Almanak Ólafs S. Thorgeirssonar - 01.01.1939, Síða 68

68 ÓLAFUR S. THORGEIRSSON:
mun hann hafa fluzt að Auðbrekku í Hörgárdal og
dvalið iþar til í kringum 1887 að hann fór vestur
um haf til N. Dakota. Hingað í bygð kom Snorri
rétt fyrir eða um aldamótin og keypti ofangreint
land og bjó þar nokkur ár. Fór héðan til Nýja-
fslands og giftist þar dóttir Sigurðar Nordal frá
Norðtungu í Geysisbygð. Þaðan fluttu þau til Tan-
tallon, Sask., og bjuggu þar allmörg ár. Þar misti
Snorri konu sína úr spönsku veikinni 1918.
Var til heimilis í Rivers, Man., er síðast fréttist
af honum.
Landnemi S.V. 1, 1-6
Sigmundur Jóhannsson
(nákvæmar uppl. ófáanlegar)
Sigmundur Jóhannsson frá Húsabakka í Skaga-
fjarðarsýslu, kom hingað í bygð frá Winnipeg um
aldamótin og settist að á ofangreindu landi. Kona
hans var Sigurbjörg Friðriksdóttir Stefánssonar
alþingismanns í Vallholti í Hólmi í Skagafjarðar-
sýslu. Móðir Sigurbjargar var Guðríður Gísladóttir
alsystir Sigfúsar Gillis (sjá þátt Sigf. Gillis hér að
framan). Þau Sigm. og Sigurbjörg bjuggu hér all-
mörg ár, en fluttu svo burtu til Elfros, Sask., og þar
dó Sigmundur fyrir alllöngu síðan. Eftir lát Sigm.
flutti Sigurbjörg ásamt Arnóri syni sínum, hingað
aftur og bjuggu þá á gamla heimilinu í nokkur ár,
þar til hún fyrir aldurssakir hætti búskap fyrir fáum
árum. Nú hefir hún heimili hjá Arnóri syni sínum
í Elfros, Sask.
Börn þeirra hjóna voru: Friðrik, verkfærasali
í Elfros, Sask., giftur íslenzkri konu; Ingibjörg, gift
Guðmundi Gíslasyni, lífsábyrgðar umboðsmanni
vestur við haf; Arnór, kornkaupmaður í Elfros,
Sask., giftur konu af enskum ættum.
Sigmundur og Sigurbjörg voru mestu myndar-
hjón, góðgerðasöm og skemtin heim að sækja og vel-
kynt í hvívetna.