Almanak Ólafs S. Thorgeirssonar - 01.01.1903, Blaðsíða 79

Jakobs Jónssonar, sem nú er subur í Norður-Dakota,
gekk einnig aS eiga innlendan mann ; höfðu þau um
tíma gistiskála einn í bænum, sem Metropolitan
Hotel nefndist. Margar fleiri mætti nefna. Einstöku
þeirra hepnaðist hjónabandið vel. En flestar hreptu
eigi annað en harma og ólán. Flestar eru þær nú
týndar, svo menn vita nú ekkert um þær ; en einstöku
hafa því sem næst dregið menn sína inn í Islendinga-
hópinn og staðið ágætlega í stöðu sinni.
Þegar hugsað er um, á hve lágu stigi siðferðið er
í mörgum sveitum á Islandi, og hve vægan dóm al-
menningsálitið þar fellir yfir því, þó ógiftar stúlkur
hrasi, og margfaldar svo freistinguna með því, sem
bent hefir verið á hér að framan, furðar engan, þó
slíkt ætti sér stað í fyrstu og setti ljótan og rauna-
legan flekk á sögu fyrstu ára ísl. nýlendunnar í
Winnipeg. Það er meiri furða, að þetta skyldi lagast
á tiltölulega skömmum tíma. Nýtt almenningsálit
skapast hjá Islendingum sjálfum, er miklu harðar tek-
ur á slíkum siðferðisbrotum en títt hefir verið með
þjóð vorri um óralangan tíma. Og afleiðingin er, að
siðferðisbrot þessi eru fyrir nokkuru síðan nálega
horfin eða orðin eins sjaldgæf og þau munu vera í
nokkuru öðru mannfélagi.
Um trúarskoðanir manna um þetta leyti átti það
heima, sem skáldið segir, að ,,mörg var skoðun og
margbreytt lund“. Islendingar eru heilmiklir heim-
spekingar f aðra röndina. Þeir hafa manna mest
gaman af að leika sér með hugmyndir. Þetta kemur
einkum og sér í lagi fram í trúarskoðunum þeirra.
Imyndunarafl þeirra vaknaði við að koma í nýtt land
og komast í kynni við nýjá mannfélagsskipun og nýja
þjóðhætti. Fyrir margra hluta sakir voru trúarbrögð-
in ofarlega í hugum Islendinga eins og bent hefir verið
á hér að ofan. Imyndunaraflið varpaði sér nú inn á
svæði trúarbragðanna og velti hugmyndum kristin-
dómsins fram og aftur. Það var eiginlega álitið sjálf-
sagt, að hver heföi sérstaka trúarskoðun út af fvrir