Tímarit lögfræðinga - 01.11.1978, Page 68

urðsson framkvæmdastjóri og Örn Clausen hrl. auk frummælendanna.
Að loknu matarhléi, sem stóð kl. 12.30—14, var tekið til við umræður um
eínið: „Hvar eru mörkin milli lögmætra og ólögmætra verkfallsaðgerða skv.
II. kafla I. 80/1938 um stéttarfélög og vinnudeilur?" Framsöguerindi fluttu
þeir Arnmundur Backman hdl. og Vilhjálmur Jónsson forstjóri.
Um þetta efni urðu einnig fjörugar umræður og tóku þátt í þeim Páll S.
Pálsson hrl., Örn Clausen hrl., Guðmundur Ingvi Sigurðsson hrl., Jónas Har-
aldsson hdl., Skúli Pálmason hrl., Barði Friðriksson hrl., Már Pétursson hér-
aðsdómari og Sigurður Líndal prófessor auk frummælendanna.
Eftir kaffihlé flutti Jón Sigurðsson framkvæmdastjóri erindi og horfði nokkuð
til framtíðarinnar um breytingar á vinnulöggjöfinni: Var erindi Jóna afar vel
tekið, og þótti engum ástæða til að ræða þetta efni frekar.
Bornar voru fram léttar veitingar áður en haldið var til borgarinnar.
Málþingið sóttu um 65 lögfræðingar.
Jón Steinar Gunnlaugsson.
162