Morgunblaðið - 23.02.2007, Page 12

12 FÖSTUDAGUR 23. FEBRÚAR 2007 MORGUNBLAÐIÐ
FRÉTTIR
FYRSTA sending af augnlyfinu Lu-
centis er væntanleg til landsins í
byrjun mars og lyfið er þá tilbúið til
notkunar ef og þegar Landspítali –
háskólasjúkrahús samþykkir notk-
un þess.
Í frétt sem birtist í Morg-
unblaðinu 21. febrúar var sagt að
ekki væri búið að ganga frá mið-
lægri skráningu lyfsins hjá Evr-
ópsku lyfjamálastofnuninni. Í
fréttatilkynningu frá Novartis á Ís-
landi kemur hins vegar fram að
leyfið hafi verið gefið út 22. janúar
sl. Framkvæmdastjórn Evrópusam-
bandsins gefur út slík markaðs-
leyfi, að fengnum meðmælum sér-
fræðinganefndar Evrópsku
lyfjastofnunarinnar, en í þeirri
nefnd á m.a. Ís-
land fulltrúa.
Miðlæga mark-
aðsleyfið gildir í
öllum ESB-
ríkjunum. Ísland
og Noregur, sem
eru EFTA-ríki á
EES, gefa síðan
út svokölluð
landsmarkaðsleyfi á grundvelli
miðlæga markaðsleyfisins. Þetta er
það sem í daglegu tali er kallað
lyfjaskráning. Íslenskt markaðs-
leyfi fyrir Lucentis var gefið út 12.
febrúar sl. Upplýsingar um lyfið
verða birtar í lyfjaskrá á næstu
dögum. Einungis sérfræðingar í
augnlækningum mega ávísa lyfinu.
Augnlyfið Lucentis er vænt-
anlegt til landsins í mars
Á FUNDI mannréttindanefndar
borgarinnar í fyrradag var sam-
hljóða samþykkt bókun þar sem
fagnað er yfirlýsingu borgarstjór-
ans í Reykjavík frá 16. febrúar og
ályktun borgarstjórnar Reykjavík-
ur, þar sem segir að það sé í mikilli
óþökk borgaryfirvalda ef ráðstefna
framleiðenda klámefnis fyrir net-
miðla verði haldin hér í borg um
miðjan marsmánuð, enda skýlaus
stefna Reykjavíkurborgar að vinna
gegn klámvæðingu og vændi.
Í efndinni eiga sæti: Marsibil J.
Sæmundardóttir, Sif Sigfúsdóttir,
Jórunn Frímannsdóttir, Bryndís Ís-
fold Hlöðversdóttir og Sóley Tóm-
asdóttir.
Gegn klámvæðingu og vændi
Ekki Borgaryfirvöld eru andsnúin
ráðstefnu framleiðenda klámefnis.
Morgunblaðið/Sverrir
SKÁKEINVÍGI fer fram í beinni út-
sendingu á vefmiðlinum ICC á
morgun, laugardag, á vegum Vid-
eoChess.Net, á milli tveggja skóla í
Namibíu og Hamarsskóla Vest-
mannaeyjum. Einvígið hefst kl. 13
að íslenskum tíma og geta áhuga-
samir sótt ICC-hugbúnaðinn ókeyp-
is á ChessClub.Com og fylgst með
viðburðinum í beinni útsendingu
heima hjá sér.
Þetta mun vera í fyrsta sinn í
sögu Namibíu sem skólabörn þessa
fátæka en fallega lands taka þátt í
keppni af þessu tagi, segir í frétta-
tilkynningu
Namibía og Ís-
land í skólaskák
Eyjar Mikið teflt í Hamarsskóla.
BÆJARRÁÐ Dalvíkurbyggðar
fagnar þeim áformum Samherja hf.
að reisa á Dalvík fullkomnasta fisk-
vinnsluhús í heimi.
„Þau fela í sér trú á framtíð fisk-
vinnslu á Íslandi og eru jafnframt
gleðileg viðurkenning á getu og
þekkingu þess fólks sem starfar
fyrir Samherja. Fiskvinnsla er
burðarásinn í atvinnulífi byggð-
arlagsins. Því fagnar bæjarráð sér-
staklega þeim stórhug sem þessi
áform lýsa,“ segir í frétt frá bæj-
arráðinu.
