Tímarit lögfræðinga - 01.12.1990, Side 53

markaðsvirði samanlagðra eigna að frádregnum skuldum sjóðsins við innlausn
svo sem skuldum hans við innlánsstofnanir, ógreiddum umsýslu- og stjórnunar-
kostnaði, innheimtukostnaði og áföllnum eða reiknuðum opinberum gjöldum.
Gert er ráð fyrir að ráðherra geti sett nánari reglur um útreikning á innlausnar-
virði hlutdeildarskírteina. Slíkar reglur hafa ekki enn verið settar en unnið er að
samningu þeirra.
23. gr. VVL vekur fjölmargar spurningar um hvernig eignir verðbréfasjóðs
skuli metnar en ljóst er að ýmsar aðferðir má nota í þeim efnum. Verðbréfasjóð-
ur er samsetturaf auðseljanlegum verðbréfum, sbr. 6. mgr. 1. gr. VVL. Eigandi
hlutdeildarskírteinis á skv. 20. gr. laganna tilkall til eigna sjóðsins. í samþykkt-
um sjóðsins eiga skv. e-lið 2. mgr. 18. gr. að vera ákvæði um hvernig reiknað
skuli út raunvirði hvers hlutar í sjóðnum og skv. c-lið 1. mgr. 21. gr. eiga að vera
ákvæði í hlutdeildarskírteinunum um innlausnina þ.á.m. hvernig innlausnar-
verðið sé fundið.
Sem dæmi um verðbréf í skilningi 6. mgr. 1. gr. má nefna skuldabréf og
hlutabréf en auk þess víxla og önnur áþekk viðskiptabréf og einnig loforð um
peningagreiðslu af öðru tagi svo sem tékka og greiðslukortanótur. Hugtakið
verðbréf skv. 1. mgr. 1. gr. VVL nær yfir hvers konar framseljanleg kröfurétt-
indi til peningagreiðslu eða ígildis hennar svo og til framseljanlegra skilríkja fyrir
eignarréttindum að öðru en fasteign eða einstökum lausafjármunum. Nær
hugtakið samkvæmt þessu t.d. til framseljanlegra farmskírteina en hins vegar
ekki t.d. til skilríkja fyrir eignarrétti að bifreið eð öðrum áþekkum lausafjár-
munum. Form skuldbindingar skiptir ekki máli í þessu sambandi heldur nægir
að hún sé hæf til framsals, skriflega eða með öðrum hætti.
í hlutdeildarskírteinum er að finna ákvæði sem eru í samræmi við 23. gr.
laganna varðandi sölu- eða kaupgengi hlutdeildarskírteina. Ákvæðin segja
hinsvegar ekkert um hvernig markaðsverð eigna skuli fundið, hvernig töp eða
tapshætta sé reiknuð til lækkunar á eign, hvernig tekið sé tillit til verðlagsbreyt-
inga o.s.frv. Hins vegar á ársreikningi verðbréfasjóðs að fylgja skýrsla löggilts
endurskoðanda þar sem m.a. kemur fram hvernig útreikningi á verðbréfaeign
sjóðsins er háttað, sbr. 1. mgr. 33 gr. VVL.
Við skoðun á eignasamsetningu sjóða verður að hafa yfirlýsta fjárfestingar-
stefnu sjóðsins varðandi áhættudreifingu í huga en frávik frá henni og afleitt tap
geta leitt til bótakröfu á hendur rekstraraðila, sbr. nánar 9. gr. sbr. 3. mgr. 13.
gr. VVL. Þá er rétt að hafa í huga að verðbréfasjóðir geta átt fasteignir í
takmarkaðan tíma, sbr. 4. mgr. 28. gr. VVL.
Eins og á tilvitnuðum lagaákvæðum sést er fátt um ófrávíkjanlegar reglur
þegar um mat á raunvirði eigna verðbréfasjóða er að ræða, miðað við núverandi
réttarástand. Þó kunna venjur að hafa skapað nokkra festu í framkvæmd en
erfitt er að fullyrða nokkuð í þeim efnum, sbr. 2. mgr. 30. gr. VVL.
179