Náttúrufræðingurinn - 2008, Blaðsíða 60

Náttúrufræðingurinn
2. mynd. Tjarnarannsóknir á Tunguselsheiði íNorður-Þingeyjarsýslu. Ljósm.: Náttúrustofa Norðausturlands.
vöktun vatnafugla í Aðaldal og
Kelduhverfi, vistfræði straumanda
Laxár í Suður-Þingeyjarsýslu og
úttekt á sjófuglabyggðum á Tjörnesi.
Auk fuglarannsókna hefur Náttúru-
stofan einkum stundað rannsóknir á
smádýrum í ferskvatni. í því sam-
bandi ber helst að nefna rannsóknir
á smádýralífi vatna fyrir botni
Skjálfanda og Öxarfjarðar og rann-
sóknir á smádýralífi hálendistjarna
sem unnar eru í samstarfi við
Veiðimálastofnun, Náttúrufræði-
stofnun íslands og Háskóla íslands.
3. mynd. Nemendur „Laxárskólans" fylgjast
með ogfræðast um það semfinna má á botni
Laxár. Ljósm.: Náttúrustofa Norðausturlands.
Þjónustuverkefni eru nokkuð fyrir-
ferðarmikil í starfsemi Náttúrustofu
Norðausturlands. Um er að ræða
rannsóknir tengdar mati á umhverfis-
áhrifum framkvæmda og ráðgjöf
tengda umhverfis-, skipulags- og
náttúruverndaráætlunum. Unnið
hefur verið fyrir sveitarfélög, stofnanir
og fyrirtæki. Meðal slíkra verkefna
eru fuglarannsóknir á fyrirhuguðum
framkvæmdasvæðum háhitavirkjana
í Þingeyjarsýslum, Staðardagskrá 21
fyrir Norðurþing, svæðisskipulag
háhitasvæða í Þingeyjarsýslum og
vemdaráætlun Mývatns og Laxár.
Náttúrustofa Norðausturlands
vinnur að ýmiskonar verkefnum í
samstarfi við fjölmargar rannsókna-
stofnanir, eins og dæmin hér að
framan gefa hugmynd um. Mikil
áhersla hefur verið lögð á samstarf
við stofnanir af svipaðri stærðargráðu
sem og stærri stofnanir. Þannig næst
betri nýting á bæði mannauði og bún-
aði sem til staðar er í hverri einingu.
Náttúrustofan hefur haft náið sam-
starf við Náttúrurannsóknastöðina
við Mývatn og í gildi er samstarfs-
samningur milli stofnananna um
rannsóknastarf, nýtingu aðstöðu og
fræðslu sem tengist Mývatni og Laxá.
Þá er stofan aðili að Samtökum nátt-
úrustofa (SNS), sem hafa m.a. það
hlutverk að stuðla að og efla samstarf
meðal náttúmstofa. Samtökin hafa
undirritað samstarfssamninga við
Háskólann á Hólum, Stofnun
fræðasetra Háskóla íslands, Veiði-
málastofnun og Náttúrufræðistofu
Kópavogs. Um samstarf við Náttúm-
fræðistofnun íslands er kveðið á í
lögum um Náttúrufræðistofnun og
náttúmstofur (nr. 60/1992, með síðari
breytingum frá 2002). Náttúmstofan
hefur unnið að ýmsum verkefnum í
samstarfi við Náttúmfræðistofnun
allt frá því að stofan hóf starfsemi.
Fræðsla er eitt af skilgreindum
hlutverkum náttúmstofa og hefur
Náttúmstofa Norðausturlands unnið
að fræðslu um náttúmfræði með
ýmsum hætti. Má þar nefna opna
fyrirlestra, fræðslu í skólum, skilta-
gerð, bæklingagerð og aðstoð við
gerð kvikmynda um náttúmfræði.
Þá hefur stofan tekið þátt í tilrauna-
verkefni sem gengur undir heitinu
„Laxárskólinn". Verkefnið gengur út á
að gefa grunnskólabömum færi á að
kynnast lífríki Laxár í Suður-
Þingeyjarsýslu með vettvangsferðum
og beinum athugunum.
Finna má frekari upplýsingar og
fréttir af starfsemi Náttúrustofu
Norðausturlands á heimasíðunni
www.nna.is.
140