Morgunblaðið - 08.10.2006, Blaðsíða 75
MORGUNBLAÐIÐ SUNNUDAGUR 8. OKTÓBER 2006 75
menning
Hver er herra Kolbert? Hver er með númer 26, sleppa chillíinu? Er Herra Kolbert
í kistlinum á stofugólfinu? Steindauður? Hver var með hvítlauks bolognese með
eggi? Ef Herra Kolbert er dauður hver drap hann þá? Og hvernig kemur
pizzusendillinn inn í þetta allt saman?
Einstakt tilboð til VISA kreditkorthafa til 28. október:
Miðinn í forsölu á 1.600 kr. í stað 2.900 kr.
Tilboðið gildir á eftirtaldar sýningar: 28. og 29. október, 2., 3., 4., 5., 9., 10., 11., 12., 16., 17. og 18. nóvember
Frumsýning 28. októberMiðasala 4 600 200 I leikfelag.is
Sala hafin – fyrstir koma – fyrstir fá. Tryggðu þér miða núna!
Venjulegt matarboð hjá venjulegu fólki tekur óvænta
stefnu og þegar kvöldið er liðið er allt breytt.
F
í
t
o
n
/
S
Í
A
F
I
0
1
8
8
0
0
ÞAÐ ER mikið vatn runnið til sjávar
síðan maður heyrði Kristjönu og
Agnar Má fyrst, en strax mátti heyra
að þar fóru mikil efni. Fyrsta skífa
Agnars, 01, var frábær frumraun, en
Kristjana var seinni í gang. Annar
diskur hennar, Kristjana, þar sem
Agnar var stoð hennar og stytta, var
sosum ágætur, en það vantaði margt
til að sveiflan væri upp á það besta.
Það hefur svo sannarlega breyst og
tíu ára afmælistónleikar þeirra voru
listrænn sigur. Hvort sem söng-
dansar, blúsar eða djassklassík voru
efniviðurinn var flutningurinn magn-
aður og mér er næst að halda að
Kristjana sé komin í fremsta flokk
þeirra evrópsku söngkvenna sem
byggja á arfinum frá Ellu Fitzgerald
og sveifludívunum.
Tónleikarnir hófust á dúetti henn-
ar og Agnars, „Sweet Loraian“, sem
var á plötunni Kristjana útgefinni
2001. Útsetningin var hin sama, en nú
brá svo við að lallið hennar Kristjönu
gerði sig og dramatíkin á undan
þögninni á eftir fyrstu ljóðlínunni var
makalaus. Sígild verk eins og „All Of
You“ eftir Cole Porter og „Day
Dream“ eftir Billy Strayhorn geisl-
uðu af fegurð og hitinn í blúsum á
borð við klassík saxófónmeistarans
Buds Johnsons, „Since I Fell For
You“, var ósvikinn. Valdi Kolli og
McLemore voru pottþéttir og ekki
þarf að spyrja að píanóleik Agnars
Más. Hér lék hann í fyrsta sinn á
hammondorgel með Kristjönu í stað
B3 og það átti ekki minnstan þátt í
töfrum kvöldsins og hann lék oft
kristaltærar línur, eins og í „Brother
Can You Spare A Dime“, sem voru
meira í ætt við Fats Waller en Jimmy
Smith. Ólafur Jónsson blés í tenórinn
í nokkrum lögum, traustur að vanda
og gaman var að fá tækifæri til að
heyra Birki Má Matthíasson að nýju,
en hann er búsettur í Haag. Sérdeilis
voru flýgilhornsólóar hans fallegir og
dempaður trompetleikur hans bak
við söng Kristjönu í ætt við Sweets.
Ekki má gleyma að skattsöngur
Kristjönu er í sífelldri framför. Þessir
tónleikar voru gleðistund fyrir ís-
lenska tónlistarunnendur.
Selfossdívan springur út
Tónlist
NASA
Jazzhátíð Reykjavíkur
Kristjana Stefánsdóttir söngur, Agnar
Már Magnússon píanó og hammondor-
gel, Valdimar Kolbeinn Sigurjónsson
bassa og Scott McLemour trommur auk
Birkis Más Matthíassonar á trompet og
flýgilhorn og Ólafs Jónssonar á ten-
órsaxófón.
1. október kl. 21:30.
