Morgunblaðið - 23.02.2007, Síða 22

22 FÖSTUDAGUR 23. FEBRÚAR 2007 MORGUNBLAÐIÐ
MENNING
GÓÐ
HEILSA
GULLI
BETRI
Lið-a-mót
FRÁ
www.nowfoods.com
APÓTEK OG HEILSUBÚÐIR
H
á
g
æ
ð
a
fr
a
m
le
ið
sl
a
A
ll
ta
f
ó
d
ýr
ir
NNFA QUALITY
ALLTAF FÁANLEGT
ÞRJÁTÍU og fimm nafntogaðir leik-
stórar munu leikstýra stuttmyndum í
tilefni af 60 ára afmæli Cannes-
kvikmyndahátíð-
arinnar á þessu
ári. Meðal þeirra
eru Roman Pol-
anski og Alej-
andro Gonzales
Iñárritu. Hver
leikstjóri gerir
þriggja mínútna
mynd þar sem
þemað er heim-
sókn í kvikmynda-
hús. Fyrirhugað er að myndirnar
verði sýndar hver á eftir annarri á há-
tíðinni sem stendur frá 16.–17. maí.
Á fréttavef BBC er haft eftir einum
af skipuleggjendum hátíðarinnar, Gil-
les Jacob, að áhorfendur eigi von á
góðu. „Enginn leikstjóranna hefur
fengið að vita nokkuð um hinar stutt-
myndirnar, ekki einu sinni sögufléttu
þeirra,“ sagði Jacob og bætti því við
að sumar myndanna ættu vafalaust
eftir að koma á óvart.
Meðal annarra þátttakenda í verk-
efninu má nefna bræðurna Joel og
Ethan Cohen, Jane Campion, Gus
Van Sant, Nanni Moretti, David
Cronenberg, Ken Loach, Lars von
Trier og Wim Wenders.
Frægir
gera
stuttmyndir
60 ára afmæli
Cannes fagnað
Lars von Trier
SÝNINGIN Að mynda orð
verður opnuð klukkan 17 í
Hoffmannsgalleríi í dag. Sýn-
ingin samanstendur af nýjum
og eldri verkum myndlist-
armanna og ljóðskálda sem
notast bæði við texta og mynd-
ræna þætti í verkum sínum.
Sýningarstjórar eru Davíð
Stefánsson og Kristinn G.
Harðarson en alls 13 listamenn
eiga verk á sýningunni.
Hoffmannsgallerí er staðsett í húsnæði Reykja-
víkur Akademíunnar á Hringbraut 121, fjórðu
hæð, og er opið klukkan 9–17 alla virka daga. Að-
gangur er ókeypis.
Myndlist
Þrettán listamenn
í Hoffmannsgalleríi
Verk af
sýningunni.
UNDANFARIÐ hafa ýmsar
djasshljómsveitir troðið upp á
föstudags- og laugardags-
kvöldum á Café Rósenberg. Í
kvöld og annað kvöld mun
Kvartett Hauks Gröndal leika
en þá hljómsveit skipa Haukur
Gröndal á tenórsaxófón, Ás-
geir Ásgeirsson á gítar, Þor-
grímur Jónsson á kontrabassa
og Erik Qvick á trommur. Efn-
isskráin er samansett af djass-
slögurum frá 4. og 5. áratug síðustu aldar og er
því heitið að sveiflan verði í fyrirrúmi.
Blásið verður til leiks klukkan 23 og leikið fram-
eftir. Aðgangseyrir er 500 krónur.
Djass
Haukur Gröndal
á Café Rósenberg
Haukur
Gröndal
TVÆR ljósmyndasýningar
verða opnaðar í dag í Ljós-
myndasafni Reykjavíkur í
tengslum við frönsku menning-
arhátíðina Pourquoi Pas? Ann-
ars vegar er um að ræða sýn-
ingu Jos Duchene af húsum af
fjölbreyttum toga á Íslandi,
Marglitt – útlit: Made in Ice-
land, og hins vegar sýninguna
Sund & gufa þar sem getur að
líta polaroid-myndir Damiens
Peyrets af fólki í Sundlaug Kópavogs og stutt-
myndina A Taxi for Reykjavik frá árinu 2001.
Jo Duchene og Damien Peyret búa báðir og
starfa í París.
