Morgunblaðið - 03.06.2007, Blaðsíða 35

– Ég sé að þú ert oft þrjá, fjóra
daga í einu hér.
„Já. Sjáðu, hér hef ég náð 17
frekar smáum á Jónsmessunni, þar
af þrjár sílableikjur,“ segir hann og
bendir á eina færsluna. „Hérna eru
átta bleikjur 19. júlí, þá voru þær
samtals 263, og bíddu við, hvað er
hér? Algjört aflaleysi var / hjá okk-
ur þessa viku, / nú eru líka negl-
urnar / nagaðar upp í kviku.“ Hann
hlær að minningunni. „Þetta er svo
í ágústbyrjun og þá bóka ég að
bleikjurnar hafi orðið 347 samtals.
Og hérna, 2004-bókin: 6. ágúst.
Game Over! 328 stykki. Þetta er
grimmt stundað! Ég er hér oft,
mjög oft.“ Og hann stingur minn-
isbókunum inn í skáp.
Hugsaði bara um fisk
Sigurður fékk ungur veiðidellu.
„Ég hef haft þessa dellu síðan ég
man eftir mér. Og hef hana enn!“
segir hann ákveðinn. „Á togurunum
mátti maður bara aldrei vera að því
að fara í stangveiði. Ég reyndi
samt að stunda þetta eins og ég
gat. En það þýddi aldrei að panta
neina veiðidaga, maður vissi aldrei
hvort maður yrði í landi eða á sjó.
En það var sama veiðidellan að
verki þegar maður vildi veiða sem
mest á togaranum. Ég hugsaði
aldrei um peninga, ég hugsaði bara
um fisk. Að vera nógu snjall að
koma þarna megin að, eða hinum
megin að, að vera nógu klókur.
Þetta er sama veiðidellan.
Ég þekki menn sem eru miklir
aflamenn á skipum en fyrirlíta
stöng,“ segir hann og hlær. „Finnst
þetta vera helvítis vitleysa.“ Sig-
urður opnar nestisbauk, tekur upp
hangiketsbita og sker sér væna
sneið. „Því lengur sem maður er
við þetta, því sárar finnur maður
fyrir því hvað maður veit lítið. Það
er mín reynsla,“ bætir hann við.
Sigurður hnýtir allar sínar flugur
sjálfur og er með mikinn lager.
Segir ekki veita af. Verst finnst
honum þegar tiltekin fluga virkar
vel eitt sumarið, hann hnýtir marga
tugi af henni um veturinn og síðan
vill enginn fiskur sjá hana sumarið
eftir. Hann hefur lent í því.
„Síðasta sumar fékk ég 80 -90
prósent á sömu tegund; það kæmi
mér ekki á óvart að hún fúlsaði við
henni núna. Ég hnýtti einar 200
flugur í vetur. Ég geri svipað og
margir aðrir ellismellir, staulast
ásamt konunni til Kanaríeyja á vet-
urna og þar erum við í átta vikur.
Það er lúxus að geta gripið í að
hnýta flugur þar.“ Hann tekur
fram flugubox og lyftir upp afbrigði
af Watson’s Fancy. „Það var þetta
skrímsli sem ég fékk bróðurpartinn
á í fyrra. Ég nota í þetta svartar
glerperlur sem ég fæ úr hálsfestum
sem seldar eru krökkum niðri á
Kanarí á eina evru stykkið.“
Nú kemur ungur veiðimaður
gangandi frá vatninu og gerir sér
ferð til Sigurðar að gefa skýrslu.
„Mokveiði?“ spyr Sigurður.
„Ég varð ekki var. Labbaði alla
leið út á Nautatanga. En þú?“
„Ég varð ekki var heldur. Ég er
búinn að berja hérna við Snáðann
meira og minna síðan um hádegi –
hlustaði bara á fréttirnar. Það fékk
einhver snemma í morgun, aðrir
hafa ekki orðið varir.“
„Ég ætti kannski að labba út á
Lambhaga,“ segir ungi maðurinn.
„Ég hef aldrei komið þangað, ég
er svo latur að labba,“ svarar Sig-
urður og hlær.
„Það er dautt hér í dag,“ segir
strákurinn þá hálfvonleysislega.
„Steindautt,“ svarar Sigurður og
sá ungi kveður.