Tíu ára samstarfsafmæli Kristjönu Stef-
ánsdóttur og Agnars Más
Vernharður Linnet
MIÐAÐ við byrjandaverk er ástæða
til að hrósa hinni ungu Kocsis fyrir lag-
lega gerða tilfinninga- sem útlitslega
napra mynd af ungverskum mæðgum.
Ferkst loft lítur út fyrir að eiga að ger-
ast á síðasta áratug 20. aldar, þó þarf
það ekki að vera því Kocsis sækir
greinilega í smiðju Akis Kaurismäkis
persónur, útlit og ástand, að því und-
anskildu að alvaran er grafalvarleg.
Mæðgurnar Viola (Nyako) og Ang-
ela (Hegyi), dóttir hennar í kringum
tvítugt, hafa lítið á milli handanna en
reyna að skrimta. Viola er með hrein-
lætisæði, sem nýtist henni í starfi sem
klósettvörður. Angela stundar nám í
hönnunarskóla, hann er flóttaleiðin út
úr fátækt og grámyglulegu lífi, en
móðir hennar leitar undankomu á
dansgólfinu í klúbbi fyrir einmana sál-
ir.
Sápuópera í sjónvarpinu er eina
sameiginlega gleðistundin þeirra, þar
fyrir utan stíar kynslóðabilið þeim í
sundur. Viola er mörkuð af ævilangri
illa launaðri vinnu, lengst af undir
harðstjórn, Angela þráir betra líf.
Þegar öllu er á botninn hvolft er
Angela yngri útgáfa af móður sinni,
hún veit það sjálfsagt innst inni og
getur ekki kyngt því. Það er hætt við
að hún komist aldrei langt út fyrir
túngarðinn þótt hún reyni, hún gerir
reyndar mislukkaða stroktilraun sem
skilar henni beinustu leið heim og er
frekar yfirlýsing en grjóthörð áætlun.
Báðar túlka leikkonurnar hlutverk
sín á óaðfinnanlegan hátt.
Mæðgur í
leit að lífi
KVIKMYNDIR
RIFF 2006: Tjarnarbíó
Leikstjóri: Agnes Kocsis. Aðalleikarar:
Izabella Hegyi, Julia Nyako, Anita Tu-
roczi, Zoltan Kiss, Miklos Nagy. 109
mín. Ungverjaland. 2006.
Ferskt loft – Friss levegö Sæbjörn Valdimarsson
KOSTURINN við Með dauðann á
hendi er trúverðugur raunveru-
leikablær yfir dröbbuðum, lít-
ilsigldum persónunum, sem smell-
passa inn í niðurnítt umhverfið í
iðnaðar- og hafnarborginni Liver-
pool. Lífið hefur skilað þeim af
sér í öngstræti, útkösturunum á
vafasamri knæpu í Bítlaborginni.
Tom (McMartin) er búið að kýla
endanlega út úr hringnum og fá
önnur störf eru á lausu fyrir út-
brunninn boxara. Paul (Barber)
er fyrrverandi dópsali sem missti
dóttur sína í eiturlyf og fékk sér í
framhaldinu starf sem er, a.m.k.
á pappírunum, réttum megin laga
og réttar.
Eigandi staðarins, Billy (Bell),
er furðufugl með kúrekamyndir á
heilanum og klæðir sig sem slík-
ur.
Gallarnir eru margir, í fyrsta
lagi er fátt markvert, eða þannig
unnið úr umfjöllunarefninu að það
verði áhugavert. Myndavélin eltir
Tom, sem á í persónulegum
vandamálum í hjónabandinu og
hvað snertir vissan þátt í líkams-
starfseminni. Sameiginlegur
vandi steðjar að þeim félögum
báðum er þeir neita að ganga í
stéttarfélag útkastara. Bell á auð-
velt sem fyrr með að gera per-
sónur sínar illa lyktandi og Bar-
ber heldur manni við efnið. Hann
er magnaður leikari (Full Monty),
en fáséður. McMartin er máttlaus
leikari og tilvistarkreppa Toms
skiptir litlu máli, undarlegt, þar
sem McMartin er höfundur hand-
ritsins.
Útkastarablús
KVIKMYNDIR
RIFF: 2006: Háskólabíó
Leikstjóri: James Marquand. Aðalleik-
arar: Paul Barber, Tom Bell, Samantha
Janus, Gary Mavers, James McMartin.
90 mín. England. 2005.
Með dauðann á hendi – Dead Man’s
Cards Sæbjörn Valdimarsson