Morgunblaðið - 23.02.2007, Qupperneq 4

4 FÖSTUDAGUR 23. FEBRÚAR 2007 MORGUNBLAÐIÐ
FRÉTTIR
Eftir Örlyg Stein Sigurjónsson
orsi@mbl.is
HÓTEL Saga var ekki að láta und-
an þrýstingi samfélagsins þegar
eigendur hótelsins ákváðu að vísa
frá hópi klámframleiðenda sem
hugðist gista á hótelinu 7. til 11.
mars. Þetta segir Hrönn Greips-
dóttir hótelstjóri um ákvörðunina
sem var studd af Rezidor Hotel
Group, rekstraraðila Radisson SAS
hótelkeðjunnar. Um er að ræða
framleiðendur klámefnis á síðunni
FreeOnes.com sem hugðust koma
hingað til lands undir ráðstefnuyfir-
skriftinni Snowgathering 2007.
Christina Ponga, skipuleggjandi
ráðstefnunnar, segir það mikil von-
brigði að hótelið hafi ákveðið að
synja ráðstefnugestum um gistingu
og að skipuleggjendur neyðist til að
hætta við að halda ráðstefnuna á Ís-
landi. Í fréttatilkynningu frá
Bændasamtökum Íslands, hóteleig-
endunum, er lýst yfir vanþóknun á
starfsemi þeirri sem ofangreindur
hópur tengist. Hótelið hafi ekki far-
ið varhluta af sterkum viðbrögðum
almennings undanfarna daga og í
fyrradag hafi borgaryfirvöld lýst
þennan hóp óvelkominn í Reykja-
vík.
Hrönn útilokar ekki að hótelið sé
skaðabótaskylt gagnvart ráðstefnu-
hópnum.
„Auðvitað hefur þetta mál tekið
mjög djúpa dýfu á undanförnum
dögum og verið tengt við jafnógeð-
felldan hlut og barnaklám. Það er
nokkuð sem hvorki hótelið né
Bændasamtökin vilja láta bendla
sig við. Eins og margoft hefur kom-
ið fram er tilurð þessa hóps ekki á
nokkurn hátt tengd Hótel Sögu.
Það eina sem er, er að hingað kem-
ur hópur fólks að kanna aðstæður
hér og velur að sjálfsögðu besta
hótelið í bænum til að búa á. Það er
eina tenging okkar við þetta mál.
En síðan höfum við auðvitað fundið
fyrir sterkum viðbrögðum við komu
þessa hóps,“ segir hún.
„Á sama tíma hafa borgaryfirvöld
með borgarstjóra í broddi fylkingar
lýst því yfir að þessi hópur sé óvel-
kominn til Reykjavíkur. Það er okk-
ur afskaplega erfitt sem þjónustu-
fyrirtæki í Reykjavík að taka á móti
hópi sem sjálfur borgarstjóri hefur
lýst óvelkominn. Þá hefur lögreglu-
stjóri lýst því yfir að hópurinn verði
vaktaður. Við eigum mjög erfitt
með að bjóða gestum okkar upp á
svona nokkuð.“
Hrönn bendir á að hópurinn hefði
verið á 49 herbergjum og vafamál
væri hvort hægt hefði verið að taka
tillit til annarra gesta á hinum 160
herbergjum hótelsins með fyrirsjá-
anleg mótmæli fyrir utan hótelið, að
ekki sé talað um vöktun lögregl-
unnar. Hrönn segir aðspurð hvort
hótelið líti hér með svo á að ráð-
stefnugestir Snowgathering séu
óvelkomnir, að henni beri sem hót-
elstjóra að gæta fyllsta hlutleysis
gagnvart öllum gestum. „Í sjálfu
sér eru engin efnisleg rök fyrir því
að vísa þessu fólki frá,“ segir hún en
tekur fram að ákvörðunin sé á sið-
ferðislegum forsendum og hafi hlot-
ið að vera tekin af eigendum hótels-
ins. „Ég taldi mig ekki bæra til að
taka þessa ákvörðun og þess vegna
var málinu vísað til eigenda. Þeir
vilja með þessu lýsa andúð sinni á
klámi og klámiðnaðinum og jafn-
framt bregðast við því að hótelið sé
tengt á einhvern hátt við slíkan iðn-
að.“
Furðaði sig á viðbrögðunum
Hrönn hringdi í talskonu hópsins
í gærmorgun til að segja henni frá
ákvörðuninni. Fulltrúi hópsins hafi
skilið afstöðu hótelsins en furðað sig
á almennum viðbrögðum við komu
hópsins. Kornið sem fyllti mælinn
hafi síðan verið yfirlýsingar ís-
lenskra yfirvalda. Hrönn segir hót-
elið hafa tekið með í reikninginn
sterkt almenningsálitið, ekki síst í
því ljósi að það starfar einnig á inn-
anlandsmarkaði og vill virða skoð-
anir þeirra sem hafa hæst talað að
undanförnu.