Fagnað á Dalvík
UTANRÍKISRÁÐHERRA hefur
ákveðið að Eiður Guðnason sendi-
herra fari til starfa í Þórshöfn í
Færeyjum sem
aðalræðismaður
Íslands á nýrri
sendiræð-
isskrifstofu sem
verður opnuð
þar í byrjun
apríl. Unnið er
að frágangi
málsins. Ísland
hefur haft ræð-
ismannsskrifstofu í Færeyjum síð-
astliðin 60 ár en ávallt hefur ver-
ið um ólaunað hlutastarf
kjörræðismanns að ræða. Kjör-
ræðismenn Íslands í Færeyjum
hafa unnið mikið og fórnfúst starf
í þágu Íslands en með opnun
sendiræðisskrifstofu er áformað
að efla og treysta tengsl Íslands
og Færeyja á sviði viðskipta og
menningar.
Eiður fer
til Færeyja
Eiður Guðnason
HEILDVERSLUNIN Innnes hef-
ur lækkað um 2% verð á þeim
vörum sem hún selur og er
ástæðan styrking krónunnar.
Innnes flytur m.a. inn Filippo
Berio-olíu, Granini-safa, Hunts-
vörur, Orville-popp, Mills-kavíar,
Swiss miss, Wesson-olíu, Fresch-
etta-pítsur og sælgæti frá Mar-
abou, Toms, AB, Fisherman og
Ga-jol.
Innnes lækkar
SPILAKÖSSUM á Rauða ljóninu á Eiðistorgi á Seltjarnarnesi hefur verið
lokað. Í tilkynningu frá Seltjarnarnesbæ kemur fram að spilakassar hafi
lengi verið starfræktir á Rauða ljóninu á Eiðistorgi. Nýlega hafi þessi
starfsemi verið stöðvuð af hálfu bæjaryfirvalda „sem ekki gátu fallist á
framlengingu veitingaleyfis fyrir staðinn á grundvelli upplýsinga lögreglu
um ítrekuð brot á áfengislögum og settum skilyrðum fyrri leyfisveitingar.“
Samkvæmt heimildum bæjarins eru alls um 970 spilakassar starfræktir
um allt land. Umfjöllun um spilakassa og spilasali í íbúahverfum hefur ver-
ið áberandi undanfarið, ekki síst vegna spilasalar í Mjódd.
Engir spilakassar á Nesinu
Eftir Silju Björk Huldudóttur
silja@mbl.is
„ALLT annað líf“ er yfirskrift
fimmta landsfundar Vinstrihreyfing-
arinnar - græns framboðs sem hefst
síðdegis í dag á Grand hóteli í
Reykjavík og stendur fram á sunnu-
dag.
Á fundinum verður m.a. umræða
um kosningaáherslur flokksins í vor
og munu frambjóðendur kynna þær
á blaðamannafundi á sunnudaginn
kemur, málþing um íslenskt atvinnu-
líf undir yfirskriftinni „Ótæmandi
möguleikar: Íslenskt atvinnulíf á
tímamótum!“ fer fram á morgun,
auk þess sem stjórnmálaályktanir
verða afgreiddar. Sérlegur gestur
landsfundarins er Högni Hoydal,
formaður Þjóðveldisflokksins í Fær-
eyjum, en hann mun ávarpa fundinn
á sunnudag.
Þetta var meðal þess sem fram
kom á blaðamannafundi sem for-
ystufólk VG stóð fyrir í gær.
Að sögn Steingríms J. Sigfússon-
ar, formanns VG, er þetta fjölmenn-
asti landsfundur flokksins til þessa,
en alls eiga 600 manns rétt til setu á
þinginu. Aðspurð um yfirskrift
landsfundarins sagði Kolbrún Hall-
dórsdóttir þingkona ljóst að það
verði allt annað líf eftir kosningar.
Endurnýjun á stefnumörkun
„Við erum bjartsýn. Því er ekki að
leyna að við gerum okkur góðar von-
ir um góðan árangur. Reyndar höf-
um við verið prýðilega vel undirbúin
að fara í kosningar hvenær sem er og
hefðum gjarnan viljað fá þær fyrr,“
sagði Steingrímur og tók fram að
kærkomið væri hafa kosningaáhersl-
urnar alveg ferskar og nýyfirfarnar
fyrir vorið. Sagðist hann afar sáttur
við að VG væru með þeim fyrstu til
að halda landsfund í aðdraganda
kosninga. Minnti hann á að stundum
hefði það gerst að fundir, áherslur og
loforð annarra flokka hafi tekið mið
af því sem á undan væri komið.
