Menntamál - 01.03.1936, Qupperneq 17

MENNTAMÁL
15
sem nú er á dagskrá með þjóð vorri. Vegna barnanna
í sveitum landsins og vegna framtíðar þjóðarinnar hefir
kennarastéttin skorið herör og eggjað allagóðaíslendinga
lögeggjan til baráttu fyrir þessu máli. Þroskamöguleik-
ar barnanna eru dýrmætasti auður þjóðarinnar. En það
er fyrirsjáanlegt, að eins og ástandið er nú á síðustu tím-
um orðið í strjálbýlinu, þá er alþýðumenningin i sveit-
um í húfi, ef ekkert verður að hafzt í nánustu fram-
tíð. Og þess ber vel að gæta, að það er ekki einungis
og jafnvel ekki aðallega fræðslan, sem er i molum, held-
ur skortir börnin fyrst og fremst skilyrði til menningar-
legs félagslífs. Þess vegna er eina úrræðið bygging heima-
vistarskóla.
Margt bendir til þess, að almenningur sé nú að vakna
til skilnings á þessu máli. En betur má ef duga skal.
Mjög er áríðandi fyrir þetta mál að efla og útbreiða
traust og álit þeirra lieimavistarskóla, sem þegar eru
starfandi. Sem betur fer stöndum vér þar vel að vígi,
því að yfirleitt munu skólar þessir njóta hins fyllsta
trausts, enda þótt miklar kröfur séu til þeirra gerðar, svo
sem vera ber. Hvílir þvi mikil ábyrgð á kennurum heima-
vistarskólanna, ekki aðeins vegna barnanna, sem þeir
kenna og fóstra á liverjum tíma, lieldur einnig vegna
þessa mikla framtíðarmáls allra sveita landsins.
Menntun kennara. Svo sem kunnugt er samþykkti
fulltrúaþing S. I. B. á síðastliðnu sumri einróma ályktun
um nauðsyn þess, að gagnger breyting yrði gerð hið allra
fyrsta á undirbúningsmenntun kennara. Leggja kennar-
arnir til, að sett verði á slofn deild í uppeldisvísindum við
Háskóla íslands, þar sem allir kennarar við barnaskóla,
héraðsskóla og gagnfræðaskóla skulu stunda nám. öllum
þeim kennurum, sem starfandi eru þegar uppeldisfræði-
deild Háslcólans tekur til starfa, skal gert kleift næstu ár
eftir að stunda þar nám, a. m. lc. 1 ár.
Hin skörulega afgreiðsla kennaraþingsins á þessu máli