Eimreiðin - 01.10.1940, Qupperneq 50

346
UM NÝFUNDNALAND OG SKULDABASLIÐ ÞAR eimreiðin
hluti þess mikla skaga, og er það land nálægt þrefalt stærra
en Nfland (eða 310 000 ferkílómetrar). Þetta landflæmi, sem
líkt og Nfland er auðugt af skógum og hreindýrahjörðum
og veiðidýrum, vötnum, löxum og fossum, gáfu Bretar Nf-
landi til eignar og umráða 1927. Að vísu var sú hefð komin á,
að Nflendingar notuðu Labrador sem eigin eign, frá gamalli
tíð, en þá var með lögum staðfest, að svo skyldi vera um
aldur og æfi.
íbúar á Labrador eru aðeins 5 000 manns, að meðreiknuð-
um slæðingi af Eskimóum. Allir íbúarnir búa við sjóinn og
eru flestir komnir frá Nflandi. Að Bretar voru svo vænir að
gefa Nflendingum slíka rausnargjöf, kom til af því, að þeir
höfðu lengi horft upp á basl þeirra við að komast úr skuld-
um. Með þessari hlunnindahjálendu átti þeim að verða betur
borgið til að standa sig í fjármálunum og a. m. k. geta kall-
ast að eiga fyrir skuldum. Meiningin var góð, en eins og seinna
verður sagt, hefur þessi hjálp ekki ennþá lconiið að haldi, en
mun það sjálfsagt einhverntíma síðar, ef ekki koma einhverjir
ræningjar á vettvang.
Þetta var nú sjálf jarðeignin, en ekki má gleyma nytja-
svæðunum miklu, fiskimiðunum nafnkunnu, sem taka við
neðansjávar þegar landinu sleppur. Það er fyrst og fremst
fiskigrunniÖ fræga, Nflandsbankinn, sem liggur suðaustan
við landið og er að víðáttu á stærð við Nfland sjálft. Enn-
fremur eru, svo að segja, samanhangandi fiskigrunn við
strendurnar, hringinn í kring um landið. Og loks eru norður
með allri Labradorströndinni einlæg fiskimið, skamt fra
landi. En Labradorströndin er álíka löng og Noregsströnd
sunnan frá Líðandisnesi norður fyrir Lófót.
Nflandsgrunnið er álíka víðáttumikið og sjálft landið (eða
rúmir 100 000 ferldlómetrar). Á þvi er 50—100 metra dýpi>
þar til það austan til fellur bratt niður í djúp Atlantshafsins.
Grunnin kringum landið má gera ráð fyrir að séu einnig álíka
stór um sig og landið sjálft, líkt og er á íslandi (eftir því sem
dr. Bjarni Sæmundsson heldur). Loks eru grunnin meðfrain
Labradorströndum enn þá stærri. Þetta sýnir, að alt fiski-
svæði Nflendinga muni vera a. m. k. þrefalt stærra en fiski-
svið íslands.