Morgunblaðið - 07.01.2007, Page 4

Í HNOTSKURN
»Alls greiddu 50 þúsund sjóðfélagar til LV ífyrra og námu iðgjaldagreiðslur 12,5
milljörðum.
»Lífeyrissjóður verzlunarmanna ráðstafaði59,4 milljörðum til lánveitinga og hluta-
bréfakaupa.
»Lánveitingar til sjóðfélaga voru 5,6 millj-arðar, innlend hlutabréfakaup 27,9 millj-
arðar og sala hlutabréfa 21,1 milljarður.
Keypt voru erlend verðbréf fyrir sem svarar
10,8 milljörðum kr.
Eftir Ómar Friðriksson
omfr@mbl.is
UNNIÐ er að endurskoðun ársreiknings Líf-
eyrissjóðs verzlunarmanna (LV) en eignir
sjóðsins námu 240 milljörðum í árslok 2006 og
jukust um liðlega 49 milljarða á árinu eða um
26%. Ávöxtun sjóðsins var 20% á síðasta ári
sem samsvarar rúmlega 12% raunávöxtun.
Þetta gerir árið að öðru besta rekstrarári í
sögu lífeyrissjóðsins.
Leggja til aukin réttindi og
hækkun lífeyrisgreiðslna
Stjórn sjóðsins mun, með tilliti til góðrar
ávöxtunar og tryggrar stöðu, leggja til við að-
ildarsamtök sjóðsins að lífeyrisréttindi sjóð-
félaga og greiðslur til lífeyrisþega verði hækk-
aðar frá 1. janúar 2007, að sögn Þorgeirs
Eyjólfssonar, forstjóra LV. Ákvörðun um
hækkun verður tekin fljótlega.
Spurður hvaða breytingar séu væntanlegar á
réttindum sjóðfélaga svaraði Þorgeir: „Ljóst er
að réttindin munu hækka að minnsta kosti jafn-
mikið og þau hækkuðu í fyrra, en þá var hækk-
unin 4%, en líklega þó eitthvað meira.“
Allir eignaflokkar sjóðsins sýndu góða ávöxt-
un í fyrra, samkvæmt upplýsingum Þorgeirs,
en þó var ávöxtun erlenda verðbréfasafnsins
best á árinu sem helgast af hækkun erlendra
hlutabréfamarkaða auk lækkunar íslensku
krónunnar.
Inneignir sjóðfélaga séreignardeildar í árslok
námu 5,5 milljörðum sem er hækkun um 35%
frá fyrra ári. Ávöxtun deildarinnar var 20%
sem samsvarar rúmlega 12% raunávöxtun. Um
40 þúsund einstaklingar áttu inneign í deildinni
í árslok.
„Góð afkoma sjóðsins á liðnu ári skýrist að
stórum hluta af hagstæðri þróun á erlendum
hlutabréfamörkuðum sem fór saman við lækk-
un gengis krónunnar. Einnig sýndu aðrir
eignaflokkar góða ávöxtun þó hækkun innlendu
hlutabréfanna hafi ekki verið eins mikil og á
liðnum árum,“ segir Þorgeir.
20% ávöxtun og eignir
jukust um 49 milljarða
Morgunblaðið/Árni Sæberg
4 SUNNUDAGUR 7. JANÚAR 2007 MORGUNBLAÐIÐ
FRÉTTIR
ÞAÐ er ekki langur sólargangurinn hér á landi
um þessar mundir. Jólahátíðin að baki og fram-
undan langir og oft kaldir vetrarmánuðir. Nú er
hann enda að skella sér yfir í norðanáttir og
frost eftir þíðviðrið undanfarið. Sólargangurinn
lengist þó með degi hverjum og styttist í vorið.
Morgunblaðið/Ómar
Svartasta skammdegið
OPINBER heim-
sókn Sólveigar
Pétursdóttur, for-
seta Alþingis, til
Sádi-Arabíu hefst
í dag og stendur
til 11. janúar nk.
