Tímarit lögfræðinga - 01.12.1990, Page 68

Sljórn Lögfrœðingafélags tslands 1989-1991 og framkvœmdasljórar.
Neðri röð: Dögg Pálsdóttir deildarstjóri, gjaldkeri, Garðar Gíslason borgardómari, formaður, Erla
S. Árnadóttir hdi, framkvcemdastjóri Tímarits lögfrœðinga.
Efri röð: IngvarJ. Rögnvaldsson skrifstofustjóri, ritari, Valtýr Sigurðsson borgarfógeli, meðstjórn-
andi, Hilmar Vilhjálmsson sttid. oecon., framkvœmdastjóri Lögfrceðingafélagsins, Sktili Guðmunds-
son skrifslofustjóri, varaformaður, Sigttrðiir Helgi Guðjónsson hrl., meðstjórnandi.
II. AÐALFUNDUR LÖGFRÆÐINGAFÉLAGS ÍSLANDS 1990
Aðalfundur Lögfræðingafélags íslands var haldinn að hótel Holiday Inn
fimmtudaginn 25. október 1990, kl. 18.00. Á fundinum lágu frammi: skýrsla
stjórnar, reikningar félagsins og reikningar Tímarits lögfræðinga.
Fundarstjóri var kosinn Arnljótur Björnsson, en fundarritari Ingvar J.
Rögnvaldsson. Eftir að fundarstjóri hafði gert grein fyrir fundarsköpum flutti
formaður félagsins, Garðar Gíslason, þakkir Helga Jóhannessonar, sonar
fyrrverandi formanns Jóhannesar L. L. Helgasonar, en formaður félagsins hafði
minnst Jóhannesar í upphafi málþings félagsins í Viðey og fundarmenn heiðrað
minningu hans með því að rísa úr sætum.
Formaður flutti síðan skýrslu stjórnar og vísast til efnis hennar á öðrum stað í
tímaritinu. Fundarstjóri gaf orðið laust og tók Eiríkur Tómasson til máls. Hann
rifjaði upp kynni af formannsstarfinu, er hann þakkaði stjórnarmönnum og þá
sérstaklega formanni vel unnin störf. Hann fagnaði því að félagið hefði tekið
194
W(X~~