Skinfaxi - 01.04.1969, Blaðsíða 46

maður mótsins, og í kvennagreinum var
Kristín Jónsdóttir stighæst. Beztu afrek unnu
þau Kristín Jónsdóttir og Karl Stefánsson.
Trausti Sveinbjörnsson sigraði í 400 metra
hlaupi, og setti landsmótsmet í greininni.
Sambandið varð í þriðja sæti í Bikar-
keppni FRÍ. Margir beztu frjálsíþróttamenn
sambandsins kepptu á öllum stærstu mótum
sumarsins, þar á meðal Meistaramóti íslands,
og hlutu þrjá meistaratitla. Sambandið vann
íþróttakeppni sem fram fór í Húsafellskógi
um verzlunarmannahelgina. Sambandið stóð
fyrir héraðsmóti í frjálsíþróttum, sem haldið
var á Ármannsvellinum í Reykjavík. Sund-
mót sambandsins fór fram í Varmárlaug. —
Víðavangshlaupi skóla í Kjalarnesþingi stóð
sambandið fyrir, þátttakendur voru 50 frá 7
skólum í héraðinu. Héraðsmót í knattspyrnu
var haldið seinnipart sumars, með þátttöku
fjögurra félaga, keppt var í 4. og 5. flokki.
Sambandið stóð fyrir Drengjameistaramóti
íslands innanhúss, og Glímumóti Sunnlend-
ingafjórðungs, sem fram fór í Kópavogi, og
bridgemóti, sem haldið var í Hlégarði. Er
það sveitakeppni á milli sambandsfélaga.
Sambandið tók að sér að sjá um skákmót
á vegum UMFÍ; var það undankeppni fyrir
landsmótið. UMSK vann keppnina, sem gaf
sambandinu rétt til þátttöku á Landsmótinu,
og sigraði sveit UMSK þar glæsilega.
Sambandið stóð að dómaranámskeiði í
knattspyrnu með Hafnfirðingum, sjö knatt-
spyrnumenn sóttu námskeiðið, og hlutu sín
dómaraskírteini, fyrr á árinu öðluðust 5 félags
menn dómararéttindi í frjálsíþróttum.
Námskeið voru haldin í nokkrum greinum
starfsíþrótta, og sendir keppendur á Lands-
mótið, eins og áður er getið.
Kristín Jónsdóttir setti tvö íslandsmet á
árinu, í 100 og 200 metra hlaupi, mörg hér-
aðsmet voru sett á árinu. Kristín var kosin í-
þróttamaður ársins, og var henni afhentur
fallegur bikar á þinginu.
Þá var Gesti Guðmundssyni afhentur bik-
ar fyrir félagsmálastörf.
Afhent voru verðlaun fyrir bezta afrek á
frjálsíþróttamóti sambandsins, bæði í karla
og kvennagreinum, sem komu í hlut Kristín-
ar Jónsdóttur og Karls Stefánssonar.
Þingið gerði margar ályktanir í íþrótta-
og æskulýðsmálum. Áherzla var lögð á aukna
íþróttastarfsemi hjá félögunum, samþykkt var
að ráða framkvæmdastjóra á næsta ári, og
sækja um fjárstyrk til sveita- og bæjarstjórna
með tilliti til þess.
Gerð var fjárhagsáætlun fyrir árið l'D69.
Gerð ályktun um sambandsmót i hinum ýmsu
íþróttagreinum, m. a. að koma á knattspyrnu
móti innan húss, keppni við önnur ungmenna
sambönd o. fl.
Þingið gerði athugasemd við skákreglur, er
UMFÍ hefur gengið frá varðandi takmörkun
skákmanna í fyrirhuguðum skákmótum ung-
mennafélaganna. Taldi þingið sjálfsagt að
samböndin mættu senda á þessi mót sína
beztu skákmenn.
Samþykkt var að kjósa nefnd, sem gera á
SKINFAXI