Skinfaxi - 01.11.1938, Side 70

150
SKINFAXI
ina gilda til varnar við doktorspróf, og er það dómur um
fræðilegt gildi hennar.
Höf. rekur æfi M. E. í stuttum en skýrum dráttum, en segir
nákvæmlega frá rithöfundarferli hans, guðfræði og trúar-
skoðunum. Jafnframt lýsir hann guðfræðilegum stefnum og
trúarviðhorfi í Danmörku og Þýzkalandi um tíma Magnúsar.
Er öll framsetning höf. skýr og aðgengileg, á góðu máli, svo
að bókin er hið girnilegasta alþýðurit, þótt vísindaverk sé.
Séra Eiríkur Albertsson hefir leyst af hendi mikið þrek-
virki með samningu bókar þessarar, og þeim umfangsmiklu
rannsóknum, sem hún er reist á. Má þó geta nærri, að sveita-
prestur á ekki hæga aðstöðu um slíkar rannsóknir. Ætti hann
að fá þá umbun þrekvirkis sins, að bók hans hljóti útbreiðslu
meðal landsmanna. Má hana a. m. k. hvergi vanta í hókasöfn.
Símon Jóh. Ágústsson: Leikir og leikföng.
Með 30 myndum. ísafoldarprentsmiðja h.f. 1938.
100 bls. Kr. 3.50.
Undanfarin ár hafa nokkrir ungir íslendingar lokið háskóla-
prófi í uppeldisfræði og barnasálarfræði, og tekið til starfa
i landi voru. Er þetta hið mesta gleðiefni, því að los það,
sem komið hefir á þjóðlif vort við atvinnubyltingu undanfar-
inna áratuga, gerir það að verkum, að hér er meira og örð-
ugra viðfangsefni fyrir uppeldisfræðinga og uppalendur, en
víða annarstaðar.
í ofannefndri bók tekur dr. S. .1. Á. til meðferðar og skýr-
ingar umfangsmikinn og merkilegan þátt uppeldisins, leiki
barnsins. En það er efni, s'em mjög er mikils virði, að al-
þýða manna viti grein á og skilji. Auk mjög glöggra sálfræði-
legra skýringa á orsökum, áhrifum og uppeldisgildi leikja, er
þar ágæt leiðbeining um val leikfanga fyrir börn. Bókin er
prýdd myndum til skýringar. Hún ætli að vera til á hverju
barnaheimili.
Th. Bögelund: Foreldrar og uppeldi. Jón N. Jón-
asson kennari þýddi og gaf út. Akureyri 1938.
118 bls.
Þetta er dálítil handbók fyrir foreldra, um allskonar vanda-
mál, sem fyrir koma í uppeldi barna, frá fæðingu fram yfir
kynþroskaskeiðið. Er furðu margt nytsamra ráða og upplýs-
inga saman komið í ekki lengra máli. Höf. er þekktur dansk-
ur yfirkennari. Auðvitað er bók hans miðuð við danska stað-
hætti, en í þessum efnum á flest hið sama við liér og þar.