Sigurður hellir upp á nýtt kaffi
og fer að segja mér frá góðri veiði
sem hann fékk á stað við Vatnsvik
sem hann kallar „stæðið hans
Björns Grétars“. Er það kennt við
Björn Grétar Sveinsson sem veiðir
mikið í vatninu og oft með Sigurði.
„Hann var ekki þar þá en ég
veiddi um morguninn, á þremur,
fjórum klukkutímum, eins mikið og
ég gat borið í bílinn með góðu.
Netpokinn minn var alveg fullur.
Það hefur aldrei komið fyrir fyrr.“
– Er það ekki oft þannig að
nokkrar bleikjur taka í beit, svo
hættir takan skyndilega?
„Jú. Ég get sagt þér dæmi um
það. Í fyrasumar hitti ég einu sinni
sem oftar tvo félaga sem eru hér
oft. Þeir voru hér austanvið, rétt
við stæðið hans Björns Grétars. Ég
lötraði til þeirra og fékk eina
bleikju, fannst það ekki mikið og
kom mér burtu. Fór að Vellankötlu
og tók níu í einni lotu. Síðan ekki
söguna meir.
Þegar ég var að staulast upp frá
vatninu aftur komu félagarnir og
sáu aflann. Þeir sögðu að þeir
hefðu aldrei farið fisklausir af
þessu svæði fyrr á þessum tíma.
Svona getur þetta verið. Þetta eru
ellismellir eins og ég, indælis kallar
og oft spjallað mikið.“
Síðasta vonin gaf 42
Sigurður veiðir ekki einungis í
Þingvallavatni.
„Hér hætti ég yfirleitt um
fimmta ágúst. Bleikjan er komin
upp í fjöru á þeim tíma og maður
getur potað í þær með stang-
arendanum. Þá er ekki lengur
gaman að þessu. Þá fer ég austur á
land. Ég hef tekið nokkra daga á
efra silungasvæðinu í Hofsá og
reynt á ýmsum öðrum stöðum. Það
er dýrlegt að veiða í Vopnafirðinum
í góðu veðri. Í fyrra þegar ég
mætti var sagt við mig að það væri
engin bleikja í ánni. Það reyndist
ekki alveg rétt. Þá fékk ég líka lax
á bleikjuflugu númer 10 og var al-
veg gáttaður. Það eru fallegir hyljir
þarna.
Fyrst þegar ég fór í Hofsá var
ég með einum veiðivitlausum
frænda mínum og nafna sem sýndi
mér svæðið. Við urðum ekki varir.
Það átti að hætta að veiða klukkan
níu um kvöldið. Um hálfáttaleytið
um kvöldið komum við að síðasta
hylnum, frændi minn sagði að hann
væri síðasta vonin. Síðasta vonin
gaf okkur 42 bleikjur! Við vorum
með einn plastpoka, það slitnaði
strax út úr honum en fylgdarmað-
urinn er heljarmenni, hann tók all-
an fiskinn í fangið og bar í bílinn.
Ég hefði ekki viljað standa í því.
Í lokin gargaði hann á mig
„hættu, hættu!“ Þetta var stórkost-
legt.“
– Hér veiða menn helst kuð-
ungableikjur en eru þær ólíkar á
stönginni, kuðungableikjan og síla-
bleikjan?
„Mér finnst sílableikjan sprett-
harðari. Mér finnst ekki mikil mun-
ur á því að fá þriggja, fjögurra
punda sílableikju og lax af sömu
stærð. En stór kuðungableikja er
líka ótrúlega sterk. Sílableikjan er
sjaldgæfari.“
Við klárum úr kaffibollunum,
Sigurður læsir veiðibílnum og við
göngum út á Öfugsnáðann. Vöðum
út í vatnið og erum þar einir að
kasta, ásamt kappsamri veiðikonu
sem stendur austan við okkur.
„Er þetta betri staður þar sem
þið eruð,“ kallar hún til okkar.
„Ef þú færð fisk þá ertu á rétt-
um stað,“ svarar Sigurður. En við
verðum ekki vör og eftir nokkra
stund gefst ég upp. Hann heldur
áfram að kasta í áttina að Arn-
arfellinu sem dimmir smám saman
yfir. „Ég ætla að prófa hérna í
nótt. Sjá hvort ég rek í urriða,“
segir hann að lokum.
