Skinfaxi - 01.04.1969, Page 28

hinn gagnlegasti. — Eftir heimsókn í
Stykkishólm hélt ég áfram leið minni
inn í Dali. Formaður USD, Sigurður
Þórólfsson, boðaði stjórnarmenn USD
og forsvarsmenn félaganna til fundar í
Búðardal. Á fundinum voru rædd ráð
til að efla starfið innan sambandsins.
Hinn 24. marz fór ég í heimsókn að
Laugum í Þingeyjarsýslu og átti þar
fund með Óskari Ágústssyni formanni
HSÞ og fleiri forystumönnum. Síðan
heimsótti ég ársþing UMSE að Lauga-
borg 29.—30. marz. Hinn 3. apríl var
ég kominn langleiðina til Hólmavíkur,
en þar var haldið ársþing Héraðssam-
bands Strandamanna. Varð ég að snúa
við á Ennishálsi sökum óveðurs og
snjóa, sem lokuðu öllum vegum.
Þetta hafa verið á ýmsan hátt erfið
ferðalög, en alltaf er ánægjulegt að
hitta félagana og ræða við þá um
vandamálin. Slíkar ferðir eru tímafrek-
ar. Mér telzt til að þessi ferðalög mín
og heimsóknir hafi tekið 44 daga. Eg
hefði gjarnan viljað gera betur, en mér
er samt ljóst, að sums staðar hafði
koma mín örvandi áhrif. Þeir, sem
skipa stjórnir og forystu héraðssam-
bandanna vilja gera vel, en til þess að
varanleg hreyfing komizt á þessi mál
og starf sumra sambandanna þarf
miklu meiri og stöðuga aðstoð UMFI,
sem hins vegar hefur ekkert fjárhags-
legt bolmagn til slíks.
í ferðum mínum og fundarhöldum
lagði ég áherzlu á það, að félögin og
samböndin hefðust eitthvað að, ekki
skipti öllu máli hvað það væri — að
vísu innan ákveðinna marka —, félög-
in þyrftu að nærast á starfi og sam-
skiptum einstaklinganna og félaganna.
Þá væri örugglega betur farið en heima
setið.
25.
sambandsþing UMFI
Verður haldið á Laugum í Suður-Þingeyjar-
sýslu dagana 21. og 22. júní n. k. — Helztu
þingmál verða: Fjármál, Samvinna félagsheim
ila, Skinfaxi, 13. Landsmótið, 14. Landsmót
UMFÍ, Skipulagsmál, Landgræðsla og skóg-
rækt, íþróttastarfsemin, Starfsíþróttir, Félags
málakennsla og leiðbeinendanámskeið, Sum-
arbúðastörf og félagsmál.
Dagskrá þingsins og nánari tilhögun verð-
ur tilkynnt öllum sambandsaðilum bréflega.
Landsmótakvikmyndir
Kvikmynd, sem gerð var um Landsmótið að
Eiðum er fullgerð, og er hún hinn skemmti-
legasti minjagripur um mótið. Gísli Gestsson
kvikmyndagerðarmaður er höfundur mynd-
arinnar, en kostnaðaraðilar og eigendur eru
UMFÍ og landsmótsnefnd.
Af kvikmynd Laugarvatnsmótsins er til
nokkuð löng hrakfallasaga, sem vonandi
gleymist öllum, þegar myndin kemur til sýn-
ingar. Við höfum nefnilega þau gleðilegu tíð-
indi að flytja, að myndin mun verða tilbúin
til sýningar áður en mjög langt líður.
30
SKINFAXI