„Þannig fór skattarúllettan af stað
síðast. Framsóknarmenn riðu þar á
vaðið í loforðum sínum,“ sagði Stein-
grímur og tók fram að gaman yrði að
sjá hvernig aðrir flokkar myndu
bregðast við kosningaáherslum VG.
Að sögn Steingríms verða öll
helstu málasvið þjóðfélagsins til um-
fjöllunar í ályktunum sem lagðar
verða fyrir landsfundinn. Meðal þess
sem rætt verður er ályktun um efna-
hagsmál, fjármál ríkis og sveitarfé-
laga og skattar, ályktun um sátt um
sjávarútveg, auk þess sem ný heild-
arstefnumótun um sjálfbæra þróun
sem nær til ársins 2011 verður rædd.
Fram kom í máli Kolbrúnar að hér
væri um að ræða endurnýjun á
stefnumörkun sem upphaflega var
gefin út 2001.
Klár í kosningarnar
Fimmti landsfundur Vinstri grænna hefst í dag
Morgunblaðið/Ásdís
Forystufólk Vinstri grænna á blaðamannafundi Svandís Svavarsdóttir borgarfulltrúi, Drífa Snædal fram-
kvæmdastýra, Steingrímur J. Sigfússon, formaður flokksins, og Kolbrún Halldórsdóttir þingkona.
RAUÐI kross Íslands hefur veitt
þrjár milljónir króna í framhaldi af
neyðarbeiðni Alþjóða Rauða kross-
ins vegna gífurlegra flóða í Mósam-
bík. Neyðarbeiðnin hljóðar upp á ríf-
lega 400 milljónir króna til að styðja
við starf mósambíska Rauða kross-
ins vegna hamfaranna.
Gríðarlegar rigningar und-
anfarnar vikur hafa orðið til þess að
ár hafa flætt yfir bakka sína – þar á
meðal Zambezi-fljótið. Fellibylurinn
Favio gekk á land í ferðamannahér-
aðinu Inhambane í gærmorgun, en
virðist ekki hafa valdið miklum usla
enda Rauði krossinn með mikinn
viðbúnað á þessum slóðum. Felli-
byljir hafa oft valdið gífurlegu tjóni
og mannskaða í Mósambík, og er
óttast að fleiri muni koma í kjölfar
Favio. Mikið vatnsveður fylgir felli-
byljunum og er því hætta á enn
meiri flóðum.
Að minnsta kosti 29 hafa týnt lífi í
flóðunum, um 120 þúsund manns
hafa verið fluttir frá heimilum sínum
og stjórnvöld telja að allt að 300 þús-
und manns hafi þegar orðið fyrir bú-
sifjum á einhvern hátt vegna flóð-
anna.
Þrjár milljónir í neyðarhjálp
ÞAÐ var glatt á hjalla þegar stjórnendur DV tóku á
móti blaðinu úr prentvél Árvakurs í gærmorgun. DV er
nú orðið dagblað að nýju og kemur út fimm daga vik-
unnar. Blaðið verður lausasölublað, a.m.k. fyrst um
sinn, frá mánudegi til fimmtudags, en blaðið er prentað
á morgnana og dreift í verslanir fyrir hádegi. Áfram
verður hægt að kaupa áskrift að helgarblaðinu, en
föstudagsblaðinu verður dreift til áskrifenda snemma á
föstudögum. DV hefur undanfarin ár verið prentað hjá
Ísafold, en blaðið og forveri þess, Dagblaðið, var um
áratugaskeið prentað í prentsmiðju Árvakurs, eiganda
Morgunblaðsins. Á myndinni eru Hreinn Loftsson,
stjórnarformaður útgáfufélags DV, Hjálmar Blöndal,
framkvæmdastjóri félagsins, Sverrir Arngrímsson,
stjórnarmaður í félaginu, og Guðbrandur Magnússon,
framleiðslustjóri Morgunblaðsins, að skoða blaðið.
Morgunblaðið/Ásdís
DV kemur út sem dagblað