Menntamál - 01.04.1959, Blaðsíða 79

MENNTAMÁL
73
einkum fyrir á g-elgjuskeiði. Hin afbrigðilega hegðun lýsir
sér á margan hátt. Þarna er barnið, sem ekkert vildi gera,
ófélagslynt barn, ímyndunarveikt, sjálflægt, hrætt, mis-
lynt. Yfirleitt eru þetta börn frá erfiðum heimilum, flest
með meðalgreind. Þar sem ekki er hægt að hafa áhrif á
heimilin, eru þessi börn oft árum saman í slíkum bekkj-
um til þess að þau njóti þó einhvers staðar öryggis og
friðar. f fámennum hópi undir handleiðslu góðs kenn-
ara líður þeim vel og hegða sér betur; en oftast sækir í
sama horf, ef þau eru sett á fjölmennari bekki. Með heila-
línuriti er hægt að rannsaka taugaviðbrögð, en taugakerfi
þessara barna er oft frábrugðið venju.
Að lokum sagði Helmer Norman frá, hvað gert væri
fyrir hin afbrigðilegu börn að skyldunámi loknu. En fyrir
þeim er reynt að greiða á allan hugsanlegan hátt. Þau
eru þjálfuð í ýmsum starfsgreinum. Síðustu tvo veturna
eru þau jafnvel send um stuttan tíma á ýmsa vinnustaði,
þar sem þau fá að spreyta sig við ýmis störf. Þetta geng-
ur að vísu misjafnlega og oft eins illa og námið, en ekki
er gefizt upp, heldur leitað sem víðast. Þessi börn hafa
leiðbeinanda (kurator, — e. t. v. fyrrverandi kennara
sinn), sem þau geta leitað til með öll sín vandamál um
árabil eftir að skólagöngu þeirra er lokið.
Síðan Magnús Magnússon kom heim frá námi sínu í
Mið-Evrópu, hefur hann annazt kennslu afbrigðilegra
barna og jafnframt leiðbeint kennurum í því efni, eins
og áður er sagt, svo að nú munu vera starfræktir við
flesta skóla bæjarins bekkir fyrir slík börn. Að vísu er
starfsemi þessi á byrjunarstigi og hvergi nærri nóg. En
áhugi er mikill bæði hjá kennurum og fræðsluyfirvöldun-
um, og þess því að vænta, að framhald verði á framkvæmd-
um í þessa átt. Ennfremur er nú starfrækt við flesta
skóla hér lestrarhjálp með sama fyrirkomulagi og tíðk-
ast hjá Svíum. Annast það starf nokkrir kennarar, sem í