Samvinnan - 01.08.1970, Blaðsíða 39
fjöldi fyrirtækja, sem megna ekki að koma
á fullkomnum framleiðsluháttum vegna
smæðar, fjármagnsskorts og skipulagsleysis
stjórnvalda og borgaryfirvalda. Ef í Reykja-
vík væri t. d. starfandi iðnfyrirtæki, sem
veitti hlutfallslega jafnmörgum atvinnu og
verksmiðjur KEA og Sambandsins á Akur-
eyri, ættu að starfa í því á sjötta þúsund
manns.
IV.
Þrátt fyrir margháttaða erfiðleika KRON
á liðnum árum og almenna erfiðleika verzl-
unarinnarí landinu í seinni tíð, hefur KRON
tekizt að auka verzlun sína og hagur félags-
ins farið batnandi. Þeirri stefnu hefur verið
fylgt á síðari árum, að hafa búðirnar færri
og stærri þar sem hægt væri að koma við
sem mestu vöruvali og fullkominni sjálfsaf-
greiðslu. Búðir félagsins eru nú 15 talsins,
10 matvöruverzlanir, þar af þrjár í Kópa-
vogi, en þar hóf KRON verzlun með til-
komu kaupstaðarins, og svo eru fimm sér-
verzlanir: búsáhaldaverzlun, járnvöru-, vefn-
aðarvöru-, raftækja- og bókabúð. Auk þess
rekur félagið efnagerðina Rekord.
Um árabil hefur félagsmannatala KRON
að mestu staðið í stað, þar til á s. 1. ári, en
þá fjölgaði félagsmönnum KRON um 777,
og voru þeir því í árslok 1969 6416 talsins.
Þessi fjölgun stafaði m. a. af því afsláttar-
kerfi, sem upp var tekið, að veita félags-
mönnum, jafnt nýjum sem eldri, 10% af-
slátt af viðskiptum ákveðinn tíma, gegn af-
hendingu sérstakra afsláttarmiða, sem fé-
lagsmönnum voru látnir í té á skrifstofum
KRON.
Það er óhætt að fullyrða, að ávinningur
af starfi KRON hafi verið margháttaður
fyrir félagsmenn og neytendur í Reykjavík
og nágrenni. Á fyrstu árum sínum varð fé-
lagið til þess að vöruálagning lækkaði veru-
lega. Félagið hefur rutt nýjar brautir í
verzlunarháttum og ávallt kappkostað að
selja góðar vörur, og staðreyndin er sú, að
frá fyrstu tíð hefur kaupfélagið selt ódýrari
vörur en aðrar verzlanir í Reykjavík. KRON
hefur einnig sem fjölmennasta kaupfélag
Sambandsins tekið öflugan þátt í heildar-
uppbyggingu samvinnustarfsins í landinu.
V.
Það er skoðun mín, að KRON sé nú á
ýmsan hátt mjög vel í stakk búið til að stór-
efla starfsemi sína. Til þess að það takist
giftusamlega, er nauðsyn að virkja þann
þjóðfélagsáhuga, sem virðist vera að vakna
með ungu fólki, til öflugra átaka í samvinnu-
starfi og baráttu fyrir samvinnustefnunni,
sem samkvæmt lýðræðislegum grundvallar-
einkennum sínum, frjálsræði og fjöldaþátt-
töku, samrýmist mjög þeim viðhorfum, sem
fram hafa komið hjá ungu fólki um eðli
þjóðmálastarfs. Með aukinni fræðslu, um-
ræðum og upplýsingum um samvinnufélögin,
gildi þeirra, markmið og meginstefnur, hef
ég trú á, að það muni takast. KRON er sá
vettvangur sem áhugasveitir ungs fólks gætu
helgað starfskrafta sína, um leið og lagður
yrði nýr grunnur að stóraukinni samvinnu-
verzlun á höfuðborgarsvæðinu með bygg-
ingu myndarlegs vöruhúss á vegum KRON
eða með sameiginlegu átaki allra samvinnu-
manna í landinu. ♦
ASalverzlun KRON á SkólavörSustíg 12.
Ein af matvöruverzlunum KRON.
39