Tímarit lögfræðinga - 01.11.1978, Side 66

Fram kemur í yfirliti þessu að tæpur helmingur framangreindra verknaða
eða 18 þeirra eru framdir á 12 ára tímabilinu 1966—1977 og 14 þeirra á s.l.
7 árum.
Þá er þess að geta að fjórir menn hafa verið sakfelldir fyrir tilraun til mann-
dráps á árunum 1928, 1953, 1964 og 1973, sbr. Hrd. II. bls. 939—943, XXVI bls.
292—304, XXXVI bls. 583—596 og XLIV bls. 912—961.
Hér verður ekki leitast við að finna skýringar á hinni ískyggilegu fjölgun
manndrápa hér á landi.
Það væri verðugt verkefni fyrir sakfræðinga og mannlífsfræðinga að reyna
að kryfja það mál til mergjar.
Þórður Björnsson.
NÝR DÓMSMÁLARÁÐHERRA
Stjórnarskipti urðu 1. september s.l., þegar ríkisstjórn Ólafs Jóhannes-
sonar leysti ríkisstjórn Geirs Hallgrimssonar af hólmi. Dómsmálaráðherra
er Steingrímur Hermannsson. I samstarfsyfirlýsingu Framsóknarflokks, Alþýðu-
flokks og Alþýðubandalags, sem birt var sama dag og stjórnin hóf störf,
segir m.a.: „... Dómsmál. Ríkisstjórnin mun beita sér fyrir því, að haldið
verði áfram umbótum í dómsmálum, er stuðla m.a. að auknum hraða í af-
greiðslu mála, greiðari aðgangi almennings að dómstólum, svo sem með
lögfræðilegri aðstoð án endurgjalds og mjög aukinnar aðstöðu til harðari
baráttu gegn efnahagslegum brotum. — Lögð verði sérstök áhersla á að
vinna gegn skatta- og bókhaldsbrotum. Athugað verði, hvort rétt sé að setja
á fót sérstakan dómstól, er fjalli um slík mái.“ I samstarfsyfirlýsingunni er
einnig fjallað um endurskoðun á þingsköpum Alþingis og á stjórnarskránni.
160