Menntamál - 01.04.1959, Blaðsíða 22
16
MENNTAMÁL
nefna, að þýzkan er valfrjáls grein í 18 ára bekkjum,
en nemandi getur í staö þýzkunnar valið viðbótar-nám-
skeið í móðurmáli eða hagnýtar greinar. 1 14 ára bekkj-
um er bæði enska og þýzka valfrjálsar greinar, og hafa
nemendur þá marga möguleika til valfrelsis milli náms-
greina. Til þess að gefa nemendum kost á sem flestum
möguleikum til valgreina við þeirra hæfi hafa misjafn-
lega viðamiklar námsáætlanir verið gerðar í nokkrum
greinum, sem þeir geta valið um, þar á meðal í erlendum
málum, stærðfræði, eðlisfræði og efnafræði. Þyngstu
námsáætlanirnar eru hið eiginlega gagnfræðanám. Um
það bil 40% unglinganna í 13 ára bekkjum og 37% í 14
ára bekkjum hafa valið tvö erlend mál. í báðum þeim
bekkjum er nemendunum miðlað yfirliti og glöggvun um
starfs- eða stöðuval. 1 13 ára bekkjunum er sú fræðsla
um það bil 10 st. á skólaárinu í yfirlitsformi í bekknum,
en í 14 ára bekkjum fá um 70% nemendanna hagnýtar
leiðbeiningar í starfsvali, og fá nemendur þá að „prakti-
sera“ á vinnustöðum í um það bil 4 vikur á skólaárinu.
Þessi fræðsla er í höndum kennara, sem hafa fengið sér-
staka þjálfun í leiðbeiningum um starfsval, og eru þeir
oftast tengdir vinnumiðlunarskrifstofum ungs fólks og
hafa þeir þannig aðstöðu til að útvega unglingum vinnu
við þeirra hæfi síðar og að fylgjast með þeim í starfi,
þar sem þeir vinna sem lærlingar.
Þannig hafa nemendur í 7. og 8. bekk skyldunámsins
fengið leiðbeiningar um nám og starfsmöguleika og auk
þess fengið nokkra eigin reynslu úr hagnýtu starfi á
vinnustað, sem telja má að verði þeim til stuðnings, þeg-
ar þeir nú eiga að velja um þrjár leiðir í 9. bekk skyldu-
námsins, en sá bekkur er hliðstæður 3ja bekk gagnfræða-
stigs skólanna hér á landi. Þær þrjár deildir, sem sænsk-
ir unglingar þá geta valið um, eru: Verknámsdeild (9 y),
almenn deild (9 a) menntaskóladeild (9 g). Skólaárið
1955—56 völdu 50% unglinganna verknámsdeild, 30%