Morgunblaðið - 03.06.2007, Blaðsíða 2

2 SUNNUDAGUR 3. JÚNÍ 2007 MORGUNBLAÐIÐ
FRÉTTIR
www.uu.is
ÚRVAL ÚTSÝN ~ LÁGMÚLA 4
108 REYKJAVÍK ~ SÍMI 585 4000
FAX 585 4065 ~ INFO@UU.IS
á mann m.v. tvo í studio á Helios 18. ágúst
Innifalið: Flug, flugvallaskattar, gisting í sjö nætur
og íslensk fararstjórn.
Á Krít skín sólin flesta daga ársins og hægur andvari frá hafi gerir loftslagið
eitt hið besta í Evrópu. Stórbrotin náttúrufegurð og einstök menningarsaga
eyjunnar blasir við hvarvetna. Gist er á úrvals hótelum í bæjunum Chania
og Rethymnon og boðið er upp á fjölbreyttar skoðunarferðir. Komdu til
Krítar og drekktu í þig menninguna.
55.039 kr.
Ferðaskrifstofa
Leyfishafi
Ferðamálastofu
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir,
dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Gunnar Pál Baldvinsson
gunnarpall@mbl.is
LÆKNARÁÐ ályktaði nýverið að
framkvæmdastjórn Landspítala –
háskólasjúkrahúss (LSH) þyrfti að
sjá til þess að gangainnlagnir kæmu
framvegis ekki til álita í starfsemi
spítalans. Formaður læknaráðs seg-
ir málið snúast um einkalíf sjúklinga
og öryggismál spítalans sjálfs.
„Leguplássum á spítalanum hefur
fækkað umtalsvert á síðustu árum
og vegna plássleysisins eru sjúkling-
ar lagðir inn á gangana,“ segir Þor-
björn Jónsson, formaður læknaráðs.
Hann segir slæmt að sjúklingar, oft
alvarlega veikir, þurfi að liggja á
göngum þar sem friðhelgi einkalífs
þeirra sé afar takmörkuð og gestir
og gangandi eigi leið hjá. „Þetta get-
ur líka verið mjög bagalegt ef hættu-
ástand skapast á viðkomandi deild.
Ef t.d. þarf að rýma húsnæðið vegna
bruna eða þá að koma þarf tækjum
inn á stofur vegna bráðatilfella getur
þetta tafið verulega fyrir,“ segir Þor-
björn.
Í ályktun læknaráðs segir að
nauðsynlegt sé að yfirvöld fjármála
og heilbrigðismála bregðist við með
afgerandi hætti og heimili úrlausnir
til bráðabirgða með annaðhvort ný-
byggingum eða útvegun húsnæðis í
námunda við sjúkrahúsið. Alvarleg-
ur húsnæðisvandi sjúkrahússins geti
ekki beðið óleystur þar til nýtt
sjúkrahús hafi verið reist. Þorbjörn
segir að sjúklingar safnist á bráða-
móttökur spítalans þar sem ekki sé
pláss á deildum. Mögulegar lausnir á
vandamálinu séu að stækka rými
spítalans eða að fjölga hjúkrunar-
rýmum þannig að útskrifa megi
sjúklinga fyrr af deildum spítalans.
„Sjúklingar á bráðamóttöku komast
ekki inn á deildirnar og er þá ann-
aðhvort komið fyrir á göngum bráða-
móttöku eða á göngum yfirfullra
deilda,“ segir Þorbjörn.
„Það hefur þekkst lengi hér á
landi að leggja sjúklinga inn á gang-
ana. Þetta hefur hins vegar ágerst
síðustu ár og er ekki samboðið sjúk-
lingum á Íslandi árið 2007.“ Árið
1999 voru legupláss á spítalanum
1259 en í fyrra voru þau orðin 860.
Þorbjörn segir að vissulega hafi
læknavísindunum farið fram og þar
með ætti þörfin að vera minni en
þessi fækkun endurspegli ekki þær
framfarir.
„Ekki samboðið sjúkling-
um á Íslandi árið 2007“
Læknaráð LSH
vill leggja af
gangainnlagnir
Morgunblaðið/Ásdís
Redding Starfsfólk LSH reynir að vinna úr erfiðum aðstæðum með því að
skapa sjúklingum næði með skilrúmum eins og hér sést.
ÞAÐ verður nóg að gera í skóla-
görðunum næstu daga. Börn og
unglingar vinna þá af kappi að því
að setja niður kartöflur og fræ
fyrir rófur, kál, salat og fleiri mat-
jurtir. Innritun í Skólagarða
Reykjavíkur stendur enn yfir.
Gróðursetning fer fram frá 7.-15.
júní og mæta börnin alla fyrstu
dagana og fá aðstoð við að gróð-
ursetja grænmetið.
Skólagarðarnir hafa að mark-
miði að kenna börnum umgengni
við gróður og ræktun. Hverjum
einstaklingi er úthlutað garði og
fræi, útsæði og grænmetisplöntum
til ræktunar.
Myndin er tekin af skólagörðum
við Ægisíðuna í Reykjavík en þeir
eru að verða klárir til gróðursetn-
ingar.
