Morgunblaðið - 26.04.2008, Qupperneq 47

MORGUNBLAÐIÐ LAUGARDAGUR 26. APRÍL 2008 47
Tommy Lee Jones eins og hann gerist bestur
FRÁBÆR
ÖÐRUVÍSI
SPENNUMYND
„Hank Deerfield (Tommy Lee Jones) sem leitar að syni
sýnum sem hefur ekki sést frá því hann kom aftur sem
hermaður frá Írak. Ásamt lögreglukonunni Emily Sanders
reynir hann að leysa ráðgátuna sem teygir anga sína víða.”
TILNEFND TIL
ÓSKARSVERÐLAUNA
Stórleikararnir
EBERT
BBC
Tommy Lee Jones
Charlize Theron
Susan Sarandon
Paul Haggis
fyrir (crash)
fyrir Dead man walking
fyrir Monster
fyrir Fugitive
í leikstjórn
GERÐUBERG
www.gerduberg.is
Sýningarnar eru opnar virka daga frá 11-17
og um helgar frá 13-16.
Sími 575 7700 • gerduberg@reykjavik.is
Stefnumót við safnara III
Hljómfagurt stefnumót við tón-
listarmenn og hljóðfærasafnara!
Sýningarstjórn: Anik Todd og Una
Stígsdóttir Boðið er upp á leiðsögn
fyrir hópa. s. 575 7700
Vissir þú...
...að í Gerðubergi er frábær
aðstaða fyrir ráðstefnur, námskeið,
fundi og veislur? Salir og fundar-
herbergi fyrir 8 - 120 manns.
Sjá nánari upplýsingar:
www.gerduberg.is, s. 575 7700.
Eftir Jóhann Bjarna Kolbeinsson
jbk@mbl.is
„ÉG hitti alls konar fólk, blaða-
menn og svona. Ég veit ekki
hversu mikinn áhuga fólk hefur,
en þetta er allavega mesti áhugi
sem ég hef fundið. En það er
kannski bara krækiber í helvíti,“
segir Örn Elías Guðmundsson, bet-
ur þekktur sem Mugison, sem var
staddur í Berlín þegar blaðamaður
náði tali af honum í gær. Þar var
hann að kynna sig og plötu sína,
Mugiboogie, en hann fór einnig til
Lundúna í sömu erindagjörðum.
„Þar hitti ég fólk sem vinnur með
mér í þessum pressu-pakka og það
var helvíti flott, það var sett upp
svona áætlun og allir voru í stuði,“
segir hann. „Í Berlín buðum við
fólki hins vegar að koma að hlusta
í svona smá leikhúsi. Ég bjóst við
20 manns en það komu 110 manns,
þar af svona 70 blaðamenn, þann-
ig að við vorum alveg himinlif-
andi.“
Dýrt spaug
Mugison kom til landsins í gær,
en hann fer beint til Bandaríkj-
anna í dag og þaðan til Kanada á
morgun þar sem hann mun hita
upp fyrir bandarísku rokksveitina
Queens Of The Stone Age á 11
tónleikum víðs vegar um landið.
Með honum í för verður hljóm-
sveit hans, þeir Arnar Þór Gísla-
son trommuleikari, Guðni Finns-
son bassaleikari, Davíð Þór
Jónsson hljómborðsleikari og Pét-
ur Ben gítarleikari. „Þetta verður
alveg geðveikt. Við tökum 11 gigg
með þeim og svo erum við búnir
að bóka nokkra tónleika sem við
tökum þegar við erum búnir að
spila með þeim, þá tökum við
svona Gauk á Stöng-fíling í þess-
um borgum til þess að fá aðeins
meiri pening, enda er þetta frekar
dýrt,“ segir Mugison, en ólíkt því
sem margir eflaust halda eru lítil
sem engin laun greidd fyrir tón-
leikaferð sem þessa. „Oft er það
meira að segja þannig að útgáfu-
fyrirtæki eða hljómsveitir þurfa
að borga fyrir að fá að spila á
svona tónleikum. En þeir ætla að
borga okkur 40 þúsund krónur
fyrir kvöldið, allt annað er bara
úr vasanum hjá Múkkanum,“ segir
Mugison og vísar þar til sín sjálfs.