Ljósmyndir
Ísland með
frönskum augum
Damien
Peyret
Eftir Flóka Guðmundsson og
Ingveldi Geirsdóttur
TÖKULIÐ á vegum breska fram-
leiðslufyrirtækisins ITN Factual er
nú statt á Íslandi og vinnur að inn-
slagi um Magnús Scheving fyrir þátt
á vegum Discovery-sjónvarpsstöðv-
arinnar. Þátturinn er hluti af þátta-
röð með yfirskriftina „Farsælasta
fólk heims“ („World’s Most Success-
ful People“) og samanstendur af tíu
klukkustundarlöngum þáttum. Í
hverjum þætti er fjallað um fjóra
einstaklinga sem hafa átt velgengni
að fagna á ólíkum sviðum.
Áhugi ITN Factual á Magnúsi er
að sjálfsögðu til kominn vegna vel-
gengni hans með Latabæ, en þætt-
irnir eiga töluverðum vinsældum að
fagna í Bretlandi. Sögu Latabæjar-
ævintýrisins verða gerð skil en einn-
ig verður fylgst með Magnúsi í leik
og starfi. Þannig verður farið með
Magnús á heimaslóðir hans í Borg-
arnesi og á Bifröst þar sem hann
heldur í dag erindi um Latabæ. Þá
verður Latabæjarmyndverið heim-
sótt og Magnús sýndur í daglegum
samskiptum við samstarfsfólk sitt
og ekki síst þegar hann umbreytist í
Íþróttaálfinn. Einnig verða tekin
upp myndskeið af honum með fjöl-
skyldu sinni.
„Þeim fannst ég eiga heima í
þessum þætti enda bæði Latibær og
Íþróttaálfurinn vel þekkt um allan
heim. Það hjálpar líka til að við
stöndum fyrir gott málefni og fólk
tekur eftir því,“ segir Magnús
spurður um tilkomu sína í þætt-
inum.
„Tökuliðið kom hingað í gær og
fylgir mér eftir hvert skref fram á
sunnudag. Þeir fylgdust líka með
mér í Bretlandi á þriðjudaginn þar
sem ég fór á fund Caroline Flint
heilbrigðisráðherra og svo ætla þeir
jafnvel að ferðast með mér aðeins
um heiminn næstu mánuði.“
Í samstarfi við ríkið
Magnús vinnur nú að því ásamt
heilbrigðisráðuneyti Bretlands að
koma af stað heilsuátaki meðal
breskra barna. „Það er gríðarleg
vakning í Bretlandi um heilsu barna
enda þörf á. Ráðuneytið hafði sam-
band við mig eftir að hafa gert könn-
un í skólum um hvað höfðaði til
barna. En það var gert að skyldu í
grunnskólum að skálar fullar af
grænmeti væru í hverri skólastofu
fyrir börnin að grípa í. Krakkarnir
sóttu lítið í grænmetið og þá var
gripið til þess ráðs að setja mynd af
Íþróttaálfinum fyrir ofan hverja
skál og þá tæmdust þær á hverjum
degi.
Upp frá því höfðu yfirvöld sam-
band við okkur og sögðu að Latibær
virkaði augljóslega og vildu fá okkur
í samstarf. Markmiðið er að Latibær
verði einhvers konar merki heilsu-
átaksins.
Heilbrigðisráðherrann hefur sett
á laggirnar nefnd, sem ég á sæti í, til
að koma þessu af stað og verð ég
næstu sex vikurnar að vinna gögn
fyrir hana. 170 samtök standa að
þessu átaki en við vitum ekki enn
hvað gerist því við eigum eftir að fá
fleiri í samstarf með okkur. Svo er
líka spurning hvort við náum saman
því ríkið stendur að þessu og því
þarf að fá samþykki margra.“
Meðal þeirra sem fylgdist með
fundi Magnúsar og heilbrigð-
isráðherrans var breska sjónvarps-
stöðin BBC. „Fjölmiðlar hafa sýnt
því mikinn áhuga að vera með í
þessu heilsuátaki. M.a. erum við í
Latabæ að hjálpa BBC að setja af
stað útvarpsstöð fyrir börn svo það
er ýmislegt í gangi,“ segir Magnús
sem er augljóslega vel að því kom-
inn að vera titlaður einn af farsæl-
ustu mönnum Evrópu.