En óttast hótelið að Snowgather-
ing hópurinn muni nú krefja hótelið
um skaðabætur fyrir að vísa fólkinu
frá?
„Ég er ekki í nokkrum vafa um
að þau koma til með að leita réttar
síns í því sambandi. Við reyndum
eftir bestu getu að skýra út fyrir
forsvarsmönnum hópsins hvers
vegna þessi ákvörðun hefði verið
tekin. Sjálf hefur talskona hópsins
verið dregin inn í umræðuna hérna
og hún er fullkomlega meðvituð um
þá umræðu.“
Hrönn segir hótelið hafa tekið
fram við hópinn að ekki yrðu leyfð-
ar auglýsingar frá fjármögnunarað-
ilum á opnum svæðum hótelsins.
Aðspurð hvort umrædd ákvörðun
gefi fordæmi gagnvart öðrum vænt-
anlegu hótelgestum sem kunna að
vera vafasamir með einum eða öðr-
um hætti, segist Hrönn vonast til að
þetta mál sé einstakt í sinni röð. „Í
45 ára sögu hótelsins veit ég ekki til
þess að hópi hafi verið vísað frá á
þessum forsendum. Hins vegar hlýt
ég að lýsa eftir viðbrögðum Sam-
taka ferðaþjónustunnar við því að
yfirvöld skuli gefa frá sér yfirlýs-
ingar eins og gerst hefur á und-
anförnum dögum.“
Í samtali við Fréttavef mbl.is í
gær sagðist Cristina Ponga ekki
eiga von á því að annað hótel myndi
vilja hýsa ráðstefnugestina. „Ef við
ætlum ekki að fremja lögbrot í land-
inu, af hverju ætti okkur þá að vera
úthýst? Það er engin glóra í þessu,“
sagði Ponga.
Hótel Saga strokar klám-
fólkið út úr bókum sínum
Morgunblaðið/Golli
Úthýst Enga gistingu að hafa á Hótel Sögu en það kann
að skýrast síðar hvort eftirmál verða af hálfu hópsins.
Tvískinnungur? Snowgathering spurði á vef sínum í
gær hvort væri skárra, hvaladráp eða stelpustuð.
MAREL hf. hefur ákveðið að loka
starfsstöð sinni á Ísafirði frá 1. sept-
ember næstkomandi. Starfsmönnum,
sem eru 21 talsins, var tilkynnt um
það í gær. Í tilkynningu frá Marel
segir að rætt verði við starfsfólkið um
mögulegan áhuga þess á starfi í höf-
uðstöðvum fyrirtækisins í Garðabæ.
Trúnaðarmaður starfsmanna sagði
að starfsfólkið hefði verið slegið yfir
tíðindunum. Málið verður rætt á
fundi bæjarráðs Ísafjarðar á mánu-
dag.
Á heimasíðu Marels segir að lok-
unin sé liður í endurskipulagningu á
starfsemi fyrirtækisins á heimsvísu,
en stefnt er að því að fækka starfs-
stöðvum Marels um 15–20 og skapa
hagkvæmari rekstrareiningar.