Kál, rófur
og kartöflur
Morgunblaðið/Golli
Skólagarðar við Ægisíðu
SKOTFÉLAGI Reykjavíkur var ekki veitt bráðabirgða-
leyfi til að halda landsmót nú um helgina en yfirstjórn um-
hverfissviðs Reykjavíkurborgar telur jarðveg nýs svæðis
félagsins í Álfsnesi ekki í lagi fyrir skotæfingar. Formaður
skotfélagsins segir hægt að leysa málið en félagsmenn séu
orðnir langeygir eftir að fá að nota aðstöðuna.
„Ég sé tvo möguleika í stöðunni. Annars vegar er hægt
að flytja á svæðið 150 þúsund rúmmetra af jarðvegi sem
síðan væri hægt að skipta um. Hins vegar getum við skipt
yfir í stálhögl,“ segir Hilmar Á. Ragnarsson, formaður
Skotfélags Reykjavíkur. Skv. reglugerð þarf að vera
tryggt að blýhögl berist ekki í jarðveg sem ekki er hægt að
hreinsa. Að mati umhverfissviðs Reykjavíkurborgar er nú
ekki tryggt að blýhögl berist ekki í jarðveg neðan við skot-
æfingasvæðið.
Lausnir vel framkvæmanlegar
Hilmar segir að ákvörðunin hafi að sumu leyti komið fé-
laginu á óvart en annað félag sé í nágrenni við aðstöðu
Skotfélags Reykjavíkur og sér sýnist ekki vera gerðar
sömu kröfur til þess. „Við munum bara funda núna eftir
helgi og fara yfir stöðuna. Við þurfum að finna lausn á
þessu sem allir geta verið sáttir við.“ Hann segir vel fram-
kvæmanlegt að bæta við jarðvegi sem unnt er að skipta um
en þá verði Reykjavíkurborg líka að veita heimild til að fé-
lagið komi slíkum jarðvegi fyrir á svæðinu. Nokkurn tíma
geti tekið fyrir skotveiðimenn að skipta yfir í stálhögl en
engar reglur banni að þau liggi á víðavangi, öfugt við blý-
höglin sem almennt eru notuð.
13 manns höfðu skráð sig á mótið sem fram átti að fara
nú um helgina en blása þurfti það af í fyrradag. Um sjö ár
eru síðan hafið var að gera svæðið að framtíðaræfingar-
svæði fyrir félagið og segir Hilmar að félagsmenn hafi ver-
ið farnir að hlakka til að nota skotvellina.
Landsmót Skotfélags
Reykjavíkur blásið af
Morgunblaðið/Jim Smart
Bang! Mögulegt þarf að vera að skipta um allan jarð-
veg við æfingasvæði félagsins í Álfsnesi.
HÓTEL Saga hefur ákveðið að
semja við gesti og skipuleggjendur
klámkaupstefnu sem til stóð að
halda hér á landi í mars með því að
greiða þeim tapaðan kostnað við
ferðir, gistingu og fleira sem féll til
þegar hótelið ákvað með stuttum
fyrirvara að úthýsa gestum kaup-
stefnunnar sem höfðu bókað þar
gistingu.
Í þessu felst ekki viðurkenning á
bótaskyldu, að sögn Árna Vil-
hjálmssonar hæstaréttarlögmanns,
lögmanns hótelsins, heldur hafi ver-
ið ákveðið að semja til að hægt væri
að ljúka málinu.
Fréttir bárust fyrst af því að til
stæði að halda klámkaupstefnu hér
á landi um miðjan febrúar og er
óhætt að segja að viðbrögðin hafi
verið gríðarhörð, m.a. samþykkti
borgarstjórn einróma að gestirnir
væru óvelkomnir í borginni og allir
þingflokkar á Alþingi hörmuðu að
slíkt myndi fara hér fram.
Bændasamtökin brugðust við
með því að synja fólkinu um gist-
ingu um tveimur vikum áður en
kaupstefnan átti að hefjast.
Hótelið
greiðir
kostnað
Kom í veg fyrir
klámkaupstefnu
LANDHELGISGÆSLAN fékk
nýja björgunarþyrlu í hendur um há-
degisbilið í gær. Þyrlan er af gerð-
inni Super Puma og kemur í stað
þyrlunnar LN-OBX sem Gæslan
hefur haft á leigu. Nýja þyrlan ber
kallmerkið TF-GNÁ og er einnig
leiguvél.
Landhelgisgæslan hefur því nú
um stundir fjórar björgunarþyrlur í
flugflota sínum. Fyrir eru TF-LÍF
sem er sambærileg þyrlunni sem
Gæslan tekur nú í gagnið. Jafnframt
á gæslan enn TF-SÍF sem er af
Dauphin-gerð og hefur verið í þjón-
ustu Landhelgisgæslunnar síðan
1985. Jafnframt hefur Gæslan þyrlu
af sömu gerð á leigu sem ber kall-
merkið TF-EIR. Landhelgisgæslan
mun brúa bilið, þar til nýjar þyrlur
verða keyptar, með leiguþyrlum.
Ný björg-
unarþyrla
♦♦♦