Jörð - 01.02.1940, Side 57

ar bezt í og ber þá a'ð ávöxtum heilbrigði og samræmi og smiðs-
högg íþróttaþroskans,--------en það eru þeir Ufnaðarhœttir, sem
undirbyggja æfingarnar, veita þeim viðspyrnu, leggja til hið bezta
efni til smíðisins, en koma í veg fyrir ofreynslur.
Matarœðið er ekki út i bláinn þar, sem líkamsmenning hefir
náð nokkrum þroska. Þar iðka menn böð og það fjölskrúðug
böð. Andardrátturinn, sem indverskir yogar eru sagðir vinna ótrú-
leg listaverk úr, mun nú á síðustu árum tekinn að opna leyndar-
dóma máttar síns hinum vestrænu læknisvísindum. Einnig i andar-
drættinum á menning eftir að fara út kviar mannlegra hæfileika
og tækifæra. Sá, sem kominn er á það menningarstig, að rækta
líkama sinn og líkamshæfileika og þá fegurðartilfinningu, sem
hafin er upp yfir múgmennsku tízkunnar — hann fer ekki að
skemma svo dýrmætt verk með óþarfri óreglu á svefni eða í
eiturnautnum né óhófi. Hann verður þess og brátt áskynja, að
líkamanum vegnar eftir ástandi sálarlífsins. Þetta á alveg sérstak-
lega við um mann, sem er andlega vaknaður. Slíkur maður hlýtur
auk þess að líta á það sem andlega skyldu, að vera í svo góðu
lagi líkamlega, sem ástæður framast leyfa; svo bezt stendur ekki
á honum að vera til þeirrar gagnsemdar og gleði, sem lífið kall-
ar hann til.
T ÖRÐ mun — fari ferill hennar fram úr þessu hefti —
“ ræða flest eða öll aðalatriði likamsmenningar kappsam-
lega. Ýmsir hinna efnilegustu af yngri læknum þjóðar vorrar
hafa heitið oss aðstoð sinni. Einnig höfum vér góð sambönd við
forustu íþróttalífsins í landinu, garðræktar og annara menningar-
þátta, er hér koma einkum við sögu. Auk þess fylgjumst vér
náið með því helzta, sem skrifað er um þessi efni í tímarit ger-
manskra þjóða. Vér ætlumst þvi til, að mánaðarrit vort geti smám-
saman orðið til þess, að lesandanum verði ljós afstaða hámenn-
ingar nútímans í sinni heilbrigðustu mynd til líkamsmenningar-
innar, í öllum aðalatriðum, og frétti af flestum helztu landvinn-
ingum þekkingarinnar í líffræði og heilsufræði. Vér ætlumst enn
Remur til þess, að mánaðarrit vort verði lesendum sínum að
notalegri handbók fyrir hvern líðandi árstíma um þessi og skyld
efni. Það er oss metnaðarmál, að lesandinn fái tilfinningu þess,
að hugsað sé um hann persónulega og honum fylgt í gegnum
árstíðirnar — hverju aldursskeiði fyrir sig — með bendingum og
upplýsingum--------allt í tæka tíð. ísland í fararbroddi — vegna
menningar einstaklinga og heimila. Það sé kjörorð vort.
jörð 55