Morgunblaðið - 12.02.2006, Blaðsíða 6

6 SUNNUDAGUR 12. FEBRÚAR 2006 MORGUNBLAÐIÐ
FRÉTTIR




 
     

   

  


 
!  
" #$%
&'
%(%#)*+%,-./  /%
/ 

 
0 
!  
1 #$%
&'%(%#)

   .
.
1 2
 
 
   
  




  

 
 


 
     
 

 



!
   


          ! 
 "    #
! 
$# 
! 
 "      # ! 
    %& ''  " (
1  2 ) #*#      #  
+
3(,(-../#   /   ' '-00/12.. %# 34(
 




EGGERT Magnússon, formaður
Knattspyrnusambands Íslands,
skaut föstum skotum að Íþrótta- og
Ólympíusambandi Íslands í setning-
arræðu sinni á 60. ársþingi KSÍ, sem
haldið var á Hótel Loftleiðum í gær-
dag. Eggert sagði KSÍ engan veginn
njóta réttlætis þegar verið væri að
greiða út sameiginlega fjármuni
íþróttahreyfingarinnar og bætti síð-
ar við að svo virtist sem farið væri
með fjármunina sem útspil í íþrótta-
pólitík frekar en að jafnréttis- og
jafnræðissjónarmið réðu þar ríkjum.
Óásættanleg framkoma ÍSÍ
Eggert sagði fjárhagsstyrk KSÍ
hafa vaxið á undanförnum árum með
markvissum vinnubrögðum og að
hagnaður KSÍ hefði myndast en
ekki verið í fjárstyrkjum frá Knatt-
spyrnusambandi Evrópu, UEFA, og
Alþjóða knattspyrnusambandinu,
FIFA, eins og oft væri haldið fram.
„Ég fer ekki leynt með að ég er
ánægður með árangur KSÍ á þessu
sviði. KSÍ á að hluta til að reka eins
og hvert annað fyrirtæki þó að auð-
vitað megi ekki missa sjónar á að um
félagsstarfsemi er að ræða. Þetta
hefur verið stefnan á umliðnum ár-
um. En aðhald og sterk fjár-
málastjórnun er grunnur að styrk
KSÍ til framtíðar,“ sagði Eggert og
telur að velgengni KSÍ á fjárhags-
sviðinu hafi skapað því öfund og bak-
tal víða í íþróttahreyfingunni. „Ljóst
er að KSÍ nýtur engan veginn rétt-
lætis þegar verið er að greiða út
sameiginlega peninga íþróttahreyf-
ingarinnar og miða ég þá eingöngu
við félagslegan styrk – stærð og
fjölda iðkenda – knattspyrnuhreyf-
ingarinnar.“
Eggert segir það óréttlæti sem
fari mjög fyrir brjóstið á honum og
sé forystu ÍSÍ til vansa. Virðist hon-
um sem farið sé með sameiginlega
fjármuni íþróttahreyfingarinnar
sem útspil í íþróttapólitík frekar en
að jafnréttis- og jafnræðissjónarmið
ráði ríkjum.
„En það á ekki að hegna eða refsa
KSÍ fyrir góðan rekstur á meðan
skussarnir í íþróttahreyfingunni eru
verðlaunaðir. Gegn þessu óréttlæti
mun ég berjast bæði í ræðu og riti
og í einkasamtölum við forystumenn
íþróttahreyfingarinnar. Svona fram-
koma er óásættanleg.“
Endurbætt deildaskipulag
Á næsta ári er hátíðarár hjá KSÍ
en þá er 60 ára afmæli sambandsins.
Af því tilefni bendir Eggert á að til-
valið sé að móta nýja framtíð-
arstefnu í deildaskipulagi knatt-
spyrnunnar á Íslandi. „Það væri við
hæfi og virðing við 60 ára afmæl-
isbarnið að yngja það hressilega upp
með nýju endurbættu framtíðar-
skipulagi deildakeppninnar,“ segir
Eggert en tillaga hans er sú að
stjórn KSÍ verði falið að koma með
heildartillögur í þeim efnum, hvað
varðar framtíðarskipulag deilda-
keppninnar, fjölgun liða og kröfur til
mannvirkja.
„Það er ljóst að það verður aldrei
gert nema horft sé um leið á núver-
andi deildaskipulag og athugað
hvort tímabært sé að gera breyt-
