Menntamál - 01.03.1936, Blaðsíða 5
menntamAl
3
Jóhannes úr Kötlum:
Hinn skriftlœrði skoii
Hér er hugsjónin eldgömul, heilög bók,
þar sem hégóminn loðir við strik og krók,
og drottinn sem gaf og drottinn sem tók
i dauðaþögn bókstafsins sefur. —
Hér er ekkert frjálsræði, engin völ,
— aðeins eilífðargrámollan, þung og svöt,
þar sem óskeikull námspáfi maur eða möl
upp úr mygluskóf aldanna grefur.
Hann bendir á heiðgulnað kálfskinnskver:
Þetta er kenningin rétta, sem stendur hér.
Af guði hún mönnunum gefin er,
og guðsbarnið eitt hana skilur. —
Og æfður í trúhrokans andakt hann rís,
þessi erfingi að Helvíti og Paradís,
og lagar í hendi lögmálsins hrís,
um leið og hann bæn sína þylur.
Og æskan á bekkjunum húkir hljóð,
— þetta hundsaða efni í lifandi þjóð, —
með starandi augu og staðnað blóð
og stautar í andvana skræðum. —
Sjá, sáluhjálp mannsins er bundin við b,
og blessun guðs almáttugs veltur á c,
og styrkleiki sannleikans styðst við d,
ef það stendur í himneskum fræðum!