Morgunblaðið - 25.02.2007, Blaðsíða 4

4 SUNNUDAGUR 25. FEBRÚAR 2007 MORGUNBLAÐIÐ
FRÉTTIR
STOFNSETT hefur verið endurhæfingarmiðstöð
að Kleppi sem nær yfir þá starfsemi sem áður féll
undir dagdeild, göngudeild, iðjuþjálfun og Berg-
iðju. Lögð er áhersla á samvinnu fagaðila í þágu
sjúklinga sem áður sóttu dagþjónustu á Kleppi og
er tilgangur breytinganna að bæta dag- og göngu-
deildarþjónustu, veita einstaklingsmiðaða og
markvissa þjónustu og auka sveigjanleika og sam-
fellu í meðferð. Jafnframt er leitast við að efla
samstarf við fyrirtæki, stofnanir og hagsmuna-
hópa í samfélaginu. Kristófer Þorleifsson, sér-
fræðingur endurhæfingarmiðstöðvarinnar, segir
breytinguna fyrst og fremst felast í því að nýta
betur þá þekkingu sem þegar er til staðar.
„Það er verið að gera þetta að víðtækari starf-
semi, bæta inn atriðum sem ekki voru fyrir og efla
starfsemina. Þannig koma nú inn hópar með
fræðslu sem ekki var fyrir hendi,“ segir Kristófer
og nefnir sem dæmi úr starfseminni námskeið fyr-
ir aðstandendur geðklofasjúklinga, þjálfunarhóp
fyrir sjúklinga og nýliðahóp þar sem einstaklingar
sem eru nýgreindir með alvarlega geðsjúkdóma fá
mikla fræðslu um sinn sjúkdóm.
Að sögn Kristófers er lögð mikil áhersla á að
auka alla fræðslu, bæði til aðstandenda og þeirra
sem eiga við geðsjúkdóma að stríða.
„Þar hefur verulega skort á en við leggjum
áherslu á að ná sem best út í samfélagið. Við erum
mjög langt á eftir hvað varðar uppbyggingu úti í
samfélaginu. Það hafa kannski ekki verið sjúkra-
húsin sem gera það en við erum að reyna að veita
einhverja forystu því að okkur finnst stjórnvöld
ekki hafa staðið nógu vel að því. Ef til vill vantar
ákveðna samvinnu milli heilbrigðis- og félags-
málaráðuneytisins og sveitarfélaganna í þeim efn-
um. […] Þetta er skref í þá átt að samhæfa hjá
okkur og við vonum að þeir sem eru utan stofnana,
eins og félagsþjónustan og heilsugæslan, fari að
vinna saman en þá getum við náð betri árangri.“
Endurhæfingarmiðstöð
stofnsett að Kleppi
Morgunblaðið/ÞÖK
Mikil áhersla á aukna fræðslu til aðstandenda og þeirra sem stríða við geðsjúkdóma
TÍKIN Kleópatra, af Pekingese-kyni, spókaði sig á teg-
undakynningu Dýraríkisins í gær ásamt hundum af öll-
um stærðum og gerðum. Kleópatra, sem er ekki nema
ársgömul, var ekki feimin við ljósmyndara Morgunblaðs-
ins og virtist brosa sínu breiðasta. Kynningin stendur yf-
ir frá kl. 12 til 18 í Blómavali, Skútuvogi, í dag.
Morgunblaðið/Ómar
Ófeimin Kleópatra
Á FUNDUM Valgerðar
Sverrisdóttur utanrík-
isráðherra með ráðamönnum
Úganda kom fram að þeir
meta mjög samstarf þjóðanna.
Utanríkisráðherra sagði að
þeir hefðu þakkað Íslend-
ingum fyrir margvíslega að-
stoð og óskað eftir frekari
samvinnu á ýmsum sviðum.
Að sögn Valgerðar Sverr-
isdóttur þakkaði Yoweri Ka-
guta Museveni, forseti Úg-
anda, sérstaklega fyrir aðstoð
íslenskra stjórnvalda við íbúa
Kalangala-eyja. Sam Kah-
amba Kutesa utanrík-
isráðherra lýsti yfir ánægju
með þróunarsamvinnu land-
anna og þakkaði meðal annars
fyrir matargjafir Íslendinga
til skólabarna og verkefni í
fullorðinsfræðslu sem Íslend-
ingar styðja.
Átak í frumkvöðlafræðslu,
þriggja ára samstarfsverkefni
Þróunarsamvinnustofnunar
og Fjárfestingastofa Úganda,
er nýhafið og hitti Valgerður
fjölda kvenna sem eru í Sam-
tökum frumkvöðlakvenna í
Úganda og taka þátt í verk-
efninu. Fram kom að kon-
urnar ættu í erfiðleikum með
að fá lánsfé og lagði Syda
Bbumba félagsmálaráðherra
til að í samvinnu við Íslend-
inga yrði sett á fót verkefni
sem styrkti konur til að stofna
fyrirtæki.
Valgerður sagði að for-
vinnan hefði verið unnin.