MORGUNBLAÐIÐ SUNNUDAGUR 3. JÚNÍ 2007 35
Dagskrá um áhrif skóla- og stjórnmálamannsins á uppbyggingu staðarins
DAGSETNING: 9. JÚNÍ 2007
Kl. 11:00 SETNING VIÐ MENNTASKÓLANN:
Halldór Páll Halldórsson skólameistari ML.
Hvítbláinn dreginn að húni
Kl. 11:10 SÖGUGANGA MEÐ LEIÐSÖGN:
Hreinn Ragnarsson kennari ML.
Kl. 12:00 – 13:00 HÁDEGISVERÐUR Í LINDINNI
Kl. 13:00 MÁLÞING Í HÉRAÐSSKÓLANUM
SETNING, KYNNING DAGSKRÁR:
Guðmundur Ólafsson hagfræðingur, fundarstjóri
SAMTÍMINN Í JÓNASI OG JÓNAS Í SAMTÍMANUM:
Ívar Jónsson prófessor Bifröst
FÓSTRI HÉRAÐSSKÓLANNA,
SKÓLAFRÖMUÐURINN JÓNAS JÓNSSON FRÁ HRIFLU
Helgi Skúli Kjartansson prófessor KHÍ
LAUGARVATN, BORGARVIRKI STJÓRNMÁLSTARFS JÓNASAR:
Guðjón Friðriksson sagnfræðingur
HÉRAÐSSKÓLINN LAUGARVATNI Á TEIKNIBORÐI
GUÐJÓNS SAMÚELSSONAR:
Pétur Ármannsson arkitekt
Kl. 14:50 – 15:15 KAFFIHLÉ
Kl. 15:15 JÓNAS, FJÖLSKYLDAN OG LAUGARVATN:
Gerður Steinþórsdóttir cand. mag.
LAUGARVATN, SKÓLASETUR Í ANDA JÓNASAR:
Kristinn Kristmundsson fv. skólameistari ML
Kl. 16:15 – 16:45 FYRIRSPURNIR OG UMRÆÐUR
Kl. 16:45 SAMANTEKT: Guðmundur Sæmundsson aðjunkt KHÍ
Kl. 17:30 GAMLA GUFAN
Kl. 19:30 – 23:00 KVÖLDVAKA MEÐ BORÐHALDI Í LINDINNI:
MATSEÐILL: Þriggja rétta máltíð og kaffi
Verð kr.3.500.- (Aðgangseyrir innifalinn)
STJÓRNANDI KVÖLDVÖKU : Bjarni Harðarson blaðamaður
KVÖLDVAKAN hefst með fordrykknum „Laugarvatn“
ÁVARP: Drífa Kristjánsdóttir sveitarstjórnarmaður
GLÍMUSÝNING: Kjartan Lárusson fjárbóndi
GAMANMÁL OG KVEÐSKAPUR: Bjarni Þorkelsson hrossabóndi
LEYNIGESTUR: Landskunnur maður
KÓRSÖNGUR OG FJÖLDASÖNGUR
DANS: Hjördís Geirsdóttir og félagar leika
Kl. 23:00 VÖKULOK: Guðmundur Guðmundsson, fr.kv.stj. Jónasarvöku
Aðgangseyrir að kvöldvöku er kr. 1.000.-
SÖNGFÉLAGAR ÚR KIRKJUKÓR LAUGDÆLA syngja við ýmsa
dagskrárliði
ÞJÓÐBÚNINGAR: Gestir eru hvattir til að koma í þjóðbún-
ingum sínum
Dagskrá Jónasarvöku er öllum opin, meðan húsrúm leyfir
Að henni stendur hópur hollvina Héraðsskólans að
Laugarvatni
SÝNING Á MERKUM MUNUM í eigu Héraðsskólans meðan á
málþingi stendur
UPPLÝSINGAR: Guðmundur Guðmundsson, sími 899-3267
gudgu@simnet.is
http://jonasfrahrifluoglaugarvatn.blog.is
JÓNASARVAKA
að Laugarvatni 9. júní
Jónas frá Hriflu
og Laugarvatn
Bókanir og forsala:
Sunnlenska fréttablaðið, sími 482 3074
sunnlenska@sunnlenska.is