Morgunblaðið - 26.04.2008, Síða 51

Eftir Jóhann Bjarna Kolbeinsson
jbk@mbl.is
„VIÐ lítum þetta mál mjög alvar-
legum augum og höfum gert það frá
upphafi,“ segir Steingrímur Sævar
Ólafsson, fréttastjóri Stöðvar 2, um
ástæðu uppsagnar Láru Ómars-
dóttur, fréttamanns á stöðinni í gær.
Uppsögnin kom í kjölfar ummæla
hennar á vettvangi mótmælanna við
Suðurlandsveg á miðvikudaginn.
„Lára er maður að meiri að hafa
axlað ábyrgð í þessu máli og með
uppsögn sinni sýnir hún að hún áttar
sig á því að orðum fylgir ábyrgð,
jafnvel þótt þau séu sögð í hálfkær-
ingi,“ segir Steingrímur, en orð Láru
mátti skilja sem svo að hún væri
reiðubúin til að sviðsetja atburði fyr-
ir myndavélar Stöðvar 2. Lára áttaði
sig ekki á því að hún var í beinni út-
sendingu á Vísi.is, en í fyrradag
sendi hún frá sér yfirlýsingu þar sem
hún sagði meðal annars að hún hefði
látið ummælin falla í „fullkomnum
hálfkæringi“.
„Það er rétt að undirstrika að
fréttastofan hefur ekki, og mun ekki,
taka þátt í sviðsetningu eða neinu
slíku. Við lítum svo á að með þessari
uppsögn, sem ég hef tekið við, sé
málinu lokið,“ segir Steingrímur og
telur að Lára hafi tekið rétta ákvörð-
un. „Ég hefði ekki tekið við uppsögn-
inni ef ég hefði verið á annarri skoð-
un. Þegar ég hlustaði á hennar
útskýringar á uppsögninni var ég
sammála henni. Hún metur það sem
svo að annars gæti bæði hún sem
fréttamaður, og ekki síður fréttastof-
an, skaðast.“
Aðspurður segist Steingrímur
hins vegar ekki hafa hvatt Láru til
þess að segja starfi sínu lausu. Þá
segir hann að mikil eftirsjá sé að
Láru. „Hún var góður samstarfs-
félagi, yndisleg persóna og ég er
sannfærður um að hún verður komin
á góðan stað áður en langt um líður,
enda góður starfskraftur,“ segir
fréttastjórinn, en Lára hefur nú þeg-
ar hætt störfum. Steingrímur segir
ljóst að nýr fréttamaður verði ráðinn
í stað Láru.
Virðir siðareglur
Í kjölfar uppsagnar Láru í gær
sendi hún frá sér yfirlýsingu þar sem
sagði meðal annars: „Ég gerði mér
ekki grein fyrir að símtal mitt við
samstarfsmann heyrðist á Vísi.is en í
því sagði ég í hálfkæringi að ég gæti
fengið einhvern til að kasta eggi með-
an við værum í beinni útsendingu.
Enginn sem þekkir mig lætur sér
detta í hug að mér hafi verið alvara.
Ég virði siðareglur blaða- og
fréttamanna og tek starf mitt alvar-
lega. Þess vegna fellur mér þungt að
hafa orðið þetta á og þar með orðið
völd að því að trúverðugleiki minn og
fréttastofunnar sem ég vinn hjá hafi
að ósekju verið dreginn í efa í þjóð-
málaumræðunni. Fréttaflutningur
verður að vera hafinn yfir allan vafa.
Sé ekki svo, getur orðspor fréttastof-
unnar og starfsmanna hennar beðið
hnekki.
Þar sem ummæli mín geta valdið
og hafa valdið misskilningi um starfs-
aðferðir mínar og fréttastofu Stöðvar
2 tel ég réttast að segja starfi mínu
lausu.“
Líta málið alvar-
legum augum
Morgunblaðið/Júlíus
Eggjakast Fjölmiðlamenn mynda mótmælanda við Suðurlandsveg.
Fréttastjóri Stöðvar 2 segir uppsögn
Láru Ómarsdóttur réttmæta
Lára
Ómarsdóttir
Steingrímur
Sævarr
MORGUNBLAÐIÐ LAUGARDAGUR 26. APRÍL 2008 51
BANDARÍSKI leikarinn Wesley
Snipes hefur verið dæmdur í
þriggja ára fangelsi fyrir að sýna
bandarískum skattalögum vanvirð-
ingu. Snipes mun
hafa skuldað um
2,8 milljónir dala
í skatt auk þess
sem hann taldi
ekki fram tekjur
sínar á árunum
1999-2001. Lög-
fræðingur Snipes
fór fram á að
leikarinn yrði
dæmdur í stofufangelsi fyrir brot
sitt en dómari í Flórída varð ekki
við þeirri ósk. Áður en dómarinn
kvað upp dóminn las lögfræðing-
urinn upp úr bréfum fjölskyldu-
meðlima Snipes og leikaranna Den-
zels Washington og Woodys
Harrelson þar sem manngæsku Sni-
pes og heiðarleika var lýst. Snipes
fékk tækifæri til að ávarpa dómara
og sagði að hann væri einfaldur
maður sem ekki væri skólaður í lög-
um og fjármálum og bauðst svo til
að greiða 5 milljónir í skaðabætur.
Dómarinn tók því hins vegar fálega
og kvað upp þriggja ára fangels-
isdóm.
Wesley
Snipes í
steininn
Wesley Snipes