið- toga á Dail (þinginu) í Dublin um stuðning við baráttuandann frá 1916. Þeir vilja allt til vinna að tryggja yfirráð auðvaldsins og velja þann kost að gleyma og grafa þá minningu. En framfarasinnuð og þjóðleg öfl um allt Irland skynja æ betur að viðfangsefnið er samirskt og hugsjón Connollys verður að bera það uppi. I hetjulegri baráttu langhrjáðrar þjóðar eiga Irar að leita samúðar og stuðnings allra andheimsvalda- sinnaðra afla um allar jarðir, og þeir eru vissuliega stuðningsins verðir. Heimildir: Réttur 1967. Grein um Connolly á bls 197—98 og talin upp rit hans. Marx Engels: Ireland and the Lrish Question. Lawrence and Wishard. 1971. 518. bls. Desmond Greaves: The life and time of James Connolly. Lawrence and Wishard 1972 (222 siður). Beresford Ellis: A history of the Irish Working Class. V. Gollencz. 1972. 352 siður. I. A. Jackson: Ireland her own. Lawrence and Wishard. 1971. 513. siður. (Saga irsku frelsisbar- áttunnar frá upphafi). 119

x

Réttur

Beinleiðis leinki

Hvis du vil linke til denne avis/magasin, skal du bruge disse links:

Link til denne avis/magasin: Réttur
https://timarit.is/publication/319

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.