Fréttablaðið - 21.11.2009, Síða 48

6 matur
Kínverjar halda ekki jól enda aðhyllast flestir Kínverjar búddisma. Þeir halda engu
að síður margar hátíðir á hverju
ári og skreyta hús sín og borð sam-
kvæmt kúnstarinnar reglum.
Ding Qing Guan, eigandi Heilsu-
drekans, sýnir hvernig Kínverjar
leggja á borð en hún leggur sér-
staka áherslu á náttúruna. „Ég
er mikið náttúrubarn og hef lagt
áherslu á heilsuna frá því að ég
man eftir mér, enda er austræn
heilsufræði víðfræg,“ segir Qing,
sem hefur búið hér í 19 ár.
„Það er margt að breytast í Kína
núna. Við höfum margar kínver-
skar hátíðir en stærsta hátíðin er
sú þegar kínverska nýja árið geng-
ur um garð. Qing segir að nú sé
eitthvað um að fólk af yngri kyn-
slóðinni haldi jól í Kína.
Qing segist vinna mikið með
náttúruna, jurtir og steina. „Ég
nota þetta í borðskreytinguna.
Það er mikil temenning í Kína.
Því finnst mér tebollar alveg
ómissandi á borðinu en það sést
ef til vill ekkert við fyrstu sýn.
Það sama á við um önnur matar-
ílát sem eins gætu verið styttur,
enda úr jarðsteinum. Styttur eins
og drekar eru einnig einkenn-
andi fyrir Kína og mikil virðing
er borin fyrir eldra fólki og þekk-
ingu. Ein styttan á borðinu sýnir
einmitt eldri mann drekka te og
lítið barn að lesa bækur. Þetta er
ákveðin heimspeki. Þá finnst mér
blóm ómissandi, þeim fylgir svo
jákvæð orka Ég legg mikið upp úr
friði, orku og jafnvægi í lífi mínu
og það nær alla leið á matarborð-
ið.“ - uhj
Blóm og styttur
Jurtir eru áberandi í skreytingum Qing.
Óvenjulegt tesett en afar fallegt.
Kertaljós finnst Qing ómissandi
en hér hefur hún sett það í epli.
ÓMISSANDI Á BORÐIÐ
Þegar Ding Qing Gaun, eigandi Heilsudrekans í Skeifunni, leggur á borð að kín-
verskum sið ber margt óvenjulegt fyrir augu. Styttur, blóm og framandi og fögur
matarílát prýða borðið enda allt saman ómissandi að mati Qing.
Fallegur en sérstakir
vasi með skreytingu
úr jurtum.
Takið eftir styttunni með
gamla manninum sem
drekkur te og unga
barninu sem les.
Ding Qing Gaun er
mikið náttúrubarn.
FISKIFÉLAGIÐ býður upp á ein-
hverja ódýrustu heimsreisu sem um
getur en hún kostar ekki nema 8.400
krónur. „Við byrjum á íslandi, förum
svo yfir til Skandínavíu, Spánar, Ítalíu,
Asíu, Brasilíu og víðar en endum svo
aftur á Íslandi,“ segir rekstrarstjórinn
Þorgeir Pálsson. „Við notum sérvalið
íslenskt hráefni eins og kjöt, fisk og
grænmeti en bætum það svo upp með
einkennandi hráefni frá öðrum löndum,“ segir þorgeir og tekur dæmi.
„Við bjóðum upp á humar með rabarbara-mauki frá Íslandi, bleikju með
myrkilsveppafroðu frá Noregi, saltfisk með chorizo kryddpylsu frá Spáni
og ferska skötu með sítrónu frá Brasilíu. Þorgeir segir starfsmenn fiskifé-
lagsins hafa lagst í mikla rannsóknarvinnu um hvaðan hráefnin eru upp-
runninn og fylgir sá fróðleikur með hverjum rétti.
NAAN-BRAUÐ VÍÐA VINSÆLT Naan-brauð er upphaflega heiti yfir
mismunandi flatbrauð frá mismunandi heimshlutum og má rekja heimild-
ir um það aftur til ársins 1780. Naan-brauð nýtur mikilla vinsælda í Suður-
Asíu, sérstaklega í Afganistan, Íran, Indlandi, Pakist-
an og nokkrum héruðum í Kína. Algengasta
er að gera naan-brauð úr hveiti, salti,
geri og jógúrt. Deigið er hnoðað og
látið hefast í nokkrar klukkustundir
áður en það er mótað í kúlur, flatt
út og bakað.
RÚSSNESKT SUSHKI MEÐ TEINU Sushki er
hefðbundið rússneskt sætabrauð. Brauðið er gert
úr hveiti, eggi, vatni, salti og sykri og er mótað
í litla hringi sem eru stökkir og sætir þegar búið
er að sjóða þá og baka. Stundum eru hringirnir
þaktir birkifræjum en minna annars einna helst
á ósaltaða kringlu eða beyglu. Sushki fæst í rúss-
neskum verslunum, en hægt er að finna uppskrift-
ina á internetinu og baka það heima.
margt smátt
FR
ÉT
TA
B
LA
Ð
IÐ
/S
TE
FÁ
N
Létt Bylgjan kemur
þér í jólaskap
Bragi Guðmundsson og Jóhann Örn Ólafsson
spila uppáhalds jólalögin þín, alla virka daga frá 8 - 18