Skinfaxi - 01.11.1938, Blaðsíða 48
128
SKINFAXI
íþróttaiðkanir þýzkra barna hefjist þegar í fyrstu
bernsku, á dagheimilum smábarna og barnagörðum.
Og úr þvi er eigi linað á klónni — þvert á móti, i sifellu
er hert á. Þegar börnin eru 10 ára gömul, taka barna-
félögin við þeim. Drengirnir fá sinn einkennisbúning,
— brúna úlpu, —■ og nú tilheyra þeir Jungvolk. Telp-
urnar fá lika sm ytri auðkenni: hvita treyju, blátt pils,
— og nú eru þær í Bund deutscher Mádel. Eftir fjög-
ur ár flytjast drengirnir yfir i Hitler-æskuna, -—■ Die
Hitler-Jugend. Þar eru þeir til 18 ára aldurs. Þá tekur
þegnskylduvinnan við þeim í hálft ár. Að henni lokinni
tveggja ára herþjónusta. En rauði þráðurinn í öllum
þessum félögum og stofnunum er tvinnaður af tveim
öðrum rauðum þráðum: pólitískri játningu þjóðernis-
jafnaðarmanna og líkamlegri eflingu hins germanska
kynþáttar.
I þjónustu vígorðsins — sem próf. Roberts tilvitn-
ar —■: Kynstofninum allt! — hefir stjórnin tekið öll
áróðui-stæki nútímans: allan blaðakost þjóðarinnar,
timarit, alla skóla landsins, æðri sem lægri, þúsundir
þúsunda af allskonar félögum og félagsdeildum, kvik-
myndir, útvarp, jafnvel — og ef til vill eigi sizt — skáld-
skap og listir. En áhrif þessara reginátaka miljónanna
eru og auðsæ. Æska þjóðarinnar hefir látið hrífast
af öllum þessum áróðri og virðist i einlægri trúa
því, að köllun hennar sé, að frelsa þjóðina og skipa
henni forustusess meðal þjóða heimsins! Og hefir
margur lagt á sig raun fyrir minna! Enda liggur þýzka
æskan eigi á liði sínu. Gunnreif og glöð vinnur hún
fyrir foringjann og föðurlandið, agar og þjálfar sig öll-
um stundum.
----o---—
Á Ítalíu og i Sovét-Rússlandi heita allir þessir hlutir
öðrum nöfnum. En enda þótt vígorðin séu önnur, nafn-
miðarnir með annarri áletrun, játningarnar aðrar og
takmarkið annað, þá eru þó tækin og áróðurstæknin