Tímarit lögfræðinga - 01.11.1978, Qupperneq 27

á rökrænni hátt og kljúfa efni hinna geysilöngu greina áður gildandi
laga niður í smærri einingar, sem auðveldara er að vinna með.
Efnisskipun laganna.
Lögunum er skipt í 13 kafla, og ber hver kafli fyi'irsögn. Auk þess
er millifyrirsögn fyrir hverri grein eða greinaflokki innan hvers kafla
og ætti hvort tveggja að horfa til hagræðis.
í I. kafla laganna er fjallað um skattaðild, þ.e. hvaða aðilar eru skatt-
skyldir hér á landi. Er þar gerður munur á ótakmarkaðri skattskyldu
og takmarkaðri. Þeir aðilar, sem falla undir ákvæði 1. og 2. gr. laganna,
eru skattskyldir hér á landi af öllum tekjum sínum og eignum án tillits
til þess, hvar teknanna er aflað eða hvar eignirnar eru. 1 3. gr. er síðan
fjallað um skattskyldu annarra aðila, þ.e. um skattskyldu þeirra aðila,
sem einungis eru skattskyldir hér á landi vegna tiltekinna tekna sinna
eða eigna.
II. kafli laganna fjallar um skattskyldar tekjur. Þar er almenn skil-
greining á tekjuhugtakinu í 7. gr. en nánari útlistun á einstökum tekju-
þáttum í 8.—28. gr. Er í þessum kafla fylgt þeirri meginstefnu, að að-
ilar skuli telja sér til tekna sem mest af þeim fjármunum og hlunnind-
um, sem þeim hlotnast, en frádráttur er aftur veittur á móti að því
er þá fjármuni varðar, sem ekki þykir rétt að skattleggja. Með þessu
móti ættu upplýsingar þær, sem fá má af skattaframtölum, að vera
betri grundvöllur en nú er undir rökstudda gagnrýni skattyfirvalda
á skattframtölum vegna lágs lífeyris, en hinir miklu fjármunir, sem
skv. eldri lögum hafa leikið lausum hala utan skattkerfisins, ef svo
Árni Kolbeinsson lauk lagaprófi 1973. Hann
gerðist sama ár starfsmaður í fjármálaráðu-
neytinu og hefur verið það síðan, frá 1975
deildarstjóri í tekjudeild. Árni var í orlofi 1974
—5 og stundaði þá framhaldsnám í skatta-
rétti í Osló. Grein sú, sem hér er birt, er að
stofni til byggð á framsöguerindi, sem Árni
flutti á fundi í Lögfræðingafélagi íslands 3.
maí s.l. Er þess að vænta, að lögfræðingum
þyki góður fengur í yfirliti um hinar nýju og
mikilvægu skattareglur. Að vísu má vera, að
breytingar verði gerðar á vissum atriðum, áður
en lögin koma til framkvæmda. Ekki hefur þótt
ástæða til að gera breytingar á greininni þess
vegna.
121