Tímarit lögfræðinga - 01.09.2000, Side 84

7. TÖKUM OKKUR Á
Góðir dómarar og lögmenn! Tökum okkur á. Það er engin þörf á þeirri út-
þynningu lögfræðinnar sem ég hef hér gert að umræðuefni. Hún vegur reyndar
að mínum dómi að þýðingarmiklum grundvallaratriðum í stjómskipulagi okkar.
Kannski hefur aldrei fyrr verið ríkari ástæða til að beita hinum hefðbundnu
öguðu viðhorfum um hlutverkaskipan stofnana þjóðfélagsins og um meðferð
réttarheimildanna en einmitt nú á tímum. Það er aldrei unnt að rökstyðja
fráhvarf frá meginreglum með því að viðfangsefnin séu erfið eða flókin. Þegar
mannlífið verður flóknara er meiri þörf en áður fyrir prinsippin. Þau hjálpa
mönnum til að sjá skóginn sjálfan í stað þess að sjá bara næstu tré eins og þeir
gera sem villst hafa af leið sinni um skóginn.
152