Skinfaxi - 01.04.1969, Blaðsíða 17

fjallað um þau mál á vettvangi sam-
takanna, bæði á sambandsþingum og
hér í blaðinu. Þegar Keflavíkursamn-
ingurinn er á döfinni skrifar hann m.a.:
„Þjóðfrelsið er hjartans mál ungmenna
félaganna. Þau munu marka stefnuna
skýrt sem fyrr og án þess að skoða
hvaða flokkum og einstaklingum kem-
ur bezt. Við ungmennafélagar viljum
ekki selja landið okkar, hvorki fyrir
vinfengi né fé, og ekki þótt stórveldi
eigi í hlut og bjóði slíkt. Og við mun-
um þora að standa við þessa stefnu
okkar, jafnvel þótt þjóðin vilji fara
varlega og kaupa sér sátt við erlent of-
ríki.“
Skinfaxi lætur einnig einarðlega til
sín heyra, þegar íslenzk stjórnarvöld
semja um komu erlends herliðs til
landsins árið 1951.
A þessum árum hefjast nokki’ir
greinarflokkar t. d. „Þættir um leik-
list og leiksvið á íslandi“, „Uppruni og
þróun dansins“, Landið og framtíðin“
og síðast en ekki sízt iþróttaþættir
Þorsteins Einarssonar, sem voru mjög
gagnlegir og komu í blaðinu í um 20 ár.
Árið 1950 er fyrst skrifað um starfs-
íþróttir í Skinfaxa, en á sambandsráðs-
fundi þá um sumarið hafði verið fjall-
að um málið. Þorsteinn Einarsson rit-
ar mikið um starfsíþróttir þá og síðar
og sömuleiðis Stefán Ólafur Jónsson,
sem manna mest hefur unnið að þess-
um málum hér á landi. Ymsir fleiri
hafa um þessi mál ritað, og keppni í
starfsíþróttum var hrundið af stað á
landsmóti UMFÍ á Eiðum 1952.
Skinfaxi var stækkaður í 3 hefti á
ári 1951 samkvæmt ákvörðun sam-
bandsráðsfundar 1950.
1957 koma út tvö hefti af ritinu und-
ir ritstjórn Stefáns M. Gunnarssonar.
Síðasti áratugur
Farið verður stuttlega yfir sögu
blaðsins síðustu árin, enda mun það
æviskeið blaðsins flestum lesendum
kunnugt.
Guðmundur Gíslason Hagalín er ráð-
inn ritstjóri 1958 og ritið verður 4 blöð
á ári, 32 síður hvert. Guðmundur hætt-
ir störfum í árslok 1960. Eiríkur J.
Eiríksson sambandsstjóri tekur þá aft-
ur við ritstjórn Skinfaxa. Hag blaðsins
tók mjög að þrengja árið 1963, og leið
árið 1964 án þess að nokkurt hefti
kæmi út. Ráðamönnum samtakanna
þótti þetta að vonum illt ástand, þvi
blaðið hafði aldrei fallið niður neitt ár
frá upphafi. Var undirritaður þá feng-
inn til liðs við blaðið. Var þá liðið fast
að landsmótinu að Laugarvatni og lítill
tími til stefnu. Brugðið var á það ráð
að snara út einu hefti í nafni ársins
1964, og 1.—2. hefti ársins 1965 tókst
að koma út fyrir landsmót. Síðan hafa
komið út 4 hefti af blaðinu árlega, eins
og lög gera ráð fyrir.
Eflum Skinfaxa
Stjórn UMFÍ er einhuga um að nú
skuli skorin upp herör í tilefni þessa
merkisafmælis blaðsins, og ungmenna-
félagar um land allt kvaddir til liðs við
að útbreiða málgagn sitt. Um það var
gerð ítarleg ályktun á sambandsráðs-
fundi UMFÍ sl. haust, og er hún birt í
síðasta hefti Skinfaxa. Til þess að tak-
ast megi að gera Skinfaxa að öflugu og
verðugu málgagni ungmennafélags-
hreyfingarinnar verða ungmennafélag-
ar að veita honum lið með því að leggja
honum til efni, ræða í honum hin fjöl-
mörgu áhugamál og viðfangsefni fél-
aganna, gagnrýna hann og útbreiða
hann. Eysteinn Þorvaldsson
SKINFAXI
19