Menntamál - 01.04.1959, Blaðsíða 92
86
MENNTAMÁL
fyrir skömmu leyst það mál á þann hátt að stofna sérstak-
an sjóð, er fær árlega 700 þús. kr. fjárveitingu, en í Noregi
er einkum rætt um að láta ákveðinn hundraðshluta af
framlagi til byggingarkostnaðar renna til listskreytingar
bygginganna. Menntamálaráðuneytið norska hefur ekki
enn lagt fram endanlegar tillögur í málinu. — Norðmenn
eru að koma á fót söngleikahúsi, og hefur hin fræga óperu-
söngkona, Kirsten Flagstad, verið ráðin forstjóri þess.
Gert er ráð fyrir að óperan taki formlega til starfa í þess-
um mánuði. 1 ráði er, að Norðmenn gerist aðilar að alþjóð-
legum sáttmála, sem Menningarmálastofnun Sameinuðu
þjóðanna (UNESCO) hefur gengizt fyrir og kveður á um
tollfrjálsan innflutning kennslutækja, vísindaáhalda og
ýmislegs annars, er menningarmál varðar. Öll Norður-
löndin, nema ísland, eru aðilar að Menningarmálastofnun
Sameinuðu þjóðanna, og Danir og Norðmenn meðal stofn-
endanna. Láta Norðurlöndin jafnan á sér heyra, að þau
æski, að ísland gerist þátttakandi í þessu alþjóðlega sam-
starfi á sviði fræðslu, vísinda og lista — ekki sízt fyrir
þá sök, að við það bættist Norðurlöndunum, sem jafnan
hafa nokkra samstöðu í UNESCO, eitt atkvæði á þingum
stofnunarinnar, en þar hefur hvert ríki, smátt sem stórt,
eitt atkvæði, — það er að segja, atkvæði íslands myndi
hafa sama gildi og atkvæði Bandaríkjanna eða Ráðstjórn-
arríkjanna.
í Danmörku, Finnlandi, Noregi og Svíþjóð hefur get-
raunastarfsemi, svipuð og hér var reynd um skeið, án
verulegs árangurs, reynzt hin mesta tekjulind, og er hagn-
aðurinn notaður til stuðnings listum, vísindum, íþróttum
og öðrum menningarmálum.
Um öll Norðurlönd er skortur á kennurum svo sem
reyndar í flestum öðrum löndum og bygging skólahúsnæð-
is er eitt mesta fjárhagsvandamálið á sviði kennslumála.
Meðal þeirra mála, sem rædd voru og gerðar um álykt-
anir á menntamálaráðherrafundinum, var að koma á hús-