ingar á því. Það er líka ljóst í mínum
huga að um leið og sú framtíðarsýn
verður mótuð, þarf um leið að kynna
að félögunum í þeirri deild, eða
deildum, þar sem fjölgun ætti sér
stað yrði settur ákveðinn tímarammi
til að leikvangar þeirra fullnægi skil-
yrðum sem sett yrðu sem forsenda
fjölgunar í þeirri deild, eða þeim
deildum,“ segir Eggert og telur eðli-
legt að fyrstu tillögur verði lagðar
fyrir formannafund í haust og síðan
fullmótaðar tillögur fyrir ársþingið á
næsta ári.
Formaður KSÍ segir sambandið ekki njóta réttlætis þegar
sameiginlegir fjármunir eru greiddir út til íþróttahreyfinga
Farið með fjármuni sem
útspil í íþróttapólitík
Eftir Andra Karl
andri@mbl.is
Morgunblaðið/Ómar
Eggert Magnússon telur við hæfi að móta nýja framtíðarsýn knattspyrnu-
mála á Íslandi í tilefni af 60. aldursári sambandsins árið 2007.
DÓMNEFND Blaðamannaverð-
launa Blaðamannafélags Íslands
hefur komist að niðurstöðu um til-
nefningar til verðlaunanna í ár.
Í flokknum Besta umfjöllun árs-
ins 2005 eru Auðunn Arnórsson, Jó-
hann Hauksson og Svanborg Sig-
marsdóttir, Fréttablaðinu, tilnefnd
fyrir upplýsandi og vandaða umfjöll-
un um ýmsar hliðar stjórnarskrár-
málsins undir heitinu „Stjórnarskrá
Íslands endurskoðuð“, Sigmar Guð-
mundsson, Kastljósinu, RÚV, fyrir
að fylgja eftir á vandaðan hátt upp-
ljóstrunum um kynferðislegt ofbeldi
sem fram komu í bók um Thelmu
Ásdísardóttur og Sunna Ósk Loga-
dóttir, Morgunblaðinu, fyrir ítarlega
og greinargóða umfjöllun um rekst-
ur og starfsemi Landspítala – há-
skólasjúkrahúss í kjölfar sameining-
ar.
Í flokknum Rannsóknarblaða-
mennska ársins 2005 eru tilnefnd
Anna G. Ólafsdóttir, Morgun-
blaðinu, fyrir upplýsandi greina-
flokk um fátækt og bresti í íslensku
velferðarsamfélagi, Jóhannes Kr.
Kristjánsson, NFS, fyrir afhjúpandi
umfjöllun í fréttaþættinum Kompási
um sívaxandi hlut „læknadóps“ á
fíkniefnamarkaði og Sigríður Dögg
Auðunsdóttir, Fréttablaðinu, fyrir
úttekt á einkavæðingu ríkisbank-
anna og umtöluð fréttaskrif um að-
komu áhrifamanna í aðdraganda
málaferla gegn forsvarsmönnum
Baugs.
Til Blaðamannaverðlauna Íslands
2005 eru tilnefnd Davíð Logi Sig-
urðsson, Morgunblaðinu, fyrir vönd-
uð skrif um Afganistan, alþjóðasam-
starf og stöðu Íslands í samfélagi
þjóðanna, Gerður Kristný Guðjóns-
dóttir blaðamaður fyrir óhefð-
bundna blaðamennsku og ítarlegar
rannsóknir við skrif á sögu Thelmu
Ásdísardóttur „Myndin af pabba“
og Jón Björgvinsson, fréttaritari
Útvarpsins, fyrir lifandi fréttaflutn-
ing af vettvangi heimsviðburða á
hamfarasvæðum vítt og breitt um
heiminn.
Tilkynnt verður um sigurvegara í
hverjum flokki á Pressuballi Blaða-
mannafélagsins á Hótel Borg nk.
laugardagskvöld.
Dómnefnd hefur tilkynnt
hverjir eru tilnefndir
Blaðamannaverðlaunin verða afhent um næstu helgi
„ÞAÐ er mokveiði, fullt af loðnu.
Það vantar bara grænt ljós til að
fá að veiða meiri loðnu,“ sagði
Bjarni Bjarnason skipstjóri á
Súlunni sem var að koma með
loðnu til löndunar í Neskaupstað
um hádegið í gær, laugardag,
eftir veiðar vestan við Ingólfs-
höfða.
