Menntamál - 01.04.1959, Side 104
98
MENNTAMÁL
til að fikta við gamlar minningar, heldur ber að telja bók-
ina öllu fremur áskorun til kennarastéttarinnar og allra
annarra unnenda alþýðumenntunar — og öllum ber skylda
til að vera það — að standa fast í fylkingu um menntunar-
mál kennarastéttarinnar í hvívetna og veg kennaraskól-
ans í framtíðinni í ört stækkandi þjóðfélagi, þar sem
breytileiki viðfangsefnanna og vaxandi þörf margvíslegr-
ar kunnáttu knýr fast á.
Ég tel skólasögu afar hollan lestur fyrir skólamenn.
Hér er mjög merkur kafli úr skólasögu íslands. Bókin er
og mun verða til hvors tveggja janfágætlega fallin, að
vera lesin í stórum lotum og að vera hin fróðlegasta upp-
sláttarbók.
Rétt er að nefna á nafn nokkra kafla bókarinnar. Fyrsti
hlutinn er ágrip af sögu skólans, með þessum fyrirsögn-
um: Inngangur, — Lög og reglugerðir, — Staðsetning, —
Kennaraskólinn við Laufásveg, — Byggingarmál, Inntöku-
skilyrði, — Námsgreinar og námsefni, — Námstími, —
Próf og einkunnir, — Námsskeið, — Æfingakennslan, —
Stúdentadeild, — Handavinnudeild, — Söngkennaradeild,
— Söfn og kennslutæki, — Bækur og bókasafn, — Sjóðir
skólans, — Skólalíf og félagsstarfsemi, —. Veturinn 1917-
18, — Árið 1940, — í hers höndum, — Sitt af hverju.
Næsti hlutinn er: Skólastjórar, kennarar og aðrir starfs-
menn. Eru þar kaflar úr skólaræðum beggja skólastjór-
anna, hver öðrum betri, einnig kafli um kennara, kenn-
aratal með tilheyrandi myndum, síðan er vikið að öðrum
starfsmönnum skólans. Næsti hlutinn er Nemendur og
nemendatal. Tveir síðustu hlutar bókarinnar eru Þáttur
kennara og Raddir nemenda, og ná frá bls. 164 og út á
bls. 283. Taka þar til máls alls 24 menn um margvísleg
efni, og eykur þessi kafli því eðlilega mjög á fjölbreytni
bókarinnar. Við megum öll vera þakklát ísafoldarprent-
smiðju fyrir að hafa gefið bókina út og gert það myndar-
lega.