Sumar konur í hópnum hefðu
fengið þjálfun í frum-
kvöðlafræðum við Háskólann í
Reykjavík í fyrra og væru
teknar að útbreiða boðskap-
inn í Úganda. Mikill kraftur
væri í þeim og ljóst að mikil
tækifæri væru fyrir þær í Úg-
anda, en þær mættu hindr-
unum eins og til dæmis að-
gangi að lánsfé. „Það er mjög
margt sem við erum að velta
fyrir okkur um frekara sam-
starf á milli þessara þjóða,“
sagði Valgerður spurð hvort
ný samstarfsverkefni væru á
döfinni í Úganda.
Ferðinni til Úganda lauk í
gær og verður íslenska sendi-
nefndin í Suður-Afríku næstu
daga. Utanríkisráðherra sagði
að ferðin til Úganda hefði ver-
ið mjög lærdómsrík. Það hefði
verið mjög sláandi að finna
hve fólk þar mæti aðstoð Ís-
lendinga og hvað starf Íslands
í Úganda væri þekkt í stjórn-
sýslunni jafnt sem í grasrót-
inni. Valgerður sagðist hafa
lagt áherslu á að framlag Ís-
lands væri ekki mikið í sam-
anburði við framlag annarra
þjóða en það væri mikið miðað
við fólksfjölda og það ætti að
þróa frekar, ekki síst samstarf
sem snúi að því að efla konur í
sambandi við atvinnurekstur
og menntun. „Það er lykillinn
að því að þróa þetta sam-
félag,“ sagði hún. Í þessu sam-
bandi benti Valgerður á að í
sambandi við skólamáltíðirnar
hefði Ísland sérstaklega lagt
áherslu á að stúlkur stunduðu
nám. Yfirvöld í Úganda væru
sammála enda væri algengt að
stúlkur færu ekki í skóla held-
ur væru heima við vinnu en
meiri líkur væru á því að þær
færu í skólann ef boðið væri
upp á ókeypis mat.
Valgerður Sverrisdóttir utanríkisráðherra fékk góðar móttökur í Úganda
Ráðamenn þökkuðu aðstoðina
Ráðamenn Valgerður Sverrisdóttir utanríkisráðherra og
Yoweri Kaguta Museveni, forseti Úganda. Konur Íslenska sendinefndin í Úganda frá vinstri: Aðalheiður Sigursveinsdóttir, aðstoð-
armaður utanríkisráðherra, Sigríður Dúna Kristmundsdóttir sendiherra, Valgerður Sverr-
isdóttir utanríkisráðherra, Ágústa Gísladóttir, umdæmisstjóri ÞSSÍ í Úganda, og Bergdís Ell-
ertsdóttir, sviðsstjóri í utanríkisráðuneytinu.
BANDARÍSKI leikfangarisinn
Toys "R" Us mun opna nýja stór-
verslun á höfuðborgarsvæðinu í
haust. Þetta kemur fram í atvinnu-
auglýsingu sem birtist í Atvinnu-
blaði Morgunblaðsins í dag, þar
sem fyrirtækið leitar að einstaklingi
í starf rekstrarstjóra sem mun leiða
uppbyggingu og stjórnun verslun-
arinnar.
Þúsund fermetra verslun
Danska leikfangafyrirtækið Fæt-
ter BR stendur að opnun verslunar-
innar undir nafni Toys "R" Us en
samkvæmt heimildum Morgun-
blaðsins verður verslunin um þús-
und fermetrar að stærð, staðsett í
nýju húsnæði Rúmfatalagersins við
Smáratorg.
Toys "R" Us rekur 587 leikfanga-
verslanir í Bandaríkjunum og tæp-
lega 650 leikfangaverslanir í öðrum
löndum, þ.m.t. verslanir sem reknar
eru af sér- og svæðisleyfishöfum.
Toys "R" Us
opnar versl-
un í haust
ERINDI tals-
manns neytenda
vegna útskriftar-
gjalds símreikn-
inga barst Síman-
um á föstudaginn
var og er eftir að
taka afstöðu til
þess, að sögn
Lindu Bjarkar
Waage, upplýs-
ingafulltrúa Símans.
Linda sagði að þetta mál hefði áð-
ur verið skoðað af Póst- og fjar-
skiptastofnun og úrskurðarnefnd
fjarskipta og póstmála sem hefði úr-
skurðað að gjaldtaka Símans væri í
takt við gildandi reglugerðir. Nýjasti
úrskurðurinn hefði verið kveðinn
upp 3. mars 2006. Linda sagði að
Síminn hefði þá lagt fram útreikn-
inga sem sýndu kostnað við útprent-
anirnar.
Linda sagði að nú þyrfti að skoða
hvort lög og reglur um þessi efni
hefðu eitthvað breyst frá því síðasti
úrskurður féll. Það verður gert eftir
helgi.
Ekki náðist í upplýsingafulltrúa
Vodafone vegna þessa máls.
Gjaldtaka
samkvæmt
reglum
Linda Björk Waage
LÖGREGLAN hefur til rannsóknar
málverkaþjófnað sem átti sér stað
um síðustu helgi, að því er talið er, á
endurhæfingarmiðstöð SÍBS á
Reykjalundi í Mosfellsbæ.
Málverkið er eftir myndlistar-
manninn Tolla og er stærð verksins
um 140 x 120 sentímetrar.
Lögreglan biður þá sem geta veitt
upplýsingar um málið að hafa sam-
band í síma 444-1000.
Málverki eft-
ir Tolla stolið
♦♦♦