Andvari - 01.01.1982, Qupperneq 107

ANDVARI
AFAMINNING
105
nesi, er sr. Pórður gerðist kapilán hjá sr. Jóni Bachmann árið 1836. Hjá þeim
hjónum var þá hálfbróðir sr. Þórðar, Jón Árnason síðar bókavörður. Ekki var
nema sjö ára aldursmunur á þeim frændunum. Jón Á. f. 1819, Jón Þ. f. 1826.
Urðu þeir miklir mátar og alúðarvinir allt til æviloka.
Skólaárin.
Jón Þórðarson, prestssonurinn í Klausturhólum, fór mjög hina hefð-
bundnu leið þeirra tíma á námsferli sínum. Enda þótt faðir hans, sr. Þórður,
væri góðum gáfurn gæddur, mun hann ekki hafa verið lærdómsmaður nema í
meðallagi. Ekki kenndi hann þessum syni sínum undir skóla, heldur sendi
hann á 14. ári til sr. Ásmundar í Odda, þar sem hann var í /2 árs dvöl við
lærdómsiðkanir. Þaðan lá. leiðin í Bessastaðaskóla, þar sem Jón var þrjú sein-
ustu árin, sem skólinn var á Álftanesi. Þrjú seinni skólaárin var hann í Reykja-
víkur lærða skóla og lauk stúdentsprófi vorið 1849. Þaðan lá leiðin beint í
Prestaskólann, og lauk hann þar námi á venjulegum tíma - tveim vetrum.
Sumarið milli þeirra var Jón við skriftir hjá sýslumanni Árnesinga, Þórði Guð-
mundssyni, sem þá bjó í Hjálmholti.
Svo segir í vitnisburði frá kennurum Prestaskólans, að Jón Þórðarson
hafi stundað námið af alúð og kostgæfni, enda kom það fram á prófinu, þar
sem hann fékk 49 st., en hæstu einkunn sem nemandi hlaut samkvæmt
þessum einkunnarstíl var 52 st. ,,Hann hefur gáfur í betra lagi og sérlega
góðar námsgáfur. Eins og hann er mesti alúðarmaður, eins hefur hann og
reynzt siðprýðismaður og kurteis í umgengni.“
Á biskupskontór.
Rakleiðis og með loflegum vitnisburði hafði nú Jón Þórðarson lokið sínum
lærdómsferli. Honum var því í lófa lagið að fá lífvænlegt brauð með von eða
vissu um betra prestakall síðar. En hann kaus að ganga inn um aðrar dyr í
þjónustu kirkjunnar.
Svo stóð á fyrir herra biskupnum, Helga Thordersen, að ,,eftirlætis“
skrifari hans, Oddur Sveinsson, var að yfirgefa kontórinn. Vígðist hann að
Hrafnseyri vorið 1851. Við það losnaði biskupsritarastarfið. Hvarf nú Jón
Þórðarson að því og hélt í fimrn næstu ár. Var hann mæta vel til þess fallinn,
listaskrifari bæði fljótur og velvirkur. Hafði líka góða æfingu, því meðal
annars, sem hann skrifaði í Bessastaðaskóla, voru Mannkynssögufyrirlestrar
Sveinbjarnar Egilssonar upp á 600 bls. - Bréfabækur biskupsembættisins í tíð
Jóns Þórðarsonar bera ritaranum gott vitni. En hann skrifaði fleira en embætt-
isbréf. Hann lét sig ekki muna um að skrifa allar helgidagapredikanir Helga
biskups, sem seinna voru gefnar út í húspostillu hans. Það verk eru þrjár
bækur - alls 1043 þéttskrifaðar síður, mjög vandað að öllum frágangi.
Vinnutími á biskupsstofu var langur og lýjandi við stöðugar skriftir, kl.