„Latibær virkar“
Magnús Scheving vinnur með heilbrigðisráðherra Bretlands auk þess sem hann
verður í þættinum „Farsælasta fólk Evrópu“ á Discovery-sjónvarpsstöðinni
Morgunblaðið/Ásdís
Farsæll Það eru margir sem hrífast af Latabæjar-ævintýri Magnúsar
Scheving. Í dag og um helgina fylgir kvikmyndatökulið Magnúsi eftir.
HLJÓMSVEITIN Ham hefur
boðað komu sína á tónlistarhátíð-
ina Aldrei fór ég suður – Rokkhá-
tíð alþýðunnar sem haldin verður
á Ísafirði um páskana. Þar með
hafa sex flytjendur staðfest komu
sína, en auk Ham munu Benny
Crespo’s Gang, Blonde Redhead,
Jan Mayen, Lay Low og Æla spila
á hátíðinni.
Þá hefur náðst samkomulag
milli aðstandenda hátíðarinnar og
athafnamannsins Aðalsteins Óm-
ars Ásgeirssonar um að halda há-
tíðina í gömlu Eimskipa- og Rík-
isskipaskemmunni við
Ásgeirsbakka við Ísafjarðarhöfn.
Undanfarin tvö ár hefur hátíðin
notið góðvildar húsráðenda í Ed-
inborgarhúsinu, en þar standa nú
yfir miklar framkvæmdir sem
gera erfitt eða ómögulegt að halda
hátíðina í húsinu þetta árið.
Fyrir skömmu var svo ný
heimasíða hátíðarinnar opnuð á
slóðinni aldrei.is. Á síðunni má
nálgast allar upplýsingar um há-
tíðina og viðburði henni tengda,
en þar segir að fréttaflutningur
verði stopull framan af, en þegar
nær dregur hátíð megi búast við
síauknu fréttaflóði. Þá geta þeir
sem hafa áhuga á að spila á hátíð-
inni nálgast þar til gert umsókn-
areyðublað á síðunni.
Þetta er í fjórða skiptið sem
rokkhátíð alþýðunnar fer fram, en
hún er runnin undan rifjum þeirra
feðga Guðmundar Kristjánssonar,
eða Mugga hafnarstjóra, og Arnar
Elíasar Guðmundssonar sem betur
er þekktur sem Mugison.
Ham spilar á Aldrei fór ég suður
Morgunblaðið/Eggert
Ham Það er jafnan mikið fjör á tónleikum hljómsveitarinnar Ham, líkt og
þessi mynd frá fimmtugsafmæli Árna Matthíassonar ber með sér.
www.aldrei.is
SÖNGVARINN og lagahöfundurinn
Van Morrison tók í gær á móti verð-
launum sem kennd eru við írska
skáldið Oscar Wilde í Wiltshire
Ebell-leikhúsinu í Los Angeles.
Verðlaunin hlýtur hann fyrir fram-
lag sitt til kvikmynda en lög eftir
hann hafa hljómað í tæplega 50 kvik-
myndum, m.a. Hinum fráföllnu (The
Departed) eftir Martin Scorsese og
Thelmu og Lousie. Meðal frægra
laga má nefna „Brown Eyed Girl“,
„Gloria“ og „Wild Night“.
Það var Al Pacino sem afhenti Van
Morrison verðlaunin. Hinn umdeildi
kvikmyndagerðarmaður Michael
Moore hélt hins vegar ræðu.
Oskar Wilde-verðlaunin eru á veg-
um samtaka sem hafa það að mark-
miði að hlúa að tengslum bandarísks
og írsks kvikmyndaiðnaðar. Þetta er
í annað sinn sem þau eru veitt.
Van Morrison
heiðraður
♦♦♦
WORLD’S Most Successful
People tengist annarri röð þátta,
„Ríkasta fólk Evrópu“ („Eur-
ope’s Richest“), sem var sjón-
varpað víðsvegar um heiminn á
síðasta ári. Er áætlað að u.þ.b. 50
milljónir manna hafi séð þá
þætti, að sögn aðstandenda ITN
Factual. Eins og með fyrri þátta-
röðina mun Discovery-sjónvarps-
stöðin hafa fyrirætlanir um að
sýna „Farsælasta fólk heims“ á
besta útsendingartíma í Evrópu,
Mið-Austurlöndum, Asíu og
Bandaríkjunum, frá og með
hausti komanda.
Mikið áhorf