„Þetta er eins og í góðu loðnu-
ári þarna í Meðallandsbugt og
góð ganga sem hefur komið
þarna. Þetta er miklu meiri loðna
heldur en í fjörunum í fyrra.“
Bjarni segir Súluna eiga eftir
nokkurn kvóta og því var stefnt
á miðin á ný að lokinni löndun í
gær.
Áfram mokveiði á loðnu
MARGAR námsmannafjölskyldur
erlendis eru í vandræðum vegna
þess að eftir að lögum um fæðing-
arorlof var breytt á Alþingi
árið 2004 misstu makar
námsmanna erlendis rétt til
fæðingarstyrks, að því er
fram kom í máli Ástu
Ragnheiðar Jóhannesdótt-
ur, þingmanns Samfylking-
ar, í umræðum á Alþingi.
Ásta benti á að þegar
lögunum var breytt hafi
verið sett inn sem skýlaus
skylda að sá sem fengi fæð-
ingarstyrk yrði að vera með
lögheimili á Íslandi, en áður var
sagt í lögunum að það væri að jafn-
aði sem menn þyrftu að eiga lög-
heimili á Íslandi til þess að geta
fengið fæðingarstyrk. Ásta gerði
málið að umtalsefni í kjölfar frétta-
flutnings um málið og beindi þeirri
spurningu til félagsmálaráðherra
hvort hann hefði gert sér grein fyr-
ir því þegar lögunum var breytt að
þessi hópur fólks myndi líða fyrir
breytingarnar.
Fram kom í svari Árna Magn-
ússonar félagsmálaráðherra að mál-
ið varðaði nokkur grundvallaratriði,
þar á meðal jafnræðisreglu stjórn-
arskrárinnar. „Réttur for-
eldra, hvort sem er til
greiðslna úr fæðingaror-
lofssjóði eða greiðslu fæð-
ingarstyrks er sjálfstæður
réttur hvors foreldris fyrir
sig. Lögin kveða á um rétt-
indi foreldra eftir því hvort
þeir eru virkir þátttakend-
ur á vinnumarkaði, eru í
námi eða standa utan
vinnumarkaðar. Við mat á
því til hvaða greiðslna for-
eldri á rétt samkvæmt umræddum
lögum er eingöngu litið til aðstæðna
þess foreldris sem í hlut á. Þannig
hafa aðstæður annars foreldrisins
ekki áhrif á rétt hins,“ sagði Árni.
Námsmenn hefðu hins vegar bent
sér á ýmis atriði sem ástæða væri
til þess að fara yfir varðandi lögin
um fæðingar- og foreldraorlof og
fæðingarstyrki. „Það erum við að
gera og hugsanlega verða lagðar til
breytingar á þeim lögum,“ sagði
ráðherra.
Rætt um fæðingar-
styrki til maka
námsmanna erlendis
Ásta Ragnheiður
Jóhannesdóttir
SALMONELLA greindist ekki í
alifuglum hér á landi í fyrra,
hvorki í eldi né við slátrun, að
því er fram kemur á vef Yf-
irdýralæknisembættisins. Alls
voru tekin tæplega 80 þúsund
sýni, helmingur úr eldi og hinn
helmingurinn úr slátrun.
Er þetta fyrsta árið síðan árið
2000 sem engin salmonella
finnst við sýnatökur yfirdýra-
læknisembættisins, en árið 2004
reyndist salmonella í 0,17%
sýna og í 0,49% sýna árið 2003.
Er þetta mun minna en fyrir um
áratug síðan, en 1993 fannst
salmonella í tæplega 15% sýna
og í 10% árið 1994. Árið 1997
fannst í fyrsta skipti smit í und-
ir 1% sýna, og hefur smit aldrei
mælst í meira en 1% sýna síðan.
Kampýlóbaktermengun í
kjúklingum var mun minni árið
2005 en 2004. Árið 2005 greind-
ist kampýlóbakter í 10,4% kjúk-
lingasláturhópa, en í 19,2% árið
áður. Hlutfallið hefur aldrei
verið lægra síðan eftirlit með
kampýlóbakter hófst í byrjun
árs 2000.
Engin salmonella
hér á landi í fyrra