Tímarit lögfræðinga - 01.10.1953, Page 57

Timarit lögfrœðinga
247
lækningahugtakið ekki rýmkað, því að hér er hlutdeild í
skottulækningum lýst refsiverð, eins og sagt var.
Það er tekið fram í niðurlagi 7. tölul., að sama gildi, ef
maður með takmörkuðu lækningaleyfi lánar með sama
hætti nafn sitt, þeim, sem ekkert lækningaleyfi hefur. Þetta
hefði naumast þurft að taka fram, því að auðsætt er, að
það hefði komið undir upphafsákvæði 7. tölul., að minnsta
kosti analogice.
C. Með því að 18. gr. almennra hegningarlaga nr. 19/
1940 gildir einungis um brot, sem þau lög taka yfir, þá
mun mega refsa fyrir þau brot, sem í 1.—7. tölul. 15. gr.
sbr. 16. gr. laga nr. 47/1932 taka yfir og lýst eru skottu-
lækningar, hvort sem þau eru framin af ásetningi eða
gáleysi, nema ákvæði töluliðanna sýni, að ásetnings sé
krafizt. Flest brotin eru í eðli sínu þannig, að brotamaður
veit, að hann er að brjóta lögin. Þó mætti vera vafi eða
villa um það, hvort tiltekið lyf mætti láta af hendi án lyf-
seðils, sbr. 1. töluh, hvort tiltekið lækningaleyfi næði til
tiltekins sjúkdóms eða ekki, sbr. 2. tölul., hvort sérfræð-
ingsleyfi tekur til meðferðar ákveðins sjúkdóms, sbr. 3.
tölul. Ráðlegging eða afhending lyfja ,,í óhófi“, sbr. 4.
tölul. og skökk ráðlegging lyfs vegna skakkrar sjúkdóms-
greiningar, kann að stafa af gáleysi, og mundi þó vera
refsiverð. Brotin, sem í 5. og 6. tölul. greinir, sýnast því að
eins refsiverð, að þau séu framin af ásetningi, sbr. orðið
„vitandi“ í 5. tölul. og orðin „til þess stílaSa að gylla“ í
6. tölul. Svo sýnist brot samkvæmt 7. tölul. naumast geta
verið framið öðruvísi en af ásetningi, en orðalagið girðir
þó ekki fyrir að refsa fyrir gáleysi, ef telja mætti brotið
framið með þeim hætti.
D. Ákvæði almennra hegningarlaga um tilraun, sbr. 20.
og 21. gr. þeirra, gilda ekki um brot utan þeirra. En þá má
spyrja, hvort tilraunareglum hegningarlaganna verði ekki
beitt analogice um brot þau, sem til skottulækninga teljast.
Almennt verður spurningu þessari varla svarað. Það fer
eftir eðli hvers brots, hvort tilraunareglum hegningarlag-
anna verði beitt analogice, og má því vera, að tilraun til