Skinfaxi - 01.11.1938, Síða 41

SKINFAXI
121
II. Hvar ertu?
Sértu alþýðusinni í alþýðustétt,
vinur öreiga og jafningi hans,
ef þú villt handa sérhverjum vinna þahn rétt,
sem er vöggugjöf frjálsborins manns,
þá er baráttuhlutverk þitt göfugt og glatt,
þú ert gagnlegur komandi tíð,
þar sem tóbak og vín heimtar tífaldan skatt
og það tærir hinn vinnandi lýð.
Ertu sjálfstæðismaður með sjálfstæðis þrá?
Viltu sjálfstæði fólks þíns og lands?
Þá er hugsun þín örugg, þú hlýtur að sjá
slíkan háska í lífsvenjum manns.
Móti áfengi leggur þú dug þinn og dáð,
allt þitt dæmi og hvetjandi orð,
því hver sjálfstæðis hugsjón er svívirt og smáð
með svalli við víndrykkjuborð.
Ertu framsóknarmaður í ferli þíns lands?
Viltu fegurri þjóðmenning sjá,
þar sem heimilissælu hins hugsandi manns
skapar hófsöm og starfandi þrá?
Fyrir bindindi vinnur þá gjörvöll þín gerð
vegna gleði hins daglega lífs,
því hin eitraða nautn krefur voðalegt verð
þar sem vantar til skeiðar og hnífs.
Ef þú vilt það, sem mönnunum væri til góðs,
sértu vinur hins mannlega kyns,
þá er auðvitað allt þér til mæðu og móðs
þar, sem miðar og dregur til hins.
Þá er vilji þinn einbcittur víninu gegn
og að víkja því landinu úr.
Vit, að ölvaður maður er óhæfur þegn.
Vertu Islandi hollur og trúr.