Flutningurinn frá Ísafirði til Garða-
bæjar er liður í endurskipulagning-
unni og ákvörðunin er byggð á
rekstrarlegum forsendum. Marel
hefur nú um 45 starfsstöðvar í yfir 20
löndum. Hjá fyrirtækinu starfa um
2.200 starfsmenn, þar af 350 hér á
landi.
Starfsmenn eru slegnir
Sigurður Pálmar Þórðarson, trún-
aðarmaður starfsmanna Marels á
Ísafirði, sagði tilkynningu um lokun
starfsstöðvarinnar hafa komið starfs-
fólkinu á óvart. „Menn eru svolítið
slegnir,“ sagði Sigurður. Hann taldi
það einnig mikið áfall fyrir bæjar-
félagið að tapa öllum þessum störf-
um. Hjá Marel á Ísafirði starfa 19
karlar og tvær konur. Flestir starfs-
mannanna eru iðnmenntaðir en einn-
ig starfa þar bæði verkfræðingur og
tölvunarfræðingur. Sigurður sagði að
margir þeirra ættu langan starfsald-
ur að baki og hefðu unnið áður hjá
Póls hf.
Starfsmönnum var greint frá þeim
möguleika að þeir gætu fengið vinnu
hjá Marel í Garðabæ á fundi í gær
þegar tilkynnt var um lokunina. Í dag
eru ráðgerð starfsmannaviðtöl og
sagði Sigurður að þá kæmi þetta til-
boð væntanlega betur í ljós. Taldi
Sigurður líklegt að menn myndu hitt-
ast til að ráða ráðum sínum að lokn-
um samtölum starfsmanna við full-
trúa Marels, sem nú eru á Ísafirði.
Hissa og sár
„Við erum mjög hissa á þessu og
sár út í þetta fyrirtæki,“ sagði Hall-
dór Halldórsson, bæjarstjóri á Ísa-
firði. Hann sagði að þegar Marel
hefði keypt Póls hf. 2004 hefði verið
sagt að Marel ætti ekki þá sögu að
fyrirtækið keypti önnur fyrirtæki til
að leggja þau niður. Ætlunin hefði
verið að styrkja þessa einingu. Hall-
dór taldi að í ljósi þeirrar stefnu hjá
Marel að fækka einingum og stækka
hefði verið upplagt að stækka ein-
inguna á Ísafirði. Þar væri mjög öfl-
ugt starfsfólk og starfsemin byggði á
grunni sem lagður hefði verið 1966.
Póls hefði farið að framleiða tölvu-
vogir áður en Marel var orðið að hug-
mynd.
Halldór sagði að það yrði mikill
skaði fyrir bæjarfélagið ef starfsfólk
Marels flytti úr bænum. Hann sá þó
ýmis tækifæri í stöðunni, t.d. að 3X-
Stál, sem er í svipaðri framleiðslu,
gæti notað tækifærið til að útvíkka
starfsemi sína enn frekar. Eins gæti
starfsfólk Marels hugsanlega stofnað
fyrirtæki til að halda áfram í ein-
hverri svona framleiðslu. „Ég hef lýst
því yfir fyrir hönd Ísafjarðarbæjar að
við erum tilbúin að vinna að einhverju
slíku. Með því að stilla saman strengi
bæjarins, þessa starfsfólks, Marels,
ef það vildi kaupa eitthvað af fram-
leiðslunni, og 3-X Stáls þá gefast
mjög mörg tækifæri.“
Halldór hefur óskað eftir því að
málið verði sett á dagskrá bæjarráðs
næstkomandi mánudag. Þangað hef-
ur hann boðað framkvæmdastjóra
Atvinnuþróunarfélags Vestfjarða og
atvinnufulltrúa Ísafjarðarbæjar.
