Morgunblaðið - 22.04.2007, Side 29

stundum verður að velja og hafna,
ákveða hvað við viljum vera. Þetta
er oft erfitt val en ef við viljum njóta
lífsins verðum við að sætta okkur við
að það sé erfitt og flókið.
Kristnir menn eru minni-
hlutahópur í Miðausturlöndum en
eiga sér þó 2000 ára sögu þar. Saga
múslíma á Balkanskaga er að vísu
varla meira en 1000 ára en sjálfsvit-
und beggja hópanna er um sumt
svipuð. Þess vegna vildi ég gera eina
mynd um þá báða til að minna á að
báðir eiga við sama vandann að
stríða í samskiptum við aðra á svæð-
inu en eiga líka í innri baráttu.“
– Hefurðu fengið að sýna myndina í
þessum löndum, á Balkanskaga, í
Tyrklandi, Sýrlandi?
„Það er alls ekki hægt í Tyrklandi,
útilokað, erfitt í Líbanon, kannski
hægt í Ísrael. Það er ekki auðvelt á
Balkanskaga, enn er mikil spenna í
Kosovo og Bosníu milli þjóðarbrota og
trúflokka. Ég leyfi margs konar sjón-
armiðum að birtast og ef þú tekur
ekki einstrengingslega afstöðu með
einum aðilanum í þessum löndum ertu
talinn svikari. Og ég vil ekki skipa
mér í flokk, ekki einu sinni í Líbanon,
þó að ég leyni því alls ekki að ég sé
kristinn.“
– Líbanon hefur síðustu áratugina
verið nær stöðugt í heimsfréttum
vegna átakanna þar. Hvað veldur
þessum átökum?
„Það er rétt, Líbanon hefur verið
allt of mikið í fréttum! Fyrir rúmlega
hálfri öld var barist í Evrópu en nú
eru átökin í okkar heimshluta, ég
held að þessi árátta búi í okkur og
brjótist öðru hverju út víðsvegar um
heiminn. Kannski það sé núna komið
að okkur að haga okkur heimskulega
og eins og við séum andsetin, rétt
eins og Evrópumenn bæði á 19. og
20. öld.
Þetta er skelfilegt. Stríð er alltaf
versta lausnin, hvar sem er í heim-
inum. Ég þekki þetta af eigin
reynslu. Líbanon er mjög sérstakt
land, það er einstakt. Þetta er eina
ríkið í heimi íslams þar sem kristnir
voru til skamms tíma meirihluti íbú-
anna, þeir eru það ekki lengur, margt
kristið fólk hefur flúið land vegna
átakanna síðustu áratugi. Ástæðan
fyrir því að Líbanon var stofnað var
þetta stóra þjóðarbrot kristinna á
svæðinu, annars hefði það á sínum
tíma verið gert að hluta Sýrlands eða
einhvers annars stærra grannríkis.
En þarna voru kristnir, múslímar og
Drúsar á litlu svæði. Líbanon naut
alltaf mikillar sjálfstjórnar í gegnum
aldirnar, hvort sem ríkjandi heims-
veldi á svæðinu var veldi araba eða
ottómanna [Tyrkja].
Sýrlendingar eru farnir með herlið
sitt og Ísraelar hafa líka hörfað en
það er ljóst að við þurfum eftir sem
áður að finna lausn á okkar eigin
deilum,“ segir Jacques Debs.
í myndum mínum“
kjon@mbl.is
Í minnihluta Mikssyyé segist vera hundrað ára gömul, hún tilheyrir forn-
um söfnuði kristinna úr þjóðarbroti er talar arameísku/sýrlensku og býr í
bænum Midyat Sout í austanverðu Tyrklandi. Hún rifjar í mynd Debs upp
blóðugar ofsóknir gegn trúflokki sínum árið 1915.
MORGUNBLAÐIÐ SUNNUDAGUR 22. APRÍL 2007 29
Síðumúla 3, sími 553 7355
Full búð af nýjum vörum
Opið virka daga frá kl. 11-18, laugardaga frá kl. 11-15.
Náttföt Undirföt Sundföt
23.-28. apríl
30-40% afsláttur
af völdum Lejaby-vörum
-dagar
IÐNAÐAR- OG VIÐSKIPTARÁÐUNEYTI
OLÍULEIT VIÐ ÍSLAND
Kynning á áætlun og umhverfismati vegna hugsanlegrar
olíuleitar á Drekasvæði við Jan Mayen hrygginn
Í fundarsal Orkustofnunar, Grensásvegi 9
mánudaginn 23. apríl, kl. 13.00-16.00
13.00-13.10 Aðdragandi og undirbúningur
Hreinn Hrafnkelsson, iðnaðarráðuneyti
13.10-13.25 Olíuleit á Drekasvæði
Kristinn Einarsson, Orkustofnun
13.25-13.35 Lagarammi og stjórnsýsla
Kristín Linda Árnadóttir, umhverfisráðuneyti
13.35-13.50 Hugsanleg efnahagsleg áhrif olíuleitar á Drekasvæði
Benedikt Valsson, fjármálaráðuneyti
13.50-14.05 Jarðfræði og mögulegar olíulindir á Drekasvæði
Bjarni Richter, Íslenskum orkurannsóknum (ÍSOR)
14.05-14.20 Veðurfar og ástand sjávar á Drekasvæði
Ásdís Auðunsdóttir, Veðurstofu Íslands
14.20-14.35 Kaffi
14.35-15.00 Lífríki sjávar, veiðistofnar og fuglalíf á Drekasvæði
Karl Gunnarsson, Hafrannsóknastofnun
15.00-15.30 Hugsanleg áhrif olíuleitar á umhverfið á Drekasvæði
Kristján Geirsson, Umhverfisstofnun
15.30-15.50 Umræður
15.50-16.00 Samantekt og næstu skref
Hreinn Hrafnkelsson, iðnaðarráðuneyti
Fundarstjóri: Kristján Skarphéðinsson, ráðuneytisstjóri í iðnaðarráðuneyti
Fundurinn er öllum opinn og aðgangur er ókeypis.
Fáðu fréttirnar
sendar í símann þinn