Morgunblaðið - 12.02.2006, Qupperneq 76

76 SUNNUDAGUR 12. FEBRÚAR 2006 MORGUNBLAÐIÐ
Breski kvikmyndavefurinnScreen Daily segir frá því að
gera eigi kvikmynd upp úr bókinni
Princess Diana: The Hidden
Evidence, eða
Díana prins-
essa: Hin
leyndu sönn-
unargögn, en
í henni er því
haldið fram
að Díana
prinsessa hafi
verið myrt af
bandarísku
alríkislögreglunni, CIA og leyni-
þjónustunni FBI.
Á kvikmyndin að heita Hidden
Truth eða Hinn leyndi sannleikur
og tökur á henni hefjast í vor.
Ekki er ljóst hverjir fara með
hlutverk Díönu og Dodi al-Fayed,
elskhuga hennar en þau létust
bæði í bílslysi í París árið 1997.
Rannsókn Stevens lávarðar á
andláti Díönu stendur enn yfir en
hann segir rannsóknina mun
flóknari og erfiðari en hann og að-
stoðarmenn hans hafi haldið í
fyrstu.
  
Leikkonan og glamúrdrottn-ingin Tara Reid reynir nú að
losa sig við hina villtu ímynd sem
hún hefur þar sem hún telur að
þessi ímynd geti
skemmt fyrir
leikferli sínum.
Reid segist viss
um að hún sé að
missa af fjölda
hlutverka vegna
þess að yfirmenn
í Hollywood trúa
öllu sem skrifað
er um hana í
slúðurblöð, sem
oftar en ekki er slæmt. Hún vill
að fjölmiðlar láti sig í friði eða
fjalli um sig á jákvæðari hátt en
verið hefur. „Ég vinn mjög mikið,
ég skemmti mér ekki bara. Ég
vinn að góðgerðarmálum og ég er
mikil fjölskyldustelpa, ég er til
dæmis alltaf með fjölskyldunni
minni á sunnudögum,“ segir Reid.
„Nýlega keypti ég hús handa for-
eldrum mínum, en það er við
ströndina, örstutt frá mínu húsi,“
segir Reid. „Ég er viðkvæm og
mér er ekki sama um það sem er
skrifað um mig. Mér er illa við að
ég sé látin líta út fyrir að vera
eitthvert fífl. Ég er ekkert fífl. Í
rauninni er ég mjög klár, að
minnsta kosti mun klárari en fólk
telur,“ segir Reid.
Fólk folk@mbl.is
MAÐURINN á bak við Jethro Tull,
flautuleikarinn, söngvarinn og laga-
smiðurinn Ian Anderson, leikur á
stórtónleikum í Laugardalshöllinni
þriðjudaginn 23. maí ásamt hljóm-
sveit sinni og meðlimum úr Reykja-
vík Sessions Chamber Orchestra.
Þetta er í annað sinn sem Ian And-
erson heldur tónleika á hér á landi en
Jethro Tull spilaði fyrir fullu húsi á
Akranesi 1992.
Ian Anderson stofnaði Jethro Tull
í London árið 1968. Hann er víða
þekktur sem maðurinn sem kynnti
þverflautuna fyrir rokkinu og lagði
þar línuna fyrir notkun hljóðfærisins.
Ian leikur einnig á ýmsar aðrar flaut-
ur ásamt kassagítar og hljóðfærum
úr mandólínfjölskyldunni. Allt leikur
þetta lykilhlutverkið í hinni óraf-
mögnuðu og þjóðlagakenndu áferð
sem einkennir tónlist Jethro Tull.
Ian Anderson hefur alla tíð verið
óhræddur við að prófa nýjar leiðir og
þar af leiðandi er erfitt að setja tón-
list hans undir einn hatt. Hann þykir
þó jafnvígur á blús, rokk, þjóðlaga-
tónlist og framúrstefnurokk.
Fjöldi hljómsveita nefnir Jethro
Tull sem áhrifavald, þar á meðal
Pearl Jam og Iron Maiden. Tull átti
eftir að verða ein af vinsælustu og
langlífustu hljómsveitum breska
rokksins með tímamótaplötum eins
og Aqualung, Thick As A Brick og
Too Old to Rock n’ Roll, og Too
Young To Die. Þeir hafa nú selt rúm-
ar 60 milljónir platna og leikið á um
2.500 tónleikum í 40 löndum. Þess á
milli á hefur flautuleikarinn snjalli
leikið á hljómleikum víðsvegar um
heiminn undanfarin ár, þar sem hann
flytur tónlist Jethro Tull ásamt
hljómsveit sinni og sinfóníu-
hljómsveit. Þar hljóma lög eins
„Aqualung“, „Thick as a brick“,
„Locomotive Breath“, „Bouree“,
„Life is a long Son“, „Budapest“,
„My God“ og „Greensleeves“ svo ein-
hver séu nefnd.
Eins og áður sagði verða tónleik-
arnir í Laugardalshöll þriðjudaginn
23. maí. Miðasala og upphitunaratriði
verða kynnt síðar í mánuðinum. Það
er Performer ehf. sem stendur að
tónleikunum.
Tónlist | Ian Anderson úr Jethro Tull leikur í Laugardalshöll 23. maí
Konungur
rokkflautunnar
Þetta er í annað sinn sem Ian Anderson heldur tónleika hér á landi en
Jethro Tull spilaði fyrir fullu húsi á Akranesi 1992.
Ian Anderson, flaut-
an og einkennis-
stelling hans.