Heimsóknin er í
boði forseta ráð-
gjafarþings lands-
ins og er fyrsta
opinbera heim-
sóknin á milli þinganna en sendinefnd
frá ráðgjafarþinginu kom í vinnu-
heimsókn til Íslands árið 2004. Ráð-
gjafarþingið fékk inngöngu í Alþjóða-
þingmannasambandið árið 2003 og
vinnur nú að því að auka samskipti sín
við þjóðþing annarra ríkja.
Með Sólveigu í ferðinni eru þing-
mennirnir Rannveig Guðmundsdótt-
ir, Arnbjörg Sveinsdóttir og Kolbrún
Halldórsdóttir, auk Belindu Ther-
iault, forstöðumanns alþjóðamála á
skrifstofu Alþingis. Áætlað er að
sendinefndin lendi á King Khaled-
flugvellinum í Riyadh um klukkan
átta í kvöld.
Málefni kvenna til umræðu
Í heimsókninni verða m.a. rædd
samskipti menningarheima, þjóð-
félagsþróun í Sádi-Arabíu og málefni
kvenna og Mið-Austurlanda ásamt
því sem viðskipti ber á góma og fleiri
mál. Jafnframt verður framboð Ís-
lands til öryggisráðs Sameinuðu þjóð-
anna kynnt.
Sendinefndin mun eiga fundi með
fulltrúum konungsfjölskyldunnar,
forseta þingsins, þingmönnum og
fulltrúum atvinnulífsins. Hún mun að
auki fylgjast með störfum ráðgjafar-
þingsins og skoða sögustaði í Riyadh
og Jeddah.
Sendinefnd
til Sádi-
Arabíu
Sólveig
Pétursdóttir
Framboð til öryggis-
ráðsins m.a. kynnt
JÓN Sigurðsson, iðnaðar- og við-
skiptaráðherra, opnaði á föstudag
nýja heimasíðu Neytendastofu
(neytendastofa.is). Um leið opnaði
Neytendastofa rafræna þjón-
ustugátt fyrir neytendur, fagaðila
og allan almenning sem hafa sam-
skipti við stofnunina.
Tryggvi Axelsson, forstjóri
Neytendastofu, segir að rafræn
neytendastofa sé heildstæð lausn
fyrir almenning og opni auðvelda
og skilvirka leið fyrir erindi frá
almennum borgurum til stjórn-
sýslunnar. Neytendur geti komið
með ábendingar og fleira í gegn-
um vefinn til stofnunarinnar og
fylgst með afgreiðslu þeirra.
Rafræna Neytendastofan veitir
öllum borgurum landsins mögu-
leika til að hafa eigin þjón-
ustugátt hjá Neytendastofu.
Viðskiptamenn hennar geta
haft þar yfirlit um erindi sín til
Neytendastofu. Skilaboð berast
einnig skráðum notendum með
tölvupósti frá þjónustugáttinni
þegar erindi eru móttekin, tekin
til afgreiðslu eða erindum er lok-
ið.
Rafræn þjónustugátt
fyrir neytendur
Tækni Jón Sigurðsson, iðnaðar- og viðskiptaráðherra, opnar heimasíðuna.
Morgunblaðið/Ómar
♦♦♦
MIKIL mannekla í leikskólanum
Marbakka í Kópavogi hefur orðið til
þess að leikskólastjórinn hefur þurft
að grípa til ýmissa neyðarúrræða,
s.s. að biðja foreldra um að hafa börn
sín heima einn dag í viku. Í samtali
við Fréttavef Morgunblaðsins í gær
sagði Hólmfríður Sigmarsdóttir að
hún hefði engin skýr svör varðandi
hversu lengi ástandið mundi vara, en
á undanförnum mánuðum hafa henni
ekki borist neinar umsóknir á sama
tíma og fækkun hefur orðið í starfs-
liði hennar.
Í bréfi, sem sent var í gær öllum
foreldrum sem eiga börn í leikskól-
anum, segir m.a.: „Við erum því
nauðbeygð til að gera ráðstafanir
sem lúta að því að fækka börnum í
skólanum í samræmi við þann fjölda
starfsmanna sem tiltækur er nú.“
Neyðarúrræði
vegna mann-
eklu í leikskóla