Menntamál - 01.04.1959, Blaðsíða 58
52
MENNTAMÁL
Amgrímur Kristjánsson.
Arngrímur andaðist fimmtudaginn 5. febr, s. 1. og var
jarðsunginn frá dómkirkjunni í Reykjavík föstudaginn
13. febr. Stórmenni og alþýða fylgdi honum til grafar.
Með Arngrími er kappi íslenzkrar kennarastéttar um
s. 1. aldarþriðjung fallinn í valinn, og hann varð vel og
karlmannlega við dauða sínum. Hann lauk kennaraprófi
1923 og vann íslenzkum skólamálum jafnan síðan með
kennslu og skólastjórn. Hann stóð löngum í fylkingar-
brjósti íslenzkra kennarasamtaka, hvort sem um var að
gera að efla menntun, veg og sóma stéttarinnar eða bæta
kjör hennar. Hvar sem landssamtök íslenzkra barnakenn-
ara áttu aðild að málum á innlendum eða erlendum vett-
vangi, lét Arngrímur jafnan mjög að sér kveða. Hann
átti m. a. sæti í stjórn landssambands íslenzkra barna-
kennara og útgáfustjórn Menntamála um langt skeið, var
í barnaverndarráði íslands og stjórn barnavinafél. Sumar-
gjafar, í sumardvalarnefnd barna og í stjórn R. K. 1. Hann
fylgdi Alþýðuflokknum að málum og gegndi fjölmörgum
trúnaðarstörfum í hans þágu, og er þá örfátt talið.
Arngrímur var garpslegur maður, mikill á velli og gervi-
legur, ákaflyndur, einlægur og barnslegur, drenglyndur og
skjótráður. Honum voru að vonum þökkuð maklega fjöl-
mörg störf, er hann vann í þágu ísl. skólamála og kennara,
en oft féll það í hlut þesa ósérplægna manns að vinna ýmis
þau erilsömu verk, sem aðrir hliðra sér hjá og aldrei eru
þökkuð né launuð sem skyldi.
Þegar saga íslenzkra skólamála á þessari öld verður
skráð, mun Arngríms víða og að góðu getið, en ég flyt hon-
um hér þakkir fyrir drengileg störf í þágu Menntamála.
Fyrir hönd foreldra þakka ég fölskvalausan vilja hans að