Skinfaxi - 01.04.1969, Blaðsíða 34
Emil
Tómasson
sem hann rekur endurminningar sín-
ar um glímuna og rifjar upp sagnir um
hana. Bók þessi er vel og skemmtilega
skrifuð. Úr hverri línu má lesa ást hans
á glímunni og skynja næma fegurðar-
kennd hans og hve mikið yndi hann
hafði af hinni göfugu íþrótt — en um
leið sorg hans og ég vil segja sára kvöl
— ef illa og ódrengilega var glímt.
Emil Tómasson bjó að Stuðulm í
Reyðarfirði um 20 ára skeið, áður hafði
hann dvalið í Noregi og Danmörku um
3ja ára skeið og kynnt sér þar land-
búnað, en hann var búfræðingur frá
Olafsdal. Emil var lengi dyravörður
við Austurbæjarbarnaskólann í Reykja
-vík.
Jón Helgason
Jón. Helgason, stórkaupmaður í Kaup-
mannahöfn, lézt 4. janúar 1968, 83 ára
að aldri. Hann var fæddur 11. septem-
ber 1884 á Grund í Höfðahverfi í Suð-
ur-Þingeyjarsýslu. Foreldrar hans voru
Helgi bóndi á Grund Helgason í Vest-
ari-Krókum Jónssonar í Þúfu, og kona
hans, Sigurfljóð ljósmóðir Einarsdótt-
ir Sörenssonar, fædd á Granastöðum í
Köldukinn. Þeir Jón og Jóhannes
Jósefsson voru systrasynir.
Það er ekki ætlun mín að rekja ævi-
feril Jóns Helgasonar, svo margbreyti-
legur sem hann er. Til þess skortir mig
kunnugleika. En mig langar til að minn
ast hans sem glímumanns með örfáum
orðum.
Jón mun hafa verið í hópi fremstu
glímumanna sinnar samtíðar. Hann
hafði alla þá eiginleika til að bera, sem
góðan glímumann mega prýða. Hann
fór ungur að árum að æfa glímu og náði
þar mjög langt. Helztu glímubrögð Jóns
voru: Krækja, klofbragð og sniðglíma.
I Islandsglímunni 1907 var Jón meðal
þátttakenda og var með 15 vinninga
(jafn Fjalla-Bensa), en fyrir ofan þá
að vinningum voru aðeins Jóhannes
Jósefsson og Emil Tómasson.
Um þessar mundir fór mjög að kveða
að Jóni á glímusviðinu. Hann réðst í
för með Jóhannesi Jósefssyni, er hann
fór í víking við fjórða mann. Héðan
héldu þeir fjórmenningarnir á brott í
desembermánuði 1908, eftir að Jón
hafði verið þátttakandi í grísk-róm-
verskri kappglímu í Báruhúsinu í
Reykjavík.
Jón Helgason sýndi glímu í þessum
löndum: Englandi, Noregi, Danmörku,
Þýzkalandi, Hollandi, Austurríki, Ung-
verjalandi, Italíu og Rússlandi.
Árið 1909 sótti Jón Helgason um
styrk til Alþingis, kr. 700,00 til að
koma á stofn og starfrækja íþrótta-
skóla í Reykjavík, sem hefði orðið vísir
að fyrsta íþróttaskóla landsins, en þess
ari umsókn hans mun hafa verið synj-
að. Hann var þá búinn að vera í íþrótta
36
SKINFAXI