Skinfaxi - 01.04.1969, Blaðsíða 25

Félagsheimili „Skarphéðins ”
vígt á Selfossi
Laugardaginn 1. febrúar sl. tók Héraðs
sambandið Skarphéðinn í notkun hið
nýja húsnæði sitt að Eyrarvegi 15 á
Selfossi.
Af því tilefni bauð stjórn HSK til
kaffidrykkju í þessum nýju húsakinn-
um, helztu forustumönnum ungmenna-
félaganna innan HSK að fornu og nýju,
oddvitum sveitarstjórna, sýslumönnum
Árnes-og Rangárvallasýslu, alþingis-
mönnum héraðsins, sambandsstjóm-
um UMFl og ISÍ o. fl.
Skarphéðinsheimilið er á þriðju hæð
í nýju og glæsilegu húsi við eina aðal-
götu bæjarins, 140 fermetrar að flatar-
máli. I því er 80 fermetra salur sem
hægt er að skipta niður í þrjá minni
með rennihurðum, og eykur það marg-
falt notagildi hússins, í húsinu er rúm-
góður inngangur og forstofa, vinnuher-
bergi fyrir föndur Ijósmyndaiðnað o.fl.
lítið eldhús, og góð snyrtiherbergi.
I báðum endum aðalsalar eru rúm-
góðir skápar fyrir verðlaunagripi og
aðrar eigur sambandsins. Salurinn er
bjartur og vistlegur, og lýsing mjög
góð.
Stefán Kristjánsson byggingameist-
ari á Selfossi sá um alla innréttingu
hússins og frágang úti sem inni, inn-
réttingar eru úr harðvið, vandaðar að
útliti og öllum frágangi.
HSK stendur í þakkarskuld við
marga aðila fyrir veittan stuðning í
fjármálum vegna þessara fram-
kvæmda.
Allmenn ánægja er ríkjandi innan
Skarphéðins með þennan merka áfanga
sem náðst hefur í starfssögu sambands-
ins.
Efsta hæðin í þessu
húsi er félagsheim-
ili Hérassambands-
ins Skarphéðins.
SKINFAXI
27