„Þetta er alveg slatti, laun á
strákana, rútan og þvottur. Svo
þarf örugglega að borga strákana
út úr fangelsum og svona,“ segir
hann í léttum dúr. Ljóst er að
heildarkostnaður verður þó í
kringum þrjár milljónir króna.
„En ég fékk náttúrlega ansi
góðan styrk um daginn, auk þess
sem við munum náttúrulega selja
einhverja diska á tónleikunum. Ef
við seljum svona 350 diska á
hverjum tónleikum verðum við
góðir þegar við komum heim,
þannig að við stefnum bara á
það.“
Að hrökkva eða stökkva
Fyrstu tónleikar Mugisons með
Queens Of The Stone Age verða í
Vancouver á miðvikudaginn, 30.
apríl. Að hans sögn verður dag-
skráin ansi stíf í kjölfarið og sem
dæmi má nefna að dagana 3. til 7.
maí verður spilað á hverjum degi.
Þess á milli verða svo langar rútu-
ferðir, enda Kanada næststærsta
land í heimi. „Þetta eru frá 1.000
upp í 6.000 manna tónleikastaðir
og það er uppselt á alla tón-
leikana. Það var einhver að skjóta
á að þetta yrðu frá 40 til 50 þús-
und manns í heild sinni,“ segir
Mugison sem er ekki viss hvort
hann hefur spilað fyrir svo marga
á svo stuttum tíma áður. „Kaup-
þings-giggið er eitthvað á reiki,
hvort það voru 500 manns eða 50
þúsund manns,“ segir hann og
hlær.
En hvernig kom það til að þú
varst fenginn til að hita upp fyrir
Queens Of The Stone Age?
„Vinur minn er tónleikabókari
fyrir þá, Foo Fighters og fleiri, og
hann gaf Josh [Homme, söngvari
QOTSA] eintak af Mugieboogie í
einhverju góðu gríni. Josh hringdi
strax í hann aftur og vildi endi-
lega finna einhverja smugu til
þess að fá okkur til að hita upp,“
útskýrir Mugison. Hvað sérstakar
kröfur þeirra steinaldarmanna
varðar segir hann þær fremur
takmarkaðar. „Það eina sem ég
hef heyrt er að við megum ekki
vera leiðinlegir, og að við eigum
alltaf að vera í stuði. Við eigum
sem sagt ekki að vera að hoppa
inni í rútu og stunda jóga eftir
gigg,“ segir Mugison sem lítur á
þessa tónleikaferð sem mjög stórt
tækifæri. „Ég var einmitt að tala
við hann Einar Örn [Benediktsson,
tónlistarmann] um daginn, og
spurði hann meðal annars hvort
við ættum að gera þetta í ljósi
þess hvað þetta kostar mikið.
Hann kom með rétta vinkilinn á
málið; ætlar maður að sitja á elli-
heimilinu eftir 50 ár, hafandi
sleppt þessu? Það er náttúrulega
ekki séns – þegar maður fær
svona tækifæri stekkur maður
náttúrlega á það.“
Bannað að vera leiðinlegur
 Tónleikaferð Mugisons með Queens Of The Stone Age hefst í Kanada á miðvikudaginn
 Spilar fyrir 40 til 50 þúsund manns á 11 tónleikum  Kostnaður Mugisons um 3 milljónir króna
www.mugison.com
Heimsfrægð á næsta leiti? „Þegar maður fær svona tækifæri stekkur maður náttúrlega á það,“ segir Mugison. Til hægri: Josh Homme og félagar hans í Queens Of The Stone Age.