Marel lokar á Ísafirði
Rætt við starfsfólkið um mögulegan áhuga þess á
starfi í höfuðstöðvum fyrirtækisins í Garðabæ
VALGERÐI Sverrisdóttur utanrík-
isráðherra var tilkynnt í gær að
matvælaframlag Íslands til skóla-
barna í Úganda og Malaví tryggði
65.000 skólabörnum mat á hverjum
degi en ekki 45.000 eins og áætlað
hafði verið, en verkefnið er til
tveggja ára.
Valgerður Sverrisdóttir heim-
sótti í gær flóttamannabúðir í Pad-
er-héraði í Norður-Úganda og var
meðal annars viðstödd dreifingu
Matvælaáætlunar Sameinuðu þjóð-
anna (World Food Programme,
WFP) á matvælum frá íslensku
þjóðinni. Héruð í Norður-Úganda
hafa lengi verið undirlögð af skær-
um og vegna ástandsins er um
milljón manns í flóttamannabúðum
og treysta á aðstoð frá WFP.
„Það var ógleymanlegt að koma
þarna,“ segir Valgerður og vísar
til þess að þúsundir manna hafi
tekið á móti íslensku sendinefnd-
inni með söng og dansi. „Það tek-
ur á að horfa á þessa eymd en
fólkið er svo brosmilt og þakklátt
og því finnur maður ekki eins mik-
ið fyrir því hvað þetta er átak-
anlegt.“
Greiða mat fyrir
65.000 börn á dag
Þakklæti Börn í flóttamannabúðunum í Pader-héraði í Norður-Úganda
taka á móti Valgerði Sverrisdóttur utanríkisráðherra.
VARMÁRSAMTÖKIN hafa farið
þess á leit við verkfræðistofuna
Línuhönnun að gera samanburð á
mögulegum valkostum við lagn-
ingu tengibrautar að fyrirhuguðu
Helgafellshverfi í Mosfellsbæ. Fyr-
irtækið hefur tekið verkið að sér,
en þó með þeim fyrirvara að það
haldi sjálfstæði í málinu og taki
ekki þátt í að ganga erinda nokk-
urs aðila í þeim ágreiningi sem nú
er uppi varðandi legu tengibrautar
um Álafosskvos. Jafnframt óskar
fyrirtækið eftir samstarfi við Mos-
fellsbæ um aðgengi að öllum gögn-
um, útreikningum og kortum sem
tengjast málinu.
Bæjaryfirvöld liðki fyrir
úttekt hlutlausra fagaðila
Í tilkynningu frá Varmársam-
tökunum segir að á kynningarfundi
í Hlégarði og víðar hafi komið
fram að það hafi verið niðurstaða
sérfræðinga að fyrirhuguð stað-
setning tengibrautar væri besti
kosturinn. Hins vegar hefði verið
erfitt að fá gögn, forsendur og út-
reikninga á mismunandi leiðum
sem gáfu þessa niðurstöðu. Karl
Tómasson, forseti bæjarstjórnar,
hefði vísað til fundargerða bæj-
arins og bæjarverkfræðingur lýst
því yfir á sama fundi að þeim sem
vildu kynna sér þau gögn sem
lægju fyrir í málinu væri það vel-
komið. Varmársamtökin hafi því
enga ástæðu til annars en gera ráð
fyrir að bæjaryfirvöld liðki fyrir
úttekt sem framkvæmd er af hlut-
lausum fagaðilum.
„Línuhönnun mun gera verk-
fræðilega úttekt og samanburð á
þeim möguleikum sem nefndir
hafa verið. Úttekt Línuhönnunar
snýr að samanburði á vegatækni-
legum atriðum og kostnaði. Í fram-
haldi er óskað eftir úttekt Land-
mótunar, teiknistofu landslags-
arkitekta, á kostum og göllum
hverrar leiðar. Útbúin yrði heild-
arstigagjöf með tilliti til kvörðunar
á kostnaði, fjarlægð, verndun,
röskun á búsetu og þróunarmögu-
leikum bæjarins,“ segir í tilkynn-
ingunni.
Línuhönn-